DIES төслийн эхний уулзалт боллоо
МонголУлсын Их Сургууль,ХБНГУ-ын Халлегийн Их Сургууль, БНСУ-ын Ханбатын Их Сургууль хамтран Германы Эрдмийн Солилцооны Алба (DAAD)-ны дэмжлэгтэйгээр хэрэгждэг  “Dialogue on Innovative Higher Education Strategies” (DIES) хөтөлбөрийн хүрээнд МУИС-ийн судалгааны орчныг сайжруулахтай холбоотойгоор хэрэгжих “Research and Technology Transfer – Building up a Technology Transfer Centre at National University of Mongolia” сэдэвт хамтарсан төслийн нээлтийн уулзалт болж өнгөрлөө. Уулзалтын үеэр төлөөлөгч нар сургуулийнхаа танилцуулгыг хийж танилцуулж сургууль тус бүрийн хөтөлбөр, онцлог давуу талуудыг энэ үеэр дурьдан илтгэлээ.  цааш унших →
МУИС: Оюутанд зориулсан бүхий л үйлчилгээг мэдээлэл бүхий орчинд үзүүлнэ
Дээд боловсролын шинэчлэлийг эхлүүлсэн Монгол Улсын Их Сургууль нь сургуулийнхаа хэмжээнд либерал арт боловсролын технологийг сургалтандаа хэрэгжүүлэхээр 2013 оны 11 сараа хойш эрчимтэй ажиллаж байгаа билээ. Улмаар байгалийн ухаан, нийгмийн ухаан, хүмүүнлэгийн ухааны 3 салбарын 19 мэргэжлийн тэнхимийг нэгтгэж Шинжлэх ухааны сургуулийг байгуулсан юм. Шинэ бүтэц, шинэ зохион байгуулалтаар байгуулагдсан Шинжлэх ухааны сургуулийн сургалтын алба өнөөдөр албан ёсоор нээлтээ хийж оюутан залуустаа нэг цэгийн үйлчилгээг бий болгож байна. Шинжлэх ухааны сургалтын алба нь бүтцийн өөрчлөлтөөс өмнөх 8 сургуулийн 80 гаруй хөтөлбөрийг хариуцан бакалавр, магистр, докторын 11000 гаруй оюутан, 500 гаруй багш нарт үйлчилгээ үзүүлэхээр дахин шинэ бүтэц, бүрэлдэхүүнтэйгээр байгуулагдаад байгаа энэ юм. Бүтцийн өөрчлөлтийн өмнөх бүрэлдэхүүн сургуулиудын сургалтын албад тус бүрдээ 2-4 ажилтан ажиллаж байсан бөгөөд ажлын хуваарилалт, ачаалал жигд бус, зарим асуудлыг шийдвэрлэх зам нь тодорхой бус байдгаас багш, оюутныг чирэгдүүлэх явдал ихээр гардаг байсан. Дээрх бэрхшээлтэй асуудлыг шийдвэрлэж чадсан шинэ сургалтын алба нь 1-8 ажилтны бүрэлдэхүүнтэйгээр ажил үүргээ нарийвчилсан хуваарийн дагуу зохион байгуулж оюутанд зориулсан бүхий л үйлчилгээг мэдээлэл бүхий орчинд үзүүлэхээр болоод байна. Сургалтын алба нь оюутанг сургуульд элсэн орохоор хүсэлт гаргаснаас эхлэн төгсөлтийн диплом, ромбо гардан аьах хүртэл сурч амьдрахад зөвлөгч, дэмжигч байж ажиллах болно гэдгийг сургуулийн удирдлагууд нээлтийн үеэр дурьдан хэллээ.  цааш унших →
“ЖЕНДЭРИЙН АСУУДАЛ – ОЮУТНЫ НҮДЭЭР” оюутны эрдэм шинжилгээний хурал боллоо
