Хойд Солонгосын Дээд боловсролын сайд МУИС-д зочиллоо

Share Button

Бүгд Найрамдах Ардчилсан Солонгос Улс (БНАСУ)-ын Ардын Дээд Хурал (АДХ)-ын депутат, АДХ дахь БНАСАУ-Монголын парламентын бүлгийн дарга, Солонгосын Хөдөлмөрийн Намын Төв Хорооны гишүүн, Дээд боловсролын сайд Ноён Тэ Хён Чөл нь Ким Ир Сений нэрэмжит их сургуулийн захирлын албыг хашдаг бөгөөд БНАСАУ-ын АДХ-ын төлөөлөгчдийн хамтаар манай оронд айлчлах үеэр МУИС-д зочиллоо. Хоёр орны парламент, соёлын салбарын харилцаа, хамтын ажиллагааг бэхжүүлэх зорилгоор хийгдэж буй уг айлчлалын нэг хэсэг нь дээд боловсролын салбарт МУИС болон Ким Ир Сений нэрэмжит их сургууль хоорондын хамтралаар дамжуулж хамтран ажиллах явдал юм.

11831367_925742937490965_1702410627_o

  Уг уулзалтад МУИС-ийн захирал Д-р. Р.Бат-Эрдэнэ, МУИС-ийн ЭШГХХА эрхэлсэн дэд захирал Д-р. Б.Болдгив, ГХХАХ-ийн ахлах мэргэжилтэн нар болон бусад төлөөлөгчид зочдыг хүлээн авч уулзан хоёр сургуулийн хамтын ажиллагааг сэргээж, идэвхжүүлэн ажиллах талаар ярилцлаа.

МУИС-ийн захирал Др. Бат-Эрдэнэ зочдыг хүрэлцэн ирсэнд талархал илэрхийлээд, Монгол улсын их сургуулийн талаар болон одоо баримталж буй бодлого, бүтэц зохион байгуулалтын шинэчлэл мөн цаашдын зорилгын талаар танилцуулав.

11846146_925742957490963_1648974567_n

Ноён Тэ Хён Чөл БНАСАУ-ын боловсролын талаарх хэрэгжүүлж буй бодлого, зорилт болон Ким Ир Сений нэрэмжит их сургуулийн талаар танилцуулж, ирэх 2016 онд 70 жилийн ойгоо тэмдэглэх үйл ажиллагаандаа МУИС-ийн төлөөлөгчдийг оролцохыг урьсан юм. Мөн хоёр орны хамтын ажиллагаа олон салбарт хөгжиж байгаатай холбогдуулан Ким Ир Сений нэрэмжит их сургуульд монгол хэлний тэнхим нээсэн боловч монгол хэлний чанартай багш, боловсон хүчин дутагдалтай байгаа учир солонгос оюутнуудыг монгол хэлний чиглэлээр бэлтгэх, монгол багш нарыг тус сургуульд ажилуулах тал дээр хамтарч ажиллах, дэмжлэг үзүүлэхийг хүслээ.

11847463_925742764157649_868236085_o

Уулзалтын үр дүнд хоёр их сургуулийн өмнө нь байгуулсан гэрээг ажил хэрэг болгох тал дээр анхаарал хандуулж гэрээнд тодотгол хийн шинэчлэх, цаашид, гэрээний дагуу хоёр их сургуулийн оюутан суралцуулах, биологи, математик, физик, мэдээлэл болон нано технологийн салбарт хамтарсан судалгаа хийх, эрдэмтэн судлаачид болон тэдний бүтээлүүдийг солилцож туршлага судлах гэсэн чиглэлүүдэд хамтран ажиллаж, харилцан дэмжлэг туслалцаа үзүүлэхээр тохиролцлоо. 

Ким Ир Сений нэрэмжит их сургууль

Ардчилсан Солонгос Ард улсын үүсгэн байгуулагч Ким Ир Сений нэрэмжит их сургууль нь тус улсын анхны их сургууль болон 1946 онд байгуулагджээ.

1948 онд дөрвөн факультет (Инженерийн факультет, Тээврийн инженерийн факультет, Хөдөө аж ахуйн факультет, Анагаах ухааны факультет) нь салбарлаж Пхеньяны технологийн их сургууль (одоогийн Ким Chaek Аж үйлдвэрийн их сургууль), Sariwon Хөдөө аж ахуйн их сургууль, Пхеньяны анагаах ухааны их сургуулийн үндэс суурь болжээ.

04_big

Солонгосын дайны үед их сургууль хотын төвөөс хол Сунчонд Жамо уулын бэл дэх Бэксонд байрлаж байгаад 1955 оны сүүлээр Пхеньяны оюутны хотхоны гол барилгын сэргээн босголт явагдаж, удалгүй их сургууль эргэн Пхеньяны төв руу нүүжээ.
1970-аад оны эцэс гэхэд жил бүр 50,000 гаруй оюутан тус сургуулийг төгсөж байв. Үүнээс гадна, тус сургууль нь БНСУ-ын Ардын арми өөрийн боловсон хүчнээ бэлтгэх газар байсан аж. 1970-аад оноос хойш тус сургуульд англи хэл заадаг болсон байна.

2004 он хүртэл, цөмийн физикч,  одоогийн Пхеньяны Ард хорооны дарга Пак Квон О 17 жилийн турш ерөнхийлөгчөөр ажилласан. 2009 оноос 2013 он хүртэл Сун Жа Рэб, 2013 оноос эхлэн Тэ Хён Чөл тус сургуулийн ерөнхийлөгчөөр ажиллаж байна.

Тус сургуулийн оюутны хотхон нь тус улсын нийслэл Пхеньянд 15 га газар эзлэн байрладаг бөгөөд үндсэн хичээлийн байрнаас гадна  тусдаа оффисын 10 байр, 50 лаборатор,  номын сан, музей, хэвлэлийн газар, R&D төв,  дотуур байр болон эмнэлгээс бүрддэг.

Ким Ир Сений нэрэмжит их сургууль нь Нийгмийн шинжлэх ухаан, Байгалийн шинжлэх ухаан гэсэн 2 салбартай, сургалт нь 5 жил үргэлжилдэг.