Ургамал судлалын тэнхимийн 50 жилийн ойн баярын хурал боллоо
МУИС-д Ургамал судлалын тэнхим байгуулагдсаны 50 жилийн ойн хүндэтгэлийн хурал  энэ сарын 05-ны өдөр болж өнгөрлөө.  Баярын хурлыг Ургамал судлалын тэнхимийг үүсгэн байгуулагч профессор Ц.Жамсран нээж үг хэлэн, тэнхимийн эрхлэгч дэд профессор Н.Сонинхишиг “Ургамал судлалын тэнхимийн түүх, өнөө ба ирээдүй” сэдэвт илтгэл сонсгов. Баярын хуралд тус тэнхимийн үе үеийн багш, ажилтнууд, 1960-2012 онд төгссөн 100 гаруй төгсөгч хүрэлцэн ирсний дунд анхны төгсөгчдийн нэг доктор Г.Цэрэнбалжид, доктор, профессор Г.Эрдэнэжав, тэнхимийн ахмад багш доктор Б.Балжид, Д.Нямжав нарын хүндэт зочид байлаа. Ургамал судлалын тэнхимийн 50 жилийн ойг тохиолдуулан МУИС-ийн удирдлага, ББС болон Улаанбаатар сургууль, ШУА-ийн Ботаникийн хүрээлэнгийн хамт олон баяр хүргэсэн ба тэнхимийн зарим багш нарыг нэр бүхий шагналаар шагнасныг гардуулж өглөө. Профессор Ц.Жамсран, Ц.Цэндээхүү нарыг ШУА-ийн дээд шагнал “Хубилай хаан”-ы одон, ШУА-ийн Ботаникийн хүрээлэнгийн “Хүндэт өргөмжлөл”-өөр, профессор Ц.Цэндээхүүг Ахмад багш нарын холбооны шагнал “Багшийн алдар”, Ц.Жамсранг боловсролын ахмад удирдах ажилтны холбооны шагналаар тус тус шагнасан байна. Ургамал судлалын тэнхимийн хамт олон 50 жилийн ойгоо угтаж “Ургамал судлалын тэнхим, 50 жилийн түүхэн замнал“  номыг хэвлэн гаргаж мөн  “Ургамал судлалын тэнхим 50 жил” дурсамж киног бүтээжээ.    цааш унших →
МУИС дээр хэрэгжиж буй ШУТС сэдэв, төслийн товчоо
МУИС дээр нийт ШУТСангийн санхүүжилттэй 6 сэдэв, 2 төсөл 2012 онд дуусгавар болж 2013 онд 2 төсөл, 27 сэдэв  үргэлжилж байна.   more  цааш унших →
Алтан гадас, Хөдөлмөрийн хүндэт медалиар энгэрээ мялаалаа
Монгол Улсын Ерөнхийлөгчийн зарлигаар МУИС-ийн багш, ажилтнууд төрийн дээд одон медалиар энгэрээ мялаасныг өчигдөр гардуулан өглөө. Ажил үүргээ чанартай, өндөр түвшинд гүйцэтгэж хариуцсан ажилдаа тодорхой амжилт гаргасныг үнэлэн  Баклаврын сургалтын албаны мэргэжилтэн Т.Бадмаа, Төгсөлтийн дараах сургуулийн мэргэжилтэн Ц.Сайнсанаа, НШУС-ийн философийн тэнхимийн дэд профессор Ш.Ганхуяг, ХЗС-ийн Иргэний эрх зүйн тэнхимийн ахлах багш Д.Хуяг, Сургалтын албаны зааварлагч Д.Мөнхтуяа, УБС-ийн аж ахуйн дарга Л.Бат-Эрдэнэ, ЭЗС-ийн Санхүүгийн тэнхимийн эрхлэгч Ч.Энхбаяр, НШУС-ийн түүхийн тэнхимийн зөвлөх профессор У.Гонгоржав нарыг Алтан гадас одонгоор, ХЗС-ийн сургалтын албаны аргазүйч Ш.Бумаажавыг Хөдөлмөрийн хүндэт медалиар шагнасан юм.    цааш унших →
«Сэтгүүл зүй» эрдэм шинжилгээний бичиг олон улсын дугаартай боллоо
