Голландын Гронингений их сургуулийн төлөөлөгчид сургалтын төрийн сангийн зээлээр  докторын шатанд тус сургуульд суралцах талаар лекц уншлаа
2014 оны 5 сарын 1-ний өдөр Голландын Гронингений их сургуулийн Гадаад харилцааны бодлого хариуцсан мэргэжилтэн хатагтай Шүфэй Ноестэр Као болон докторын шатанд тус сургуульд сургалтын төрийн сангийн зээлээр суралцаж байгаа ЭМШУИС-ийн оюутан В.Бямбасүрэн нар Монгол Улсын Их Сургуулийн багш оюутнуудад зориулж сургалтын төрийн сангийн зээлээр докторын сургалтанд хамрагдах боломжийн талаар мэдээлэл өгөх уулзалт зохион, лекц уншиж, оюутнуудын асуусан асуултанд хариуллаа. Уг уулзалтанд оролцсон оюутнууд Голландын Гронингений их сургууль, сургуулийн түүх болон мэргэжлийн салбарынх нь тухай мэдээлэл авч, Монгол Улсын Боловсрол Шинжлэх Ухааны Яамны сургалтын төрийн сангийн зээлд хамрагдах арга замын тухай зохих ойлголт авлаа.   2012 оны 3 сард МУИС, МУ-ын БСШУЯ-тай гурван талт хамтын ажиллагааны гэрээ байгуулсан Гронингений их сургууль нь 1614 онд байгуулагдсан, дэлхийн 100 шилдэг их сургуулийн нэг бөгөөд Голландын тэргүүлэх их сургууль юм байна. Уг сургуульд төрийн сангийн зээлээр докторын сургалтанд суралцах талаар дэлгэрэнгүй мэдээллийг Гадаад Харилцаа, Хамтын Ажиллагааны Хэлтсээс удахгүй веб сайтаар өгөх болно. ГХХАХ  цааш унших →
Ч.Ундрам: Сургалтын нэгдсэн албаны нэг цэгийн үйлчилгээтэй болно
МУИС-д шинээр байгуулагдсан Сургалтын нэгдсэн алба, 2014 оны элсэлтийн талаар МУИС-ийн Сургалтын нэгдсэн албаны эрхлэгч Д-р Ч.Ундрамтай  уулзаж тодрууллаа. - МУИС-ийн бүтцийн өөрчлөлтийн ажил идэвхитэй явагдаж байна. Өөрчлөлт дундаа Бакалаврын сургалтын албаны өөрчлөлт хэр явагдаж байна вэ? МУИС-ийн Захирлын 2014 оны 04 сарын 29-ний өдрийн А/109 дүгээр тушаалаар Бакалаврын сургалтын алба, Төгсөлтийн дараах сургуулийн сургалтын албаны бүтэц, чиг үүргийг шинэчилж, нэгтгэн бакалавр, магистр докторын Сургалтын нэгдсэн албыг байгуулсан. Энэ албанд Оюутанд үйлчлэх төв, Цахим сургалтын төвүүд мөн харьяалагдаж байна. Энэ өөрчлөлтийг хийхийн тулд МУИС-ийн сургалын алба, сургалттай холбоотой бусад асуудалд дүн шинжилгээ хийсэн. - МУИС нь Сургалтын нэгдсэн шинэ албыг бий болгох ажлынхаа хүрээнд хэдэн сургалтын албыг бий болгох вэ? Шинэ сургалтын албаны давуу болон онцлог талуудыг дурьдвал? Төв Сургалтын нэгдсэн албанаас гадна Бүрэлдэхүүн сургууль тус бүр дээр Сургалтын алба байгуулагдсан. Шинжлэх ухааны сургууль дээр үлгэр жишээ Сургалтын нэгдсэн албаны нэг цэгийн үйлчилгээний төвийг байгуулж нээлтээ хийгээд байгаа. Цаашид бүх бүрэлдэхүүн сургуулийн сургалтын алба энэ жишгээр зохион байгуулагдана. Шинэ сургалтын алба нь Оюутанд үйлчилэх чиг үүрэг дээрээ илүү анхаарч ажиллах зорилгоор энэ чиглэлийн ажилтаны орон тоо ихтэйгээр зохион байгуулагдсан. Эдгээр хүмүүс оюутанд хичээл сонголт, баталгаажуулалт, мэргэжлийн чиглэлээ сонгохоос авхуулад санал гомдлыг нь авч хурдан шуурхай үйлчилнэ гэсэн үг. Сургалтын алба бол хүнд сурталтай бус найрсан үйлчилгээний байгууллага байх ёстой. Энэ философи бол шинэ сургалтын албаны хамгийн том давуу тал юм. Түүнчлэн бакалавр, магистр, докторын сургалтын алба нэгдсэнээрээ эдгээр түвшний сургалт хоорондын уялдаа холбоо сайжирна, эдийн засгийн хувьд ч илүү ач холбогдолтой. - Хөтөлбөрийн Ерөнхий хорооны ажил ямар шатандаа яваж байна вэ? 2014 оны 04-р сарын 30-ны өдөр Хөтөлбөрийн Ерөнхий хорооны анхны хурал амжилттай зохион байгуулагдаж өнгөрлөө. Миний бие албан тушаалаараа тус хорооны гишүүн, нарийн бичгээр ажиллаж байгаа. Анхны хурлаараа бид МУИС-ийн Хөтөлбөрийн хорооны түр журмыг мөрдөх товч зааврын төслийг хэлэлцсэн. БШУЯ-аас хөтөлбөрт тавигдах шаардлага ирмэгц  энэ зааврыг тодотгон батлаад Хөтөлбөрийн дэд хороод руу явуулах төлөвлөгөөтэй байна. Хуваарийн дагуу бид ирэх долоо хоног Хөтөлбөрийн Ерөнхий суурийн дэд хорооноос Ерөнхий суурь хичээлд тавих шаардлагыг хэлэлцэх ёстой. - 2014 онд элсэх элсэгчдийн журамд ямар өөрчлөлтүүд орсон, МУИС-д элсэхэд элсэгчид ямар шалгуурыг давах ёстой