Монгол Улсын Засгийн Газар, Жендерийн Үндэсний Хороо түүний дэргэдэх Жендерийн Консорциум,  МУИС, ШУС-ийн Нийгмийн Ухааны салбарын Социологи, Нийгмийн ажлын тэнхим   хамтран   “ЖЕНДЭРИЙН АСУУДАЛ – ОЮУТНЫ НҮДЭЭР” оюутны эрдэм шинжилгээний хурлыг 2014-04-17 нд МУИС-ийн хичээлийн 1-байрны 320 тоот өрөөнд амжилттай зохион байгууллаа. Тус хуралд  МУИС, МУБИС, ШУТИС, ХУИС, Улаанбаатар их сургууль зэрэг их дээд сургуулиудаас 30 гаруй илтгэл ирж,  эцсийн  шатанд 10 илтгэл шалгаран илтгэгдсэнээс  МУИС-ийн ХЗС-ийн ОУЭЗ-3 ангийн оюутан Т.Нандинцэцэг “Эмэгтэйчүүдийн биологийн шинжийг ашиглан мөлжих нь эмэгтэйчүүдийн эрх, жендерийн үзэл баримтлалд харш болох нь” сэдвээр илтгэл тавьж 1-р байранд, МУИС-ийн ХЗС-ийн ОУЭЗ-3 ангийн оюутан М.Мөнхнаран “Хүүхэд асрах үүргийг жендерээр ялгаварлан ногдуулах явдал ба Хөдөлмөрийн хууль” сэдвээр илтгэл тавьж  2-р байранд,  МУИС-ийн ШУС-ийн Нийгмийн Ухааны салбарын Сэтгэл судлалын 4-р ангийн оюутан Д.Лхамсүрэн  “Сэтгэл гутрал  ба жендерийн хамаарал \өсвөр насны хүүхдүүдийн жишээн дээр\ сэдвээр илтгэл тавьж 3-р байранд тус тус шалгарлаа. Тус эрдэм шинжилгээний хурлын шүүгчээр Т.Бүрэнжаргал -МУИС-ийн Социологи, Нийгмийн ажлын тэнхимийн эрхлэгч, доктор /Ph.D/, дэд проф, Б.Онон -Жендэрийн Консорциумын тэргүүн,  С.Түмэндэлгэр -МУБИС-ийн Социологи, Улс төр судлалын тэнхимийн багш доктор дэд проф., Я.Төгөлдөр -ШУТИС-ийн Нийгмийн Технологийн сургууль, Улс төр судлалын тэнхимийн багш, доктор,  Жендэрийн Үндэсний хорооны ажлын албаны мэргэжилтэн  С.Батцэцэг нар тус тус ажиллаа.    цааш унших →
МУИС: Их дээд сургуулиудын шатрын аварга шалгаруулах тэмцээнд тэргүүн байр эзэллээ
БШУЯ, Дээд боловсролын газар болон Хос мастер шатрын акедемиас хамтран зохион байгуулсан Монгол Улсын их дээд сургуулиудын шатрын аварга шалгаруулах тэмцээнд  МУИС-ийн Олон улсын мастер Монгол Улсын Гавьяат багш Доктор, Профессор С.Хандсүрэн ахлагчтай, ОУ-ын шатрын холбооны мастер Т.Оюунбаатар, Спортын мастер Доктор, Профессор Р.Энхбат, Шатрын дэд мастер Доктор А.Батцэнгэл нарын бүрэлдэхүүнтэй баг тамирчид их дээд сургуулиудын шатрын тэмцээнд амжилттай оролцож тэргүүн байр эзлэж аваргын цом өргөмжлөл гардан авлаа. Түүнчлэн ширээ тус бүрийн тэргүүн байрыг Олон улсын мастер Монгол Улсын Гавьяат багш Доктор, Профессор С.Хандсүрэн, Спортын мастер Доктор, Профессор Р.Энхбат, Шатрын дэд мастер Доктор А.Батцэнгэл нар хүртэж алтан медалиар энгэрээ мялаасан юм. Энэхүү тэмцээнд 10 их дээд сургуулийн 40 гаруй тамирчид оролцож авхаалж самбаа, оюун ухаан авьяас билгээ сорьлоо. Их дээд сургуулиудын шатрын аварга шалгаруулах тэмцээнд амжилттай оролцож МУИС-ийн баг тамирчидаа баяр хүргье. С.