2013 оны 3-р сарын 6-нд Монголд үндэсний сэтгүүл зүй үүсч хөгжсөний 100 жилийн ой болох бөгөөд энэ тэмдэглэлт үйл явдлыг тохиолдуулан НШУС-ийн «Сэтгүүл зүй» эрдэм шинжилгээний бичиг International Standard Serial Number (ISSN) авч, олон улсын жишигт нийцсэн сэтгүүл боллоо. АНУ, ОХУ, БНХАУ-ын сэтгүүл зүйн тэргүүлэх эрдэмтэн, судлаачид өгүүллүүдээ нийтлүүлдэг тус сэтгүүл 2012 оны дугаараасаа ISSN 2306-4463хэвлэгдэж эхэллээ. «Сэтгүүл зүй» эрдэм шинжилгээний бичиг 2001 оноос хойш нийт 13 дугаар гаргаад байгаа бөгөөд эрхлэгчээр профессор М.Зулькафиль, хариуцлагатай нарийн бичгийн даргаар дэд профессор Ч.Чойсамба ажилладаг байна.  цааш унших →
МУИС дээр нийт 17 эрдэм шинжилгээний бичгийн редакцийн зөвлөл ажилладгаас 12 нь ISSN дугаартай хэвлэгддэг. Монгол Улсын Их Сургууль байгуулагдсаны 70 жилийн ойн хүрээнд ГХСС нь “Гадаад хэл соёл судлал” сэтгүүлдээ International Standard Serial Number(ISSN) авч дэлхийн стандарт, жишигт нийцсэн сэтгүүл боллоо. 2013 оны 5 сарын ээлжит дугаараас тус сэтгүүл ISSN 2306-3904 хэвлэгдэх болсон тул гадаад хэл соёлын чиглэлээр эрдэм шинжилгээ судалгаа хийдэг эрдэмтэн мэргэд, багш нар манай сургуультай хамтарч ажиллана гэдэгт найдаж байна. Номын буян дэлгэрэх болтугай.  цааш унших →
 “Байгаль-Эх лицей” ахлах сургууль 2012 оны шилдэг сурагчдаа шалгарууллаа
 Зөв Монгол хүүхэд – хөтөлбөрийн хүрээнд, бүтээлч идэвхи чармайлт гаргаж бусдыгаа манлайлсан шилдэг сурагчдыг дэмжиж, мэдлэг, авьяас чадвартай хүүхдүүдийг нээн илрүүлэх, тэдэнд улам ихийг хийж бүтээх урам зориг, эрч хүч өгөх, өөртөө итгэх итгэл төрүүлэх улмаар олон нийтэд алдаршуулан сурталчлах зорилготой оны шилдэг хүүхэд шалгаруулж, шагнал гардуулах ёслолын ажиллагаа энэ сарын 26-ны өдөр боллоо.             Нийслэлийн хүүхдийн төлөө газрын  “Шилдэг хүүхэд” шалгаруулах үзүүлэлтүүд: ОЮУНЛАГ ХҮҮХЭД – Сурлагын өндөр амжилт гаргасан   Сурлагын үзүүлэлтээр тухайн жилд болон улирал бүр дараалан тасралтгүй А үнэлгээтэй суралцсан буюу урд оныхоос сурлагын хувьд илүү их амжилт гаргасан байх   Олон Улс, улс нийслэл дүүргийн төрөл бүрийн олимпиад, уралдаанд шагналт байруудад шалгарч тодорхой амжилт гаргасан байх АВЬЯАСЛАГ ХҮҮХЭД- Урлагийн амжилт гаргасан   Урлагийн аль нэг төрлөөр олон жил тасралтгүй хичээллэж өөрийгөө хөгжүүлсэн байх   Энэ чиглэлээр Олон Улс, улс, нийслэл, дүүргийн төрөл бүрийн уралдаан тэмцээнд тогтмол оролцож өндөр амжилт гаргасан байх ТАМИРЧИН ХҮҮХЭД – Спортын өндөр амжилт гаргасан  зэрэг номинацаар   Спортын аль нэг төрлөөр дагнан хичээллэж өөрийгөө хөгжүүлсэн байх   Олон улс, улс нийслэл дүүргийн төрөл бүрийн уралдаан тэмцээнд тогтмол оролцож өндөр амжилт гарган цол зэрэг хүртсэн байх Зэрэг амжилтуудыг нь анги удирдсан багшийн тодорхойлолтын дагуу ажлын хэсэг шалгаж дээрх үзүүлэлтийг хангасан суралцагчдыг шалгаруулсан юм. Үүнд: 11а ангийн суралцагч С.Норов-Эрдэнэ сургууль, дүүрэг, улсын хэмжээний математик, физик, IQ-ийн төрлийн олимпиад уралдаанд өндөр амжилт үзүүлсэн, “А” үнэлгээтэй суралцаж байгаа зэрэг амжилтаар нь 11д ангийн суралцагч Б.