вэ? МУИС-ийн бакалаврын өдрийн хөтөлбөрт 2014 онд Улаанбаатар хотоос оюутан элсүүлэх журам батлагдсан байгаа. Өмнөх жилүүдийн журмаас бодлогын хувьд хэд хэдэн өөрчлөлтүүд орсон. Нэгдүгээрт элсэгчид ЭЕШ өгсөн хичээлүүдээсээ хамгийн өндөр оноотой 1-2 хичээлийг сонгон тооцуулж бүртгүүлэх боломжтой болсон. Хоёрдугаарт элсэгч хөтөлбөрт бус Сургуульд элсэн орно. Тодруулбал: Оюутан тодорхой нэг сургуульд ороод Ерөнхий эрдмийн хичээлээ судалсны дараа мэргэжлийн чиглэлээ сонгох юм. Эдгээр нь элсэгчдэд олгох боломжийг нэмэгдүүлж байгаа. Магистр, докторын элсэлтийн журмын төсөл боловсруулах шатандаа явж байгаа. Удахгүй захирлуудын түвшинд хэлэлцүүлэх төлөвлөгөөтэй ажиллаж байна. - МУИС-аас баримталж байгаа сургалтын бодлогын талаар товч ярьж өгөөч? Бакалаврын түвшний сургалтын хувьд оюутанг “Мэргэжилтэн” болгож бэлдэхийн зэрэгцээ “Дээд боловсролтой иргэн” болгох ёстой гэж үзэж байгаа. Тиймээс Дээд боловсролтой иргэн” нь байгаль, нийгэм, хүмүүнлэгийн шинжлэх ухааны тодорхой мэдлэгтэй, Монгол улсын иргэний хувьд түүх, соёлоо мэддэг, Монгол хэлээр бичих, тооцоолон бодох, Англи хэлний өндөр чадвартай, биеийн тамир, Эрүүл ахуйн ойлголттой байх ёстой гэж үзээд энэ шаардлагын хүрээнд оюутанд сонгох хичээл санал болгоно. Эдгээр хичээлүүдийг амжилттай судалсны дараа мэргэжлийн чиглэлээ сонгоход оюутан тодорхой мэдлэгтэй болчихсон байх тул илүү оновчтой, эсвэл өөртөө илүү итгэлтэйгээр сонголтоо хийнэ гэсэн үг. Түүнчлэн оюутанд чөлөөт сонголтыг хийх боломж өгч байгаа. Тиймээс хэрвээ оюутан хүсвэл мэргэжлийн чиглэлээсээ өөр, өөрийн сурч мэдэхийг хүссэн зарим хичээлүүдийг үзэх боломжтой болж байна. Эсвэл энэ чөлөөт сонголтоороо мэргэжлийн чиглэлээрээ илүү нарийсах, хавсрага чиглэлийн хичээлүүд сонгож тооцуулах зэрэг боломжууд бүрдэж байна. Энэ бол МУИС-д урьд өмнө оюутанд өгч байгаагүй их боломж бөгөөд МУИС-ийн шинэчлэлийн гол цөм нь юм.Магистр, Докторын хувьд дээд боловсролтой иргэн нь нарийсан мэргэших гэж байгаа учраас хөтөлбөрт элсдэг хэвээрээ байна. Харин эдгээр ахисан түвшний сургалтад судалгаа шинжилгээ хийх боломжийг түлхүү оруулах тал дээр МУИС-ийн удирдлагууд анхаарч ажиллаж байна. - Орой, эчнээ ангиудад элсэж орох журам өөрчлөгдсөн уу? Бакалаврын түвшний орой, эчнээ хөтөлбөрт 2014 онд оюутан элсүүлэх журмыг боловсруулаад Захиргааны зөвлөлийн хурлаар хэлэлцэн батласан байгаа. Журмыг удахгүй МУИС-ийн цахим хуудаснаа байрлуулнаа. - Цаашид ямар ажил хийхээр  төлөвлөж байна вэ? Сургалтын нэгдсэн албаны өдөр тутмын ажлаас гадна хийхээр төлөвлөж байгаа хамгийн хариуцлагатай бөгөөд хүнд ажлууд бол нэгдүгээрт бүх түвшний сургалтын журмыг шинэчлэн боловсруулах, хоёрдугаарт МУИС-ийн оюутны гарын авлагыг боловсруулах, гуравдугаарт, шинэ хөтөлбөр, бүтцийн хүрээнд анги танхимыг хамгийн оновчтой, зөв зохион байгуулах асуудлууд юм. Ярилцлага өгсөнд танд их баярлалаа.    цааш унших →
МУИС энэ долоо хоногт
Монгол Улсын Их сургууль энэ долоо хоногт болсон үйл явдлынхаа онцлох мэдээллийг тоймлон бэлтгэлээ. Энэ долоо хоногт манай сургуульд дараах үйл явдал болж өнгөрлөө. А.Галтбаяр: Шилжин суралцах асуудлыг ирэх хичээлийн жилээс зогсооно МУИС-ийн захирал ахирал, доктор А.Галтбаяр Улс төрийн тойм сонины “Ярилцах танхим”-д уригдаж,  сургуультай холбоотой цаг үеийн асуудлаар ярилцсан ярилцлагыг нийтлэн хүргэж байна. Дэлгэрэнгүй мэдээлэл: http://news.num.edu.mn/?p=17908 Магистрант, Доктрантын судалгааны лаборатортой боллоо Дээд боловсролын шинэчлэлийг МУИС  эхлүүлж шинэ бүтэц зохион байгуулалтаар сургалтаа эхлүүлэн ажиллаж байна. МУИС нь судалгааны дэд бүтцээ нээлттэй болгож, ашиглалтыг нь сайжруулах, үр ашгийг нь дээшлүүлэн ажиллаж байгаа бөгөөд Шинжлэх ухааны сургуулийн биологийн тэнхмийн хэмжээнд байгаа салбар дундын судалгаанд хэрэглэгдэх боломжтой  магистрант, докторантын судалгааны лабораторийн нээлтийг 2014 оны 05-р сарын 02-ны өдөр хийлээ. Дэлгэрэнгүй мэдээлэл  http://news.num.edu.mn/?p=17940 Их, дээд сургуулийн оюутны гадаад хэлний улсын олимпиадын тайлан МУИС-ийн ШУС-ийн Хүмүүнлэгийн ухааны салбараас Монголын төрийн болон төрийн бус өмчийн их, дээд сургуулиудын оюутны дунд ХУСалбарын нэрэмжит гадаад хэлний улсын уламжлалт Олимпиадыг амжилттай зохион явууллаа.   