Хандсүрэн: МУИС-ийн нэрийн өмнөөс 50 гаруй жил тоглож сургуулийнаа нэрийг өндөрт өргөж явна - Их дээд сургуулиудын шатрын тэмцээнд  амжилттай оролцож тэргүүн байр эзэлсэнд баяр хүргье. Энэ жилийн шатрын тэмцээний онцлог юу байв? Тэмцээний үйл явцаас дурьдвал? С.Хандсүрэн: Их дээд сургуулиудын багийн тэмцээн нь 3 дахь жилдээ зохиогдож байгаа юм. Энэ жилийн тэмцээний гол онцлог нь Боловсрол шинжлэх ухааны яам,  Дээд боловсролын газар, Хос мастер шатрын акедеми хамтран өргөн цар хүрээтэй зохион байгуулсан нь ихээхэн онцлог болж өглөө. Энэ тэмцээний эхний тэргүүн байрыг манай баг тамирчид эзэлсэн нь бахархууштай зүйл байлаа. Манай баг тамирчид авьяас билэг оюун ухааны уралдуулж их дээд сургуулиудаас шалгарч нэгдүгээр байр, өргөмжлөл, цом хүртэж чадсан. - Таны амжилтыг энд дурьдахгүй өнгөрч болохгүй.  Та амжилтаасаа бидэнд хуваалцаач. С.Хандсүрэн: Би олон жил энэ шатрын спортоор хичээллэж байгаа. Өөрийнхөө амжилт ололтыг энд дурьдвал олон цаг зарцуулагдах биз. МУИС-ийн Эдийн засгийн сургууль статистикийн тэнхимд 50 дахь жилдээ ажиллаж байгаа. Би Олон улсын мастер болоод 40 гаруй жил, Үндэсний спортын мастер болоод 50 гаруй жил болж байна. - 2014 оны их дээд сургуулиудын тэмцээн хэр өрсөлдөөнтэй болсон бэ? С.Хандсүрэн: Тэмцээн болгон өрсөлдөөнтэй байдаг. Манайх өрсөлдөгч багаас 1,5 оноогоор илүүрхэж тэргүүн байр цомын эзэн болсон. 2-р ширээндСпортын мастер Доктор, Профессор Р.Энхбат маань ширээндээ 7 онооноос 7 оноо авч тэргүүн байр эзэлсэн. Мөн 3-р ширээнд Шатрын дэд мастер Доктор А.Батцэнгэл багш 7 онооноос 6,5 оноо авч ширээндээ шагналт байранд шалгарч чадсан. Эмэгтэйчүүдийн төрөлд би 4-р ширээнд өрсөлдсөн бөгөөд 7 онооноос 6 оноо авсанаар шагналт байранд шалгарч үлдсэн. Ширээ болгоны өрсөлдөөнтэй байсан гэдгийг энд дурьдан хэлэх нь зүйн хэрэг биз. Миний бие МУИС-ийн нэрийн өмнөөс 50 гаруй жил шатрын тэмцээнд өрсөлдөж сургуулийнхаа нэрийг өндөрт өргөж явна. Ярилцлага өгсөнд танд их баярлалаа.    цааш унших →
МУИС: “БОЛОВСРОЛЫН ШИНЭЧЛЭЛ-2014” үзэсгэлэнд амжилттай оролцлоо
БСШУЯам, Мишээл групп хамтран Монгол Улсын Засгийн газраас хэрэгжүүлж буй боловсролын тогтолцоог олон улсын жишигт нийцүүлэн хөгжүүлэх, эрх зүйн орчныг боловсронгуй болгох, их дээд сургуулиудыг хотхоноор хөгжүүлэх, бүтэц зохион байгуулалтыг оновчтой шийдвэрлэх бодлогын асуудал, салбарын хөгжлийн өнөөгийн түвшин, үйл ажиллагааны талаархи мэдээллийг олон нийтэд хүргэх, нийгэмд эрэлт хэрэгцээтэй байгаа боловсролын чиг хандлагыг тодорхойлж, оюутан, сурагчдыг мэргэжлээ зөв сонгох, чанартай боловсрол эзэмшихэд нь туслалцаа үзүүлэх, ихдээд сургууль, коллежид элсэгчдэд шалгалтаа өгөх, бүртгүүлэхэд нь шаардлагатай заавруудын талаар танилцуулах, сурталчилах, олон нийтэд дэлгэрэнгүй мэдээ, мэдээлэл хүргэх үүднээс “БОЛОВСРОЛЫН ШИНЭЧЛЭЛ-2014”  үзэсгэлэн яармагийг 2014 оны 4-р сарын 18-21-ны өдрүүдэд зохион байгуулагдлаа. Боловсролын үзэсгэлэнд МУИС, ШУТИС, МУБИС, УБИС, ИЗИС, СЭЗДС, ХVДС гэсэн 50 гаруй их дээд сургууль оролцсон бөгөөд уг арга хэмжээний хvрээнд дээд боловсролын шинэчлэл, хєгжлийн чиг хандлага, олон улсын тvвшинд нийцсэн боловсролын тогтолцоо, гадаадын тєсєл хєтєлбєрvvд, хамтын ажиллагаа зэрэг олон сонирхолтой лекцvvд зохиогдсон юм. Үзэсгэлэнгийн үеэр төрийн болон хувийн их дээд сургуулиуд, Боловсролын үнэлгээний төв, Орос, Америк, Өмнөд Солонгос, Хятад, Энэтхэг улсын их дээд сургуулиудын төлөөлөгчийн газар, коллеж, мэргэжил сургалт үйлдвэрлэлийн төвүүд зэрэг байгууллагууд оролцож үзэсгэлэнг зорин ирсэн иргэдэд мэдээлэл хүргэлээ. 7 дахь жилдээ зохиогдож буй Боловсролын шинэчлэл-2014 үзэсгэлэнд МУИС шинэчилсэн бүтэц, шинэ бvрэлдэхvvн сургуультайгаар оролцож байгаа нь ихээхэн онцлог боллоо.  Үзэсгэлэнгийн үеэр ерөнхий боловсролын сургуулийн сурагч, элсэгч, эцэг эхчүүдэд МУИС-ийн 2014 оны элсэлтийн журам,  шинэ бүрэлдэхүүн сургуулиудын зохион байгуулалт хөтөлбөрийн талаар мэдээллийг хүргэсэн бөгөөд шинэчилсэн бүтэц бүрэлдэхүүн, элсэлт хөтөлбөрийн талаарх мэдээллийг элсэгч нар илүүтэй сонирхон асууж байлаа. Бакалаврын өдрийн хөтөлбөрт 2014 онд Улаанбаатар хотоос оюутан элсүүлэх түр журам Улмаар үзэсгэлэн зохион байгуулах комисоос Монгол Улсын дээд боловсролын салбарын үйл ажиллагааг суртачлах их, дээд сургууль, коллежид элсэгчдэд мэргэжлээрээ сонгоход нь дэмжлэг үзүүлэх зорилгоор 7 дахь жилдээ зохион байгуулагдсан “БОЛОВСРОЛ ШИНЭЧЛЭЛ-2014” үзэсгэлэнд амжилттай оролцсоныг батлаж МУИС-д “БАТЛАМЖ” гардуулан өгсөн нь бидний ажил үйлсийг сайшаан магтаж буйн нэгээхэн илрэл боллоо.  Үзэсгэлэнгээс ахлах ангийн сурагчид их, дээд сургууль, коллежид элсэгчдэд бүртгүүлэх, шалгалтаа өгөхөд шаардлагатай элсэх журам, заавруудын талаар дэлгэрэнгүй мэдээллийг авах боломж бүрдэж чадсан гэдгийг үзэсгэлэн яармаг харууллаа. МУИС-ийн танилцуулга МУИС-ийн бакалаврын өдрийн хөтөлбөрт элсэн суралцахыг урьж байна МУИС, Элсэлтийн журам 2014 МУИС, Элсэлтийн системд бүртгүүлэх заавар 2014   Уг үзэсгэлэнгийн арга хэмжээнд идэвхи зүтгэлтэй оролцсон комиссын гишүүд, үзэсгэлэнгийн арга хэмжээний зохион байгуулалтад ажилласан  оюутанд үйлчлэх төв, сургалтын алба, бүрэлдэхүүн сургуулийн сургалтын албаны ажилтан, албан хаагчид, цоглог оюутан залуучууддаа МУИС-ийн захиргааны өмнөөс талархал илэрхийлье.  цааш унших →
Л.Алтангэрэл: DIES төсөл нь гадны өндөр мэргэжлийн экспертүүдээс зөвлөгөө авах сайхан боломжийг олгож байгаа юм
“Dialogue on Innovative Higher Education Strategies” буюу DIES нь Германы Эрдмийн Солилцооны Алба (DAAD) болон Германы Их Сургуулийн захирлуудын зөвлөгөөн (HRK) гэсэн байгууллагуудын хамтарсан хөтөлбөр бөгөөд 2001 оноос эхлэн хэрэгжиж эхэлсэн. Уг хөтөлбөрийн үндсэн үйл ажиллагаа нь аж үйлдвэржсэн болон хөгжиж буй орнуудын их сургуулиудын хооронд дээд боловсролын менежментийн салбарт хамтын ажиллагааг өргөжүүлэх, харилцан туршлага солилцоход чиглэгддэг. Төсөл дэвшүүлэх боломжит сэдвүүдийн хувьд их сургууль болон түүний факультетийн бүтцийн менежментэд инновацийг нэвтрүүлэх, мэргэжлийн зөвлөгөө өгөх, технологи дамжуулах төв, ахисан түвшний сургууль зэрэг их сургуулийн бүтцийн нэгж байгуулах, их сургуулийн менежментийн сэдвээр сургалт, мэргэжил дээшлүүлэх зэрэг өргөн боломжтой. DIES-ийн хамтын ажиллагааны хөтөлбөрийн хүрээнд ХБНГУ-ын Халлегийн Их Сургууль, МУИС болон БНСУ-ын Ханбатын Их Сургуультай хамтарсан төсөл шалгарч, 2014 оны 2-р сарын 1-нээс 2017 оны 12-р сарын 31 хүртэл 4 жилийн хугацаанд хэрэгжихээр болоод байгаа билээ. Энэ нь DIES-ийн хамтын ажиллагааны хөтөлбөрт хамрагдахаар Монголоос шалгарч буй 2 дахь төсөл юм. Энэхүү төслийн талаар тодорхой мэдээлэл авах зорилгоор төслийн зохицуулагч Др. Л.Алтангэрэлтэй уулзаж ярилцлаа.   Төсөлд оролцох санаа анх яаж гарсан бэ?   -          МУИС-ийн судалгааны бүтцийг сайжруулахтай холбоотойгоор ийм төсөл дэвшүүлэх санал Германд төгсөгч багш нараас эхлэн гарч, 2010 оноос яригдаж эхэлсэн. 2011 оны сүүлээр профессорын баг, төгсөлтийн дараах сургуулийн журам боловсруулах МУИС-ийн багш нарын өргөн бүрэлдэхүүнтэй ажлын хэсэг байгуулагдан ажилласан нь одоогийн энэ төслийг дэвшүүлэх үндсэн санаа болсон юм. Гол тулгарч байсан бэрхшээл нь төслийг өргөн мэдүүлж, хамтран ажиллах Германы их сургуулийг олох асуудал байсан бөгөөд  МУИС-ийн 70 жилийн ойн арга хэмжээнд оролцсон Халлегийн Их  Сургуулийн төлөөлөгчдөд  хамтран төсөл дэвшүүлэх саналыг тавихад, үүнийг дэмжиж 2012 оны 10-р сараас 2013 оны 6-р сар хүртэл бэлтгэл ажил явагдсан.  МУИС нь  ялангуяа биологийн салбарт Халлегийн Их Сургуультай хамтран ажиллаж ирсэн бөгөөд Халлегийн Их Сургуулийн хувьд МУИС-ийг гадаад хамтын ажиллагааны гэрээ байгуулсан 2 дахь сургууль гэдгийг онцолж байсныг дурьдах нь зүйтэй юм. Хамтарсан төслийн гол зорилго, зорилтуудын талаар танилцуулна уу?    -          DIES-ийн хамтын ажиллагааны хөтөлбөрт хамрагдахаар ирүүлсэн 20 төслөөс шалгарсан 4-т Халлегийн Их Сургууль, МУИС болон Ханбатын Их Сургуультай хамтарсан төсөл багтаж, 2014 оны 2-р сарын 1-нээс 2017 оны 12-р сарын 31 хүртэл 4 жилийн хугацаанд хэрэгжихээр болоод байна. “Судалгаа болон технологи дамжуулалт-МУИС-д технологи дамжуулах төв байгуулах” нэртэй уг төслийн хүрээнд  МУИС-ийн  үйл ажиллагааны болон чанарын менежментийг сайжруулах,  төгсөлтийн дараах сургуулийг төлөвшүүлэх, инноваци, технологи дамжуулалтын төвийн үйл ажиллагааг төлөвшүүлэх, мэдээллийн технологийн  дэд бүтцийг хөгжүүлэх гэсэн 4 дэд зорилтууд тавигдсан. Өөрөөр хэлбэл, дэд зорилтуудын нэгээр нь төсөл нэрлэгдсэн гэж ойлгож болох юм. Төсөл мэдүүлэгч талын зүгээс  нэрийг сонгохдоо шалгарах боломжийг нь давхар бас бодолцсон болов уу. Энэ төсөл МУИС-д хэрэгжсэнээр ямар ач холбогдолтой талаар товч тайлбарлахгүй юу ? -          Сүүлийн жилүүдэд  МУИС багш нарынхаа мэдлэг, туршлагад тулгуурлан ажлын хэсэг байгуулж, дотоод төсөл хэрэгжүүлэх замаар дүрэм, журмаа сайжруулах, тодорхой өөрчлөлттэй холбоотой ажлууд хийгдэж ирсэн билээ. Германы Эрдмийн Солилцооны Албаны санхүүжилтээр хэрэгжих уг төслийн хүрээнд гадны өндөр мэргэжлийн экспертүүдээс зөвлөгөө авах сайхан боломж олдож байгаа нь хамгийн чухал юм. Төслийн санхүүжилтийн нэлээд хэсэг нь жил бүр МУИС болон Халлегийн Их Сургуульд ээлжлэн явагдах семинарт оролцох 2 талын багийн ирж, очих зам хоногийн зардалд зориулагдахаас гадна төсөл дэвшүүлсэн Германы тал жил бүр төлөвлөгдсөн зардлаа Германы Эрдмийн Солилцооны Албанд хандаж хүсэх зарчмаар санхүүжилт нь хийгдэх юм.  Төслийн багт орж ажиллах гишүүдийн хувьд ямар нэгэн цалин, урамшуулалт байхгүй боловч  олон улсын багаас зөвлөгөө авч хамтран ажилласнаар  МУИС-ийн хөгжилд чухал хувь нэмэр болно гэдэгт итгэлтэй байна. Төслийн хүрээнд одоо ямар үйл ажиллагаа явагдахаар төлөвлөгдөж байна вэ?    -          2014 оны 4-р сарын 23-наас 27-ны өдрүүдэд МУИС-д болох төслийн эхний уулзалт семинарт Халлегийн Их Сургуулиас төслийн удирдагч проф. Ёохим Улрих тэргүүтэй 11 хүний бүрэлдэхүүнтэй баг болон Ханбатын Их Сургуулиас 1 профессор ирж оролцоно. 4 дэд зорилт бүрээр тухайн алба, хэлтсийг удирдаж буй дарга, захирал оролцсон 2-3 хүн ирэх юм. Ханбатын Их Сургуулийн хувьд ялангуяа технологи дамжуулалттай холбоотой чиглэлээр дэмжлэг үзүүлэх, туршлагаа хуваалцах зорилгоор энэхүү төсөлд хамтрагчаар оролцож, зардлаа өөрсдөө хариуцаж байгаа. 4-р сарын 24-нд МУИС-д бүтэн өдрийн турш дэд зорилт бүрээр семинар, ярилцлага хийгдэхээр айлчлалын хөтөлбөрт тусгагдсан. Удахгүй явагдах уулзалт семинарын бэлтгэл ажил хэрхэн явагдаж байна вэ? -          МУИС-ийн захирлын тушаалаар дэд зорилт бүрээр хариуцсан албаныхан оролцсон ажлын хэсэг байгуулагдаад байна. Ажлын дэд хэсэг бүрээс тухайн дэд зорилтын хувьд өнөөгийн байдал, цаашид хийгдэхээр төлөвлөж буй ажлын талаар мэдээлэл бэлдэж Халлегийн Их Сургууль руу явуулсан. Үүнтэй холбоотойгоор Халлегийн талаас асуултууд бэлдэж ирүүлсэн нь семинар, ярилцлагыг хэрхэн зохион явуулахыг төлөвлөхөд хэрэгтэй эхний бэлтгэл ажил болсон.  Энэ удаагийн семинарын гол зорилго нь төсөл хэрэгжих хугацаанд хийгдэх ажлыг нарийвчлан төлөвлөхөд чиглэх учир  ажлын хэсгийн гишүүдээс гадна МУИС-ийн нийт багш, ажилтнуудын санал, идэвх оролцоо чухал гэдгийг тэмдэглэхийн хамт хэрэв танд энэ төслийн дэд зорилтуудтай холбоотой санал байвал  int_rel@num.edu.mn хаягаар ирүүлэхийг хүсье. Сонирхолтой мэдээлэл өгсөнд  танд баярлалаа.  цааш унших →
JICA-ын ерөнхийлөгч ноён ТАНАКА Акихико МУИС-д айлчилж, лекц уншлаа
ЖАИКА-ын ерөнхийлөгч ноён Танака Акихико 2014 оны 4 сарын 15-ны өдөр МУИС-д  айлчилж, захирал Др.А.Галтбаяр болон Боловсрол, шинжлэх ухааны яамны сайд Л.Гантөмөртэй уулзалт хийн, МУИС-ийн дугуй зааланд “Монгол улсын хөгжлийн хурдасгуур- дээд боловсролын гүйцэтгэх үүрэг ба түүний боломж” сэдвээр лекц уншлаа. Уг лекцинд төрийн төлөөлөл, МУИС-ийн захирал, багш, ажилтан, оюутнууд болон энэ лекцийг сонирхсон хүмүүс хүрэлцэн ирсэн юм. Их дээд сургууль нь нийгмийн боловсон хүчнийг бэлтгэн, хүмүүст боловсрол олгож, судалгааны ажлаар улс орноо хөгжүүлэхэд өндөр үүрэг гүйцэтгэдэг. Эдийн засгийн хөгжил болон даяаршлыг дагаж нийгэм, аж үйлдвэрийн салбарт шаардагдаж буй боловсон хүчин, судалгаа нь хувьсаж буй энэ үед нийгмийн өөрчлөлтөнд уян хатнаар хандах хэрэгцээ шаардлага гарч байна. Эдийн засаг эрчимтэй хөгжиж байгаа Монгол орны хувьд дунд орлоготой орны урхинд уналгүй, олон талт аж үйлдвэрийг дэмжихийн тулд технологийн салбарыг хөгжүүлж ажиллах хэрэгтэй. Уг лекцээр “Аж үйлдвэр-Академийн кластр”- гэх мэт асуудлаар улс орны хөгжилд их дээд сургууль ямар үүрэг гүйцэтгэж буй талаар өгүүлсэн юм.  цааш унших →
цааш - 2014.04.16
Францын Гаврын их сургуулийн төлөөлөгчид МУИС-д айлчилж, хамтын ажиллагааны гэрээ шинэчлэн байгууллаа
2014 оны 4 сарын 15-ны өдөр Францын Гаврын их сургуулийн төлөөлөгчид МУИС-д айлчилж, Хэрэглээний математик, цогц тогтолцоо, Сэргээгдэх эрчим хүч, физик болон Улс төр судлал, олон улсын харилцааны салбарын асуудлаар МУИС-ийн удирдлагуудтай уулзлаа. Уг уулзалтын үеэр Гаврын их сургууль, МУИС-ийн хооронд хамтын ажиллагааны гэрээг шинэчлэн байгууллаа. Энэ гэрээнд хоёр сургууль заах арга зүйг хөгжүүлэх, сургалтын агуулгыг сайжруулахад хамтран ажиллаж, харилцан дэмжлэг үзүүлэх, хамтын судалгааны хөтөлбөр хэрэгжүүлэх, удирдлага зохион байгуулалтын асуудлаар харилцан туршлага солилцох, багш, оюутнуудыг харилцан солилцох ба хамтын эрдэм шинжилгээний материал хэвлүүлэх гэх мэт хамтын ажиллагаа өргөжүүлэн хөгжүүлэхтэй холбоотой зүйл заалтуудыг оруулсан юм. Уулзалтанд Гаврын их сургуулийн талаас Газар зүй, газар төлөвлөлтийн сургалт хариуцсан эрхлэгч Др.Патрисиа Сажос, Математикийн лабораторийн эрхлэгч Профессор Аднан Яссине, Сэргээгдэх эрчим хүчний лабораторийн эрхлэгч Др. Браима Дакёо, Эрх зүй, судалгааны лабораторийн дэд эрхлэгч Пиер Шабал, МУИС-ийн талаас МУИС-ийн захирал Др. А.Галтбаяр, Гадаад харилцаа, хамтын ажиллагааны асуудал эрхэлсэн дэд захирал Др. Л.Мөнх-Эрдэнэ, Шинжлэх ухааны сургуулийн Байгалийн ухааны салбарын газар зүй, геологийн тэнхимийн эрхлэгч Др. П.Мягмарцэрэн, Шинжлэх ухааны сургуулийн нийгмийн салбарын улс төр судлалын тэнхимийн багш Др. Ж.Төртогтох, Гадаад харилцаа, хамтын ажиллагааны хэлтсийн ахлах мэргэжилтэн Ш.Мэндбаяр нар оролцлоо. Францын Гаврын их сургууль нь 1984 онд байгуулагдсан, 478 багш, 7 мянга гаруй оюутантай, хүмүүнлэг, олон улсын харилцаа, шинжлэх ухаан технологи, инженерчлэлийн болон технологийн гэсэн 5 салбар сургуультай их сургууль юм.  цааш унших →
цааш - 2014.04.16
МУИС-ийн ТДС-ийн сургалтын журамд санал авч байна
МУИС-ийн ТДС-ийн сургалтын үйл ажиллагааг сайжруулах ажлын хүрээнд Эрдмийн зөвлөлийн 2012 оны 6 сард баталсан ТДС-ийн сургалтын журамд онлайн санал асуулга авч байна. Багш, ажилтан Та бүхэн идэвхтэй оролцоно уу. МУИС-ийн ТДС-ийн сургалтын журмын онлайн санал асуулга  цааш унших →
цааш - 2014.04.16
Copyright © 2009 МУИС. All rights reserved.