Энхжин биологийн дүүрэг хотын олимпиад, нэрэмжит олимпиадуудад үзүүлсэн амжилт, 2012 онд Сингапур улсад болсон олон үндэстний өв соёл урлагийг сурталчлах олон улсын чуулга уулзалтанд Монгол Улсаа төлөөлөн оролцсон амжилтаараа сургуулийн 2012 оны “ Оюунлаг хүүхэд”-ээр шалгарав. 11е ангийн суралцагч Б.Ээлт, 11а ангийн суралцагч А.Мөнгөнсаран нарын гаргасан амжилт, авъяас чадварын үнэлж сургуулийн оны шилдэг урлагийн авъяастан суралцагчаар шалгаруулав. Олон улс болон улсын тэмцээнүүдэд амжилттай оролцож байсан зэрэг амжилтаараа оны “Авьяаслаг хүүхэд”-ээр шалгарав. 11в ангийн суралцагч Г.Мягмардорж Монголын бүх ард түмний спортын 13-р их наадмын “харваа”-ны төрөлд 2-р байр, заалны Улсын аварга шалгаруулах тэмцээнд 2-р байр эзэлж спортын дэд мастерын болзол хангасан болон бусад нийслэл, Улсын, Олон улсын хэмжээний уралдаан тэмцээнүүдэд амжилттай оролцож байсан тул, 11а ангийн суралцагч Б.Мөнхсайхан, Э.Мэндсайхан, Б.Гантөмөр Монгол улсын Рубик шооны ОМG  нэртэй анхны баг байгуулж хамгийн олон шоогоор уран зураг зурсан, БНХАУ-ын Сужоу хотод зохион байгуулагдсан Рубик шооны тэмцээнд оролцож 4*4*4, 2*2*2, 3*3*3 (нэг гараар) төрлүүдэд МУ-ийн дээд амжилт тогтоож МУ-ын аварга болсон, шатар, даам, рубик шоо зэрэг оюуны спортын төрлүүдээр амжилттай хичээллэж 60-аад хүүхдэд зааж сургасан амжилтыг үнэлж сургуулийн 2012 оны “Тамирчин хүүхэд”-ээр 10а ангийн суралцагч Х.Энхболд дүүрэг, хотын математик, сэтгэх чадварын олимпиадуудад I, II дугаар байруудад, хотын сэтгэх чадварын олимпиадад I байр, Улсын сэтгэх чадварын уралдааны мөнгөн медаль хүртсэн зэрэг амжилтаар, 10г ангийн суралцагч Б.Эвэлмаа 2011-2012 оны Нийслэлийн тэргүүний суралцагч алтан медаль, дүүргийн газарзүй, физик, англи хэлний олимпиадын тусгай байр, Монгол улсын уран илтгэгчдийн холбооноос зохион байгуулсан “Англиар илтгэх тэмцээн”-д 2-р байр, 2012 онд “Цэвэр ус” сэдэвт илтгэлийн уралдаанд 1-р байр алтан медаль, Англи улсад зохиогдсон “New London grist mill” эссэ бичлэгийн уралдаанд 3-р байр эзэлж “Nowless” авсан, 2012 оны БЭЛАС-ийн Англи хэлний илтгэлийн тэмцээнд 2-р байр эзэлсэн зэрэг амжилтаар оны “Оюунлаг хүүхэд”-ээр 10в ангийн суралцагч Э.Манлай дүүрэг, хот, улсын аварга шалгаруулах тэмцээнүүдэд алт мөнгөн медалиуд, 2012 оны жудо бөхийн улсын аварга шалгаруулах тэмцээний алтан медаль хүртсэн зэрэг амжилтаар сургуулийн оны “Тамирчин хүүхэд”-ээр 10в ангийн суралцагч Маралзаяа,  Хот, Улсаа төлөөлөн олон арга хэмжээнүүдэд амжилттай оролцож байсан, уралдаан тэмцээнүүдэд орсон үзүүлэлт, өөрийгөө байнга тууштай хөгжүүлж ирсэн зэрэг амжилтаараа  урлагийн “Авьяаслаг хүүхэд”-ээр тус тус шалгарлаа. Оны шилдэг хүүхдээр шалгарсан суралцагч нартаа баяр хүргэж ая дууны мэндчилгээ дэвшүүлэхээр урлагийн наадмын тэргүүн байрын шагналт химийн 11-р ангийн суралцагч Б.Энхсайхан Хамтлаг бүжиг Урлагийн наадмын тэргүүн байрын шагналт Физикийн 11-р ангийн суралцагчид.                                                                Урлагийн наадмын тэргүүн байрын шагналт физикийн 10-р  ангийн суралцагч Б.Маралзаяа “Уран нугаралт” Урлагийн наадмын тэргүүн байрын шагналт химийн  11-р ангийн охидын хамтлаг дуулж сонирхууллаа.  цааш унших →