Дэлгэрэнгүй мэдээлэл: http://news.num.edu.mn/?p=17865 Математикийн хүрээлэнгийн 40 жилийн ой тохиож байна Математикийн хүрээлэн нь тухай үеийн сайд нарын зөвлөлийн 1973 оны 5 дугаар сарын 18-ны өдрийн 175 тоот тогтоолоор ШУА-ийн дэргэж байгуулагдаж, 1974 оны 03 дугаар сарын 02-оос эхлэн үйл ажиллагаагаа явуулж эхэлсэн түүхтэй бөгөөд өдгөө 40 жилийг амжилт бүтээлийн түүх болгон үлдээсэн байх юм. 40 жилийнхээ ойг хүрээг угтан түүхэн замнал, амжилт бүтээл, өнөөгийн хүрсэн түвшинг хураагуйлан нэгтгэсэн ном товхимол хэвлэн гаргаж олны хүртээл болгосон байна. Дэлгэрэнгүй мэдээлэл: http://news.num.edu.mn/?p=17884 МУИС-ийн Хэрэглээний шинжлэх ухаан, инженерчлэлийн сургуулийн Эрдэм шинжилгээний хурал зохион байгуулсан тухай МУИС-ийн Хэрэглээний шинжлэх ухаан, инженерчлэлийн сургуулийн 2013-2014 оны хичээлийн жилийн Оюутны эрдэм шинжилгээний хурал 2014 оны 4 дүгээр сарын 30-ны өдөр амжилттай явагдаж өнгөрлөө. Дэлгэрэнгүй мэдээлэл:  http://news.num.edu.mn/?p=17920 Олон улсын бага хурал болно Дэлгэрэнгүй мэдээлэл: http://news.num.edu.mn/?p=17818 “МЭРГЭЖИЛ ба ИРЭЭДҮЙН ХАНДЛАГА” сэдэвт лекцэнд урьж байнаДэлгэрэнгүй мэдээлэл:  http://news.num.edu.mn/?p=17842 Солонгосын ILWOO сангийн тэтгэлгээр бакалавр, магистрт суралцуулна Дэлгэрэнгүй мэдээлэл:   http://news.num.edu.mn/?p=17853 Украин улсын засгийн газрын тэтгэлгээр суралцуулна  Дэлгэрэнгүй мэдээлэл:   http://news.num.edu.mn/?p=17822 “ФИЛОСОФИ ХҮНИЙ ЭРХИЙН УУЛЗВАРТ” Философийн улсын V олимпиад болно Дэлгэрэнгүй мэдээлэл: http://news.num.edu.mn/?p=17839 Голландын Гронингений их сургуульд сургалтын төрийн сангийн зээлээр докторын хөтөлбөрт суралцах талаар лекцинд урьж байна Дэлгэрэнгүй мэдээлэл:  http://news.num.edu.mn/?p=17861 Хүндэт МУИС-ийн Материал судлалын чиглэлийн багш, судлаач танаа Дэлгэрэнгүй мэдээлэл: http://news.num.edu.mn/?p=17863 МУИС сонгон шалгаруулалтанд урьж байна Дэлгэрэнгүй мэдээлэл:  http://news.num.edu.mn/?p=17897 Хүндэт МУИС-ийн багш, судлаач танааДэлгэрэнгүй мэдээлэл:   http://news.num.edu.mn/?p=17931  цааш унших →
Магистрант, Доктрантын судалгааны лаборатортой боллоо
Дээд боловсролын шинэчлэлийг МУИС  эхлүүлж шинэ бүтэц зохион байгуулалтаар сургалтаа эхлүүлэн ажиллаж байна. МУИС нь судалгааны дэд бүтцээ нээлттэй болгож, ашиглалтыг нь сайжруулах, үр ашгийг нь дээшлүүлэн ажиллаж байгаа бөгөөд Шинжлэх ухааны сургуулийн биологийн тэнхмийн хэмжээнд байгаа салбар дундын судалгаанд хэрэглэгдэх боломжтой  магистрант, докторантын судалгааны лабораторийн нээлтийг 2014 оны 05-р сарын 02-ны өдөр хийлээ. Шинжлэх ухааны сургуулийн Байгалийн ухааны салбар эрхэлсэн дэд захирал доктор Б.Баяртогтох хэлэхдээ: МУИС-ийн шинэчлэлийн хүрээнд хийгдсэн суралцагчдын суралцах орчинг сайжруулах зорилгын биелэл. Энэ нь Магистрант, Докторантын судалгааны орчныг бий болгох анхны алхам, анхны лаборатори гэдгийг дурьдан хэллээ.   Тус лаборатори нь биологийн чиглэлээр ажиллаж суралцаж байгаа оюутан залууст  бие даан суралцахад ихээхэн боломж бүрдүүлж өгч байгаа юм. Мөн  бакалаврын оюутнууд судалгааны ажлаа энэхүү лабораторид хийж болох бөгөөд судалгааны чиглэлийн сургалт семинар тус лабораторид зохион байгуулагдах аж.   Дашрамд дурьдахад МУИС-ийн 70 жилийн ойг тохиолдуулан тус сургуулийг  Амьтан судлалын мэргэжлээр төгсөгчдөөс өгсөн хандиваар энэхүү судалгааны лабораторийг байгуулсан юм.  цааш унших →
МУИС-ийн Хэрэглээний шинжлэх ухаан, инженерчлэлийн сургуулийн  Эрдэм шинжилгээний хурал зохион байгуулсан тухай