Солонгосын сан оюутнуудад тэтгэлэг олголоо
Солонгос сангийн тэтглэг гардуулах 9 дэх ёслолын ажиллагаа Монгол дах БНСУ-ын элчин сайдын яаманд боллоо. Тэтгэлэгийн батламжийг БНСУ-аас Монгол улсад суугаа бүрэн эрхт элчин сайд И Тэ Ру гардуулан өгсөн бөгөөд  ёслолын ажиллагаанд Боловсрол соёлын асуудал хариуцсан нарийн бичгийн дарга Ким Гваншиг,  МУИС ГХСС-ийн Солонгос судлалын тэнхимийн багш Д.Сайнбилэгт, Г.Эрдэнэчимэг, Б.Дулмаа, Ц.Цэрэндорж, Ким Жихёнъ нар болон мөн өмнө тэтгэлэг авч байсан бакалавр, магистрант, докторант оюутнууд хүрэлцэн ирсэн юм. Солонгос сангийн байгууллага нь МУИС ГХСС-ийн Солонгос судлалын тэнхимийн солонгос судлалын чиглэлээр суралцаж буй 3 магистрант, 2 докторант тус бүрт 1600 долларын тэтгэлэг олгосон юм. 2005 оноос хойш өнөөг хүртэл бакалавр, магистрант, докторантад  нийт 63 хүнд тэтгэлэг гардуулжээ. Энэ удаагийн тэтгэлэгт хамрагдсан оюутнууд: № Овог нэр Анги Тэтгэлэгийн хэмжээ 1 ЦогтсайханЭнхтайван Магистрант 1600$ 2 ГанбаатарЦацрал Магистрант 1600$ 3 ДоржсүрэнХишигжаргал Магистрант 1600$ 4 СодномдоржЭнхчимэг Докторант 1600$ 5 БатнасанНандинтуяа Докторант 1600$ Солонгос судлалын тэнхим 2012.12.26  цааш унших →
МУИС-ийн 20 оюутан Тайваний тэтгэлэг гардлаа
Хорин жилийн найрамдалт харилцаатай Тайваний засгийн газраас Монгол орны ирээдүйн боловсон хүчнийг дэмжиж, оюуны хөрөнгө оруулалтанд хувь нэмрээ оруулах зорилгоор жил бүр Монгол улсын их дээд сургуулиудын шилдэг оюутнуудад тэтгэлэг өгдөг уламжлалтай. Ингэхдээ ахисан түвшний суралцагчид буюу магистр, докторын ангийн оюутнуудад тус бүр 500 долларын тэтгэлэг олгодог юм. Энэ жил “Далайн орон, районтой хамтын ажиллагааг хөгжүүлэх монголын нийгэмлэг”-ийн болон Монгол-Тайваний хамтын ажиллагааны 20 жилийн ой тохиож буйгаараа онцлогтой бөгөөд шилдэг 55 оюутанд тус тэтгэлгийг олгосон юм. Тэтгэлэг гардуулах үйл ажиллагаанд Тайваний засгийн газрын дэргэдэх Монгол Төвдийн хорооны дарга хатагтай Лью,  УИХ, Засгийн газрын гишүүд, МУИС-ийн удирдлагууд болон бусад хүндэт зочид, багш оюутнууд оролцлоо.  цааш унших →
“ДЭЛХИЙН ШИЛДЭГ КҮНЗИЙН ИНСТИТУТ”-ААР  ХОЁР ДАХЬ УДААГАА ШАЛГАРЛАА
МУИС-ийн Күнзийн Институт 2012 оны “Дэлхийн шилдэг Күнзийн Институт”-ээр шалгарчээ. Жил бүр дэлхийн хэмжээнд “Оны шилдэг Күнзийн Институт” 30, “Оны шилдэг хувь хүн” 30-ийг тус тус шалгаруулдаг уламжлалтай бөгөөд 2012 онд 26 шилдэг Институт, 4 шилдэг Танхим шалгаруулснаас МУИС-ийн Күнзийн Институт ийнхүү шалгарч, диплом өргөмжлөл хүртжээ. МУИС-ийн дэд захирал, Күнзийн Институтын Удирдах зөвлөлийн дарга, доктор, профессор Р.Ринчинбазар тэргүүтэй төлөөлөгчид 2012 оны сүүлээр Бээжин хотод хуралдсан дэлхийн Күнзийн Институтын VII их хуралд оролцох үеэр уг шагналыг гардуулсан байна. 2012 оны эцсийн байдлаар дэлхийн 108 улсад нийт 400 гаруй Күнзийн Институт, 500 гаруй Күнзийн танхим ажилладаг ажээ. МУИС-ийн Күнзийн Институт хятад хэлний сургалт зохион байгуулсан, Монгол улсын хятад хэлний сургалтанд дэмжлэг тусалцаа үзүүлж, хятад хэлний олимпиад, “Хятад хэлний гүүр” бүсийн тэмцээнийг амжилттай зохион явуулж, Монголын оюутан сурагчид дэлхийн “Хятад хэлний гүүр” тэмцээнд амжилттай оролцож эхний байр эзэлсэн, хятад судлалын салбарт шинэ бүтээл туурвисан, эрдэм шинжилгээний хамтарсан хурал амжилттай зохион байгуулсан, хоёр орны соёлын солилцоог хөгжүүлж, ард түмнүүдийн харилцан ойлголцлыг гүнзгийрүүлэх хэрэгт зохих хувь нэмэр оруулсан зэргийг үнэлж тийнхүү шалгаруулсан байна. МУИС-ийн Күнзийн Институт 2008 онд байгуулагдсан бөгөөд 2010 онд мөн “Дэлхийн шилдэг Күнзийн Институт”-аар шалгарч байсан юм.  цааш унших →
Ой тогтоолтын олон улсын их мастер боллоо
Өнгөрсөн 12 дугаар сард БНХАУ-ын Гуанжоу хотод болсон “Ой тогтоолтын дэлхийн аварга”-ын 20 дахь удаагийн тэмцээнд манай улсаас Х.Хатанбаатар ахлагчтай оюуны спортын дөрвөн тамирчин амжилттай оролцож багаараа гуравдугаар байрт шалгарсан билээ.   Багийн гишүүн С.Цогбадрах нь МУИС-ийн Эдийн Засгийн Сургуулийн оюутан бөгөөд багийн гишүүн С.Акжол нь мөн МУИС-ийн Мэдээллийн Технологийн сургуулийн оюутан юм.   Энэхүү тэмцээнд нийт 21 орны 125 тамирчин оролцож, арван төрөлд оюун ухаанаа уралдуулснаас : - 2011 оны ой тогтоолтын үндэсний аваргаас зургаан медаль хүртсэн С.Акжолын хувьд “Нэр, зүс царай” цээжлэх төрөлд 15 минутад 59 хүн цээжилж алдалгүй санаснаар шагналт тавдугаар байрт орлоо. Мөн нэг багц хөзрийг 1 минут 13 секундэд, нэг цагт 11 багц буюу 572 ширхэг хөзөр,  нэг цагт 1040 цифрийг дарааллаар нь тус тус цээжлэн, алдалгүй нэрлэснээр их мастерийн болзол хангаж, “Ой тогтоолтын олон улсын их мастер” боллоо. - 2011 оны ой тогтоолтын үндэсний аваргын тэмцээнээс гурван медаль хүртсэн С.Цогбадрахын хувьд сонсголын ой тогтоолт шалгасан “Дуут цифр” төрөлд секунд тутамд хэлэгдэж буй 400 цифр цээжилснээс  81 цифрийг алдалгүй санаж нэрлэснээр наймдугаар байрт, таван минутын цифр цээжлэх төрөлд 286 цифр цээжлэн алдалгүй нэрлэснээр наймдугаар байрт тус тус шалгарлаа. Мөн нэг багц хөзрийг 1 минут 59 секундэд, нэг цагт 12 багц буюу 624 ширхэг хөзөр,  нэг цагт 1100 цифрийг дарааллаар нь тус тус цээжлэн алдалгүй нэрлэснээр их мастерийн болзол хангаж  “Ой тогтоолтын олон улсын их мастер”  болов. Эх орныхоо нэрийг дуурсгаж яваа С.Цогбадрах, С.Акжол нартаа баяр хүргэж цаашдын оюуны их спортод нь улам өндөр амжилтыг хүсэн ерөөе.  цааш унших →
Copyright © 2009 МУИС. All rights reserved.