МУИС-ийн Хэрэглээний шинжлэх ухаан, инженерчлэлийн сургуулийн 2013-2014 оны хичээлийн жилийн Оюутны эрдэм шинжилгээний хурал 2014 оны 4 дүгээр сарын 30-ны өдөр амжилттай явагдаж өнгөрлөө. Хурлыг магистр, докторын болон бакалаврын түвшинд тодорхой чиглэлүүдийн хүрээнд зохион байгууллаа. Магистр, докторын түвшинд дараах 2 чиглэлээр илтгэл хэлэлцүүлснээс: Компьютерийн ухаан, Хэрэглээний математикийн чиглэлд нийт 15 илтгэл хэлэлцүүлснээс: I байр:            М.Батсуурь /Эдийн засаг, математик загварчлал/ II байр:           Ц.Мөнхцогт /Програм хангамж/ III байр:        А.Цацрал, Ж.Билгүүн /Мэдээллийн технологи/ Инженерчлэлийн чиглэлд нийт 12 илтгэл хэлэлцүүлснээс: I байр:            М.Доржжамц, Б.Анхзаяа /Мультимедиа холбооны технологи/ II байр:           Т.Цогжавхлан /Электроник автоматик/ III байр:        Б.Золбоо, Б.Анхзаяа /Мультимедиа холбооны технологи /   Бакалаврын түвшинд дараах 3 чиглэлээр илтгэл хэлэлцүүлснээс: Мэдээлэл, компьютерийн ухааны чиглэлийннийт 10 илтгэлээс: I байр:            Ц.Түмэнжаргал /Мэдээллийн технологи-3/ II байр:           Ч.Намуун-Эрдэнэ /Програм хангамж-4/ III байр:          М.Мөнхсүх /Мэдээллийн технологи-4/ Хүрээлэн буй орчин судлал, Химийн инженерчлэлийн чиглэлийннийт 8 илтгэлээс: I байр:            А.Төрболд/Цөмийн технологи-4/ II байр:           М.Нарангэрэл /Цаг уур-3/ III байр:          Х.Ахметали/ Цаг уур-3/ Электроник холбооны инженерчлэл, Хэрэглээний математикийнчиглэлийннийт 5 илтгэлээс: I байр:            Э.Адъяабат /Мультимедиа холбооны технологи-4/ II байр:            Г.Доржсундуй / Эдийн засаг, математик загварчлал-3/ III байр:          Б.Мөнхсайхан/Мультимедиа холбооны технологи-4/ МУИС-ХШУИС-Захиргаа, Сургалтын алба 2014 оны 5дугаар сар 01  цааш унших →
А.Галтбаяр: Шилжин суралцах асуудлыг ирэх хичээлийн жилээс зогсооно
Монгол Улсын их сургуулийн захирал, доктор А.Галтбаярыг “Ярилцах танхим”-даа урьж, тус сургуультай холбоотой цаг үеийн асуудлаар ярилцлаа. -Өнгөрсөн оноос хойш МУИС бүтэц, бүрэлдэ­хүүндээ шинэчлэл хийж байгаа. Энэхүү шинэч­лэлийн ажлын явц хэрхэн өрнөж байна вэ? -Манай сургуулийн ши­нэчлэл ноднин жил хөтөл­бөрөөсөө эхэлсэн. Ингээд хө­төлбөрийн хүрээнд хэд, хэ­дэн шинэчлэлийг хийж байна. Тухайлбал, оюутны сонголтыг өргөн болгох, оюутнуудын үзэж буй хөтөлбөрийг илүү сайж­руулах, давхардлыг арилгах, хөтөлбөрийн стандартуудыг нэгтгэх гээд шат дараалалтай ажлуудыг хийж байгаа. Үүний үр дүнд суурь хичээлүүдийг нь аль болох багцлаад, тэрхүү багцалсан хөтөлбөрийнхөө дагуу ерөнхий эл­сэлт авч, мэргэжлээ 1.5-2 жилийн дараа оюутан ухамсартайгаар сонгох боломжийг бүрдүүлэх юм. Ийнхүү шинэчлэлийг хийх явцад олон жижиг бүтцүүд өөр өөрийн нарийвчилсан хөтөлбөртэй байсан ньдавхардлыг үүсгэж, оюутны сонгох боломжийг хааж байсан юм. Иймд бүтцийн өөрчлөлтийг зайлшгүй хийх шаардлагатай юм байна гэсэн дүгнэлтэд хүрсэн юм. Өөрөөр хэлбэл, бүтцийг илүү томсгож байж сонголтыг чөлөөтэй хийх боломж бүрдэх юм байна гэсэн дүгнэлтэд хүрсэн. Мөн бүтцийн өөрчлөлтийг хийхийн өмнө уг асуудлаа төсөл зарлаж судалгааг хийсэн. Судалгааны дүгнэлтээс бүрэлдэхүүн сургууль болгон тусдаа их сургууль шиг бодлого явуулж байна, энэ нь оюутнуудад хэрэгцээтэй хөтөлбөрийг санал болгоход саад болж байна, нөгөө талаар хэтэрхий жижиг бүтэц байна гэдэг нь эдийн засгийн үр ашиг муутай, аливаа өрсөлдөөнт тогтолцоог хааж байна гэж гарсан.Тиймээс бүтцэд өөрчлөлт орж, томрох ёстой гэсэн дүгнэлтэд хүрсэн. Энэ үүднээс ч мэргэжлийн чиглэлээр нь тэнхимийг томсгох шаардлага гарч ирсэн юм. Ингээд өнгөрсөн оны арванхоёрдугаар сарын 16-нд УЗ-өөс гарсан шийдвэрийн дагуу ажил эхэлсэн. Сургуулиудыг татан буулгалаа гэж яриад байгаа, гэтэл тийм биш. Шинэ зохион байгуулалтад оруулж байна гэж ойлгох ёстой. Одоо хүртэл хийсэн ажлуудыг цэ­вэр зохион байгуулалтын чанар­тай ба агуулгын шинэчлэлтэй ажлууд гэж хоёр хувааж болох юм. Энэ хугацаанд тэнхмүүдийг шинээр зохион байгуулж, багш, оюутнуудын шинэ бүтцийн дагуу хуваарилж дууслаа. Удирдлуудыг томилсон, тэд маань ажилдаа ороод байна. Захир­гааны зориулалтаар ашиглаж байсан зарим анги танхимуудыг оюутанд үйлчлэх эсвэл сургалт судалгааны өрөө болгож өөрчилж байна. Агуулгын шинэчлэлийн хувьд хөтөлбөрийг тэнхмийн харьяаллаас салгаж тэнхим, бүрэлдхүүн сургууль, МУИС-ийн зэрэг хөтөлбөрийн хороодыг байгуулж бүрэлдэхүүнийг бат­лаад ажиллуулж байна. Мөн сургалтыг нэгдсэн удирдлагаар хангах Сургалтын нэгдсэн алба байгууллаа. Саяхан Шинжлэх ухааны сургуулийн сургалтын албаны нээлтийг хийлээ. -Ирэх хичээлийн жилээс тодорхой чиглэлээр шууд элсэлт авахгүй гэсэн. Ингэж байгаа нь элсэлтийн шалгалттай холбоотой гэж ойлгож болох уу? -Элсэлт ийм болж байгаа нь бид аль болох хүүхдүүдэд МУИС-ийн их сургуулийн ерөнхий мэдлэг, ур чадварын хичээлүүдийг үзэх явцдаа юунд сонирхолтой, аль чиглэлээр илүү авьяастайгаа зөв тодорхойлсоны дараа мэргэжлээ сонгох боломжийг бүрдүүлэхтэй холбоотой. Эхний 1.5 жилийн суурь хичээлүүд нь нийгэм хүмүүнлэг, байгалийн ухааны суурь хичээлүүд, тухайн элссэн бүрэлдэхүүн сургуулийн минимум шаардлага болох хичээлүүдээс бүрдэнэ. Сонгосон мэргэжил нь тодорхой хүүхдүүд илүү нарийн хичээлүүдээ үзээд харгалзах суурьтаа тооцуулаад явах ч боломжтой. Цаашаа харин мэргэжил сонгоход хамгийн сайн сурсан хүүхдүүд өрсөлдөөн ихтэй мэргэжил сонгоход давуу эрх эдэлнэ. Иймээс элсэлтийг илүү ерөнхий байдлаар зохион байгуулахаас аргагүй. Элсэгч МУИС-д элсэхдээ эхлээд үндсэн 3-4 шалгалтын аль нэгийг сонгож өгнө. Тэр нь нийт тухайн хүүхдийн авах нийт онооны 70 хувь болно. Мөн дараа нь үлдсэн 10 хичээлээс сонголтоо хийж шалгалт өгснөөр 30 хувиа гүйцээж авна. Энэ тухай илүү тодорхой мэдээллийг танай сургуулийн веб сайтаас авах боломжтой. Хэрвээ элсэгч маань цаашдаа эдийн засгийн мэргэжлийг сонгох бол орохдоо математикийн шалгалтыг өгсөн байхыг шаардана. -МУИС-ийн хөтөлбөрийн хо­роо саяхнаас үйл ажиллагаа­гаа эхлүүлсэн. Үүний эцсийн зорилгыг та юу гэж харж байна? -Хөтөлбөрийн хорооны эцсийн зорилго бол хөтөлбөр зөвхөн тэнхимд суурилсан байсныг өөрчлөх юм. Хөтөлбөрийн саналыг тэнхимын хүрээнд хийчихээд гарсан саналыг Бүрэлдэхүүн сургуулийн хороогоор авч хэлэлцэнэ. Дараагаар нь дээд шатанд нь Их сургуулийн хөтөл­бөрийн хороогоор авч үздэг болно. Өөрөөр хэлбэл, эдгээр хороо нь шат шатандаа өөрсдийн зорилготой, тухайн шатныхаа бодлогыг хэрэгжүүлэх нөхцөл боломж нь нээгдэж байгаа юм. Их сургуулийн хөтөлбөрийн хороо гэхэд тухайн хөтөлбөр сургуулийн хэмжээнд давхардал байгаа эсэх, бусад тэнхмүүдийг оролцуулах боломжтой зэргийг хянана.Тэгэхээр өмнө нь асуудлыг хэдхэн хүний бүрэлдэхүүнтэй тэнхмийн хүрээнд голчлон шийддэг байсан бол шинэчлэлийг хийснээр төвшин төвшинд нь авч үзээд шийддэг болох юм. Энэ нь ч ерөнхий зургаа харах боломжийг бий болгоно. Хөтөлбөрийн хорооны үйл ажиллагаа ойлгомжтой. Харин бүрэлдэхүүн сургуульд байр, тасалгаа хуваарилах ажлын хэсгийг байгуулсан гэсэн. Энд тэгэхээр арай өөр чиглэлээр үйл ажиллагаа явуулах нээ? -Түрүүн хэлсэнчлэн энэ ажил бол илүү зохион байгуулалтын чанартай ажил юм. Байршлыг зохистой хуваарилах талаар ажлын хэсэг ажиллаж байна. Үүнээс гаднатөсвийг шинэ бүтцээр хийх, оюутны цахим мэдээллийг шинэ бүтцэд тохируулах зэрэг олон механик ажлуудыг амжуулах ёстой.Энэ ажлууд бидний хийсэн агуулгын шинэчлэлээс урган гарч байгаа ажлууд юм. -МУИС шинэчлэл хийж байгаатай холбогдуулж БШУЯ-наас ямар бодлого барьж байгаа вэ? -Энд яам, улсын бодлого ч байгаа гэж хэлмээр байна. Улсын бодлого гэдэг бол тухайн нийгмийн шаардлагатай уялдаатай. Нийгмийн зүгээс манай энэ олон их дээд сургуулийг төгсөн гарч байгаа оюутнууд зах зээлийнхээ шаардлагыг биелүүлж, ажилтай орлоготой болж байна уу гэдгийг харж байгаа гэж хувьдаа бодож байгаа. Үүний дагуу оюутан уруугаа чиглэсэн, улс оронд хэрэгтэй мэдлэг үйлдвэрлэх сургуулийн бодлого гарч ирж байгаа. Элссэн оюутан маань мэргэжлээ солих хүсэлт их гаргадаг, төгссөн оюутнууд маань ч мэргэжлээ сольж дахин суралцах тохиолдол гардаг. Иймд сонголтыг эрхэмлсэн, нөгөө талаас хамгийн сайн хөтөлбөр санал болгох ийм системийг бий болгохыг зорьж байгаа. Яамнаас яг ингэ, тэг гэж заасан зүйл байхгүй ч манай шинэчлэлийг бодлогын хувьдч, санхүүгийн хувьд ч дэмжиж байгаа. -Мөн шинэчлэлийн хажуугаар оюутан шилжихтэй холбоотой асуудал үүсч болно. Ийнхүү оюутан шилжихтэй холбоотойгоор асуудлыг хэрхэн шийдвэрлэж болох вэ? -Үндсэндээ гурван төрлийн шилжилт байгаа юм. Нэгдүгээрт, гадаадын их дээд сургуулиас шилжиж ирэх, хоёрдугаарт дотоодын сургуулиудаас, гуравдугаарт сургууль доторх шилжилт гэж байна.  Тэгэхээр эдгээр нь ихэвчлэн хувь хүний сонирхолтой холбоотой. Тухайлбал, гадаадаас шилжин ирж суралцах хүсэлтэй оюутнуудын хувьд ямар ч хамаагүй их сургууль гэж хэлэхэд бэрхшээлтэй сургуулиас ирсэн оюутныг шууд шилжүүлж авах боломжгүй. Харин үнэхээр дэлхийн топ 500-д ордог сургуулиас шилжин ирж байгаа тохиолдолд шилжүүлэн авч болно. Үүнийг  бид бодлогодоо тусгана. Дээр хэлсэнчлэн хоёрдугаарт дотооддоо шилжих асуудал яригдана. Энэ бол манай чанарын асуудалд нөлөөлдөг. Тиймээс уг шилжилтийг аль болох хүлээн зөвшөөрөх ёсгүй. Тухайн элсэгч элсэхдээ босго оноо багатай сургуульд элсэн орчихоод, хэсэг хугацаанд суралцаж байгаад шилжихийг бид ирэх жилээс зогсооно. Харин гурав дахь төрлийн шилжилт бидний хийж байгаа өөрчлөлтийн үр дүнд аяндаа алга болно.Энэ болгоныг бид өрсөлдөөнийх замаар шийдвэрлэхийг зорьж байна. Өөрөөр хэлбэл, бид оюутнуудаа анхнаасаа зөв сонголтыг хийхэд нь дэмжиж,  эцэстээ би буруу сонголт хийчихсэн байна гэсэн сэтгэгдэлтэй үлдээхгүй байхыг эрмэлзэж байгаа алхам гэж ойлгох хэрэгтэй. -МУИС-ийн хувьд шинэчлэл хийж байгаа нь зөв. Гэсэн нөгөө талаар олон жилийн турш хадгалж ирсэн тогтолцоо алдагдлаа. Цаашлаад оюутнууд ямар мэргэжлээр төгсөх нь тодорхойгүй болчихлоо, багш нарын орон тооны цомхотголыг хийнэгэх мэтээр шүүмжлэлийг дагуулж, бүр зарим хүний хувьд үүнийг шинэчлэл нэрийн доор хийж байгаа хууль бус шийдвэр гэж харах нь ч бий? -Мэдээж хүн бүр шинэчлэлтэй холбоотойгоор дотроо санаа зовниж суугаа байх. Гэхдээ энд хэн нэгний эрх ашиг зөрчигдөх асуудал үүсэхгүй. Тухайлбал, зарим оюутан өөрийгөө ямар мэргэжлээр төгсөхийг мэдэхгүй байна гэж байна. Энд эргэлзэх зүйл огт байхгүй. Одоо суралцаж байгаа оюутнууд анх ямар мэргэжлийг сонгож орсон, тэр чиглэлээр, хуучин хөтөлбөрийнхөө дагуу явж сургуулиатөгсөнө. Тэгэхээр энэ тал дээр одоо суралцаж байгаа оюутнууд санаа зовних шаардлагагүй. Харин багш нарын хувьд одоогийн байдлаар төчнөөн хүнийг ингэж цомхотгоно гэсэн зүйл алга. Хамгийн гол нь багш сайн хичээл санал болгосон тохиолдолд заах эрх нь нээлттэй байна, оюутнуудад тэр багшийг сонгох эрх нь бас байгаа. Тэр багшийг харин сонгохгүй болбид хүчээр сонгуулах боломжгүй. Иймээс багш нар ч гэсэн өрсөлдөөнт байдалд ажиллана. Шүүмжлэл бүр өөрийн шалтгаантай, тэдгээрийг бид оюутантай ээлтэй, чадвартай сайн багш нар маань ажиллаад, сайхан амьдраад явах боломжийг бүрдүүлсэн байхаар шийдэх ёстой. Энэхүү шинэчлэл маань олон эрдэмтэн багш нарын санаа, бодол, судалгаан дээр тулгуурлаж бүтсэн, тулгарч байгаа асуудлуудаа тухай бүрт нь шийдэж яваа гэж хэлмээр байна. Заримдаа шинэчлэлтэй огт холбоогүй асуудлаар шүүмжлүүлдэг болж. Намайг буруутгаад байгаа шилжилтийн төлбөр авдаг, 50 хувийн багшаар давхар ажиллуулдаг, албан хэрэгцээнд шатахууны мөнгө олгодог асуудлуудын талаарх шийдвэр тушаалууд нь өмнөх захирлуудын үед ч байсан. Би захирал болоод шинээр санаачлаад бий болгосон зүйл огт байхгүй гэдгийг онцолж хэлье. Өөр нэг асуудал нь арван хоёрдугаар сарын сүүлээр томилогдсон зарим удирдах албан тушаалтныг тухайн тэнхимд нь 50 хувийн гэрээт багшаар хавсран ажиллуулах шийдвэртэй холбоотой юм. Энд дөрвөн хүний асуудлыг онцгойлон бичээд байгаа. Дээрх хүмүүсийн хувьд сургуулийн захирал, дэд захирал зэрэг албан тушаалд томилогдохын өмнө тэнхимдээ 100 хувийн багшаа хийгээд явж байсан, цагийн ногдлоо гүйцэтгэсэн, мөн энэ семистрт хичээлийн хуваарь нь тавигдаад хичээлээ заагаад явж байгаа хүмүүс. Томилгоо хичээлийн жилийн дундуур хийгдсэн учир сургалтын үйл явцын тасралтгүй байдлыг хангах, нөгөө талаас эдгээр хүмүүстэй нэгэнт тогтоосон хөдөлмөрийн  харилцааг үргэлжлүүлэх үүднээс энэ хичээлийн жилийг дуустал гэрээт багшаар ажиллуулах шийдвэрийг гаргасан.Энд онцолж хэлэхэд МУИС-ийн захиргааны албан тушаалтан гэдэг бол дарга гэхээсээ илүүтэй эрдэмтэн, судлаач, багш хүн байдаг. Тэр хүмүүс тодорхой хугацаанд энэ албан тушаалыг хашихын зэрэгцээ өөрсдийн судалгаа шинжилгээ, сурган хүмүүжүүлэх ажлаа тасралтгүй үргэлжлүүлж байдаг онцлогтой.Бид шинжлэх ухааныхаа салбарт нэр хүндтэй хүлээн зөвшөөрөгдсөн ийм хүмүүсийнхээ мэдлэг чадварыгоюутныхаа хөгжилд зориулахыг эрмэлздэг. -АТГ-аас таныг шалгаж байгаа гэх. Энэ тал дээр та ямар байр суурьтай байгаа вэ? -АТГ-т намайг шалгуулахаар хүсэлт ирсэн гэсэн. Гэхдээ  би эрх ашгийнхаа эрэмбийг мэддэггэж боддог. Энэ хариуцлагатай албан тушаалд ажиллаж байж хувийн ашиг сонирхлоо гүйцэлдүүлэх, эсвэл хэдхэн хүмүүст үйлчлэх байдлыг бий болгох байдал гаргахгүй. Эцэст нь ажил хийж байхад гэдэг иймэрхүү ор үндэсгүй гүтгэлэг ч гардаг  юм байна даа гэж бодох юм. Улс төрийн тойм сэтгүүлч: Т.БОЛОРЦЭЦЭГ  цааш унших →
Математикийн хүрээлэнгийн 40 жилийн ой тохиож байна
Математикийн хүрээлэн нь тухай үеийн сайд нарын зөвлөлийн 1973 оны 5 дугаар сарын 18-ны өдрийн 175 тоот тогтоолоор ШУА-ийн дэргэж байгуулагдаж, 1974 оны 03 дугаар сарын 02-оос эхлэн үйл ажиллагаагаа явуулж эхэлсэн түүхтэй бөгөөд өдгөө 40 жилийг амжилт бүтээлийн түүх болгон үлдээсэн байх юм. 40 жилийнхээ ойг хүрээг угтан түүхэн замнал, амжилт бүтээл, өнөөгийн хүрсэн түвшинг хураагуйлан нэгтгэсэн ном товхимол хэвлэн гаргаж олны хүртээл болгосон байна.  Улмаар ойн хүрээндээ математикийн хүрээлэнгийхэн “Математикийн онол ба Хэрэглээ” эрдэм шинжилгээний бага хурлыг зохион байгуулж - Онолын математик - Хэрэглээний математик - Математик загварчлал сэдвийн хүрээнд эрдэм шинжилгээний бага хурлыг өрнүүллээ. Нээлтийн үеэр Математикийн хүрээлэнгийн захирал төрийн соёрхолт, Доктор (Sc.D), Профессор Р.Энхбат хэлэхдээ: Математикийн хүрээлэн өнгөрсөн 40 жилд боловсон хүчин, оюуны чадавхийн хувьд ихээхэн өргөжин хөгжиж, Монгол улсын тэргүүлэх хүрээлэнгүүдийн нэг, оюуны томоохон төв, дэлхийн жишигт дүйцсэн бүтээл туурвих чадвартай хамт олон болж чадсан юм. Математикийн хүрээлэн Монгол Улсын Их Сургуулийн дэргэд үйл ажиллагаагаа явуулсанаар сургалт, судалгааг амжилттай хослуулж залуу математикчдыг өсөн хөгжихөд нь ихээхэн дэмжлэг үзүүлж ирсэн. Цаашид Математикийн хүрээлэн нь математикийн орчин үеийн чиглэлүүдийг хөгжүүлсэн, олон улсы өргөн хамтын ажиллагаатай, Монгол улсын математикийн шинжлэх, ухааны үндэсний цөм байж шинэ мэдлэг бүтээн, хүн төрөлхтний шинжлэх ухааны мэдлэгийн санд болон Монголын нийгмийн сэтгэлзүйд шинжлэх ухаанч үзлийг төлөвшүүлэх үйлсэд хувь нэмэр оруулах бүтээлч, манлайлагч хамт олон байсаар байх нь дамжиггүй хэмээн хэллээ. 40 жилийн ойг угтан хийсэн энэхүү эрдэм шинжилгээний бага хурал нь үр дүн, ач холбогдол бүхий хурал боллоо гэдгийг хуралд хүрэлцэн ирсэн математикчид өгүүлж байлаа.  цааш унших →
Их, дээд сургуулийн оюутны гадаад хэлний улсын олимпиадын тайлан
МУИС-ийн ШУС-ийн Хүмүүнлэгийн ухааны салбараас Монголын төрийн болон төрийн бус өмчийн их, дээд сургуулиудын оюутны дунд ХУСалбарын нэрэмжит гадаад хэлний улсын уламжлалт Олимпиадыг амжилттай зохион явууллаа. Энэ жил хятад, орос, англи хэлний Олимпиадыг хэл тус бүр хоёр түвшинд 2014 оны 3-р сарын 30-аас 4-р сарын 19-ны хооронд зохион байгуулж 4-р сарын 23-ны өдөр шагнал гардуулах ёслол болох гэж байна. Оюутнуудын гадаад хэлний мэдлэг, чадварыг шалгах, гадаад хэл сурах идэвхи сонирхолыг дэмжих, тухайн орны түүх, соёл, зан заншлын талаарх мэдлэгийг дээшлүүлэхэд зорилго оршино. Энэ жилийн Олимпиадад 70-аад сургуулийн, 404 оюутан гадаад хэлний мэдлэг чадвараар өрсөлдлөө. Олимпиадын дүнг танилцуулбал: Олимпиадын нэр Хугацаа Хамрагдсан сургуулийн тоо Хамрагдсан оюутны тоо Хятад хэлнийолимпиад Анхан-дунддээд 2014-03-30 30 170 Орос хэлний олимпиад МэргэжилМэргэжил бус 2014-04-05 13 113 Англи хэлний олимпиад МэргэжилМэргэжил бус 2014-04-19 29 121 72 404 72 404 II байр МУИС.ШУС.ХУС Бямбагарав АмарсанааI байр МУИС.ШУС.ХУС Бүрэндэй Ачийгин Мэргэжлийн түвшинд судалж буй оюутнуудын ангилал Англи хэлний олимпиадад байр эзэлсэн оюутнууд III байр МУИС.ШУС.ХУС Батдолгор Нямцэрэн IV байр ХИС Отгонжаргал Анар-Эрдэнэ Мэргэжлийн бус ангилалд I байр МУИС. КТМСЭнхбат Билигжаргал II байр МУИС. ХЗС Санжсүрэн Булган III байр МУИС. ЭЗС Чулуунбаатар Тэргэл IV байр МУИС. КТМС Ганзориг Саранчимэг Орос хэлний олимпиадад байр эзэлсэн оюутнууд Мэргэжлийн түвшинд судалж буй оюутнуудын ангилал I байр МУИС.ШУС.ХУС Болормаагийн Эрболд II байр МУИС.ШУС.ХУС Сарантуяагийн Онон III байр МУИС.ШУС.ХУС Батмөнхийн Мөнхсарнай IV байр МУИС.ШУС.ХУС Баянжаргалын Номин   Мэргэжлийн бус ангилалд I байр МУИС.ОУХС Баатархүүгийн Лхамдэгд II байр МУИС.ШУС.ХУС Болдын Даваацогт III байр МУИС.ШУС.ХУС Батжаргалын Тэмүүлэн IV байр МУИС.ОУХС Уртнасангийн Энхбилэг Хятад хэлний олимпиадад байр эзэлсэн оюутнууд Анхан-дунд шат I байр МУБИС-ийн 2-р дамжааны оюутан О.Сувдансолонго II байр МУИС-ийн 2-р дамжааны оюутан П.Хишигдарь               ХИС-ийн 1-р дамжааны оюутан О.Боргил III байр МУИС-ийн 1-р дамжааны оюутан Т.Батмөнх               ХИС-ийн 1-р дамжааны оюутан П.Анужин               ИЗИС-ийн 2-р дамжааны оюутан А. Мөнхшүр IV байр   Дээд шат I байр Гэгээ коллежийн 3-р дамжааны оюутан Д.Оюунбилэг II байр ОТИС-ийн 4-р дамжааны оюутан Б.Тэмүүжин,               ШУТИС-ийн 3-р дамжааны оюутан Т.Үүрийнцолмон,               Гэгээ коллежийн4-р дамжааны оюутан Н.Мөнхгэрэл III байр МУИС-ийн 3-р дамжааны оюутан Э.Мөнхзаяа,               ШУТИС-ийн 4-р дамжааны оюутан С.Анужин,               Гэгээ коллежийн 3-р дамжааны оюутан Б.Өлзийням IV байр Зохион байгуулах комисс 2014-04-22  цааш унших →
МУИС энэ долоо хоногт
Монгол Улсын Их сургууль энэ долоо хоногт болсон үйл явдлынхаа онцлох мэдээллийг тоймлон бэлтгэлээ. Энэ долоо хоногт манай сургуульд дараах үйл явдал болж өнгөрлөө. МУИС: Оюутанд зориулсан бүхий л үйлчилгээг мэдээлэл бүхий орчинд үзүүлнэ Дээд боловсролын шинэчлэлийг эхлүүлсэн Монгол Улсын Их Сургууль нь сургуулийнхаа хэмжээнд либерал арт боловсролын технологийг сургалтандаа хэрэгжүүлэхээр 2013 оны 11 сараа хойш эрчимтэй ажиллаж байгаа билээ. Дэлгэрэнгүй мэдээлэл: http://news.num.edu.mn/?p=17733 Л.Алтангэрэл: DIES төсөл нь гадны өндөр мэргэжлийн экспертүүдээс зөвлөгөө авах сайхан боломжийг олгож байгаа юм “Dialogue on Innovative Higher Education Strategies” буюу DIES нь Германы Эрдмийн Солилцооны Алба (DAAD) болон Германы Их Сургуулийн захирлуудын зөвлөгөөн (HRK) гэсэн байгууллагуудын хамтарсан хөтөлбөр бөгөөд 2001 оноос эхлэн хэрэгжиж эхэлсэн.  Дэлгэрэнгүй мэдээлэл: http://news.num.edu.mn/?p=17635 DIES төслийн эхний уулзалт боллоо МонголУлсын Их Сургууль,ХБНГУ-ын Халлегийн Их Сургууль, БНСУ-ын Ханбатын Их Сургууль хамтран Германы Эрдмийн Солилцооны Алба (DAAD)-ны дэмжлэгтэйгээр хэрэгждэг  “Dialogue on Innovative Higher Education Strategies” (DIES) хөтөлбөрийн хүрээнд МУИС-ийн судалгааны орчныг сайжруулахтай холбоотойгоор хэрэгжих “Research and Technology Transfer – Building up a Technology Transfer Centre at National University of Mongolia” сэдэвт хамтарсан төслийн нээлтийн уулзалт болж өнгөрлөө.  Дэлгэрэнгүй мэдээлэл: http://news.num.edu.mn/?p=17767 DIES төслийн уулзалт семинар үргэлжилж байна “Dialogue on Innovative Higher Education Strategies” (DIES) хөтөлбөрийн хүрээнд МУИС-ийн судалгааны орчныг сайжруулахтай холбоотойгоор хэрэгжиж буй  “Research and Technology Transfer – Building up a Technology Transfer Centre at National University of Mongolia” сэдэвт хамтарсан төслийн уулзалт семинар хоёр дахь өдрөө үргэлжилж байна.  Дэлгэрэнгүй мэдээлэл: http://news.num.edu.mn/?p=17777  МУИС: “БОЛОВСРОЛЫН ШИНЭЧЛЭЛ-2014” үзэсгэлэнд амжилттай оролцлоо 7 дахь жилдээ зохиогдож буй Боловсролын шинэчлэл-2014 үзэсгэлэнд МУИС шинэчилсэн бүтэц, шинэ бvрэлдэхvvн сургуультайгаар оролцож байгаа нь ихээхэн онцлог боллоо. Дэлгэрэнгүй мэдээлэл: http://news.num.edu.mn/?p=17642 МУИС: Их дээд сургуулиудын шатрын аварга шалгаруулах тэмцээнд тэргүүн байр эзэллээ БШУЯ, Дээд боловсролын газар болон Хос мастер шатрын акедемиас хамтран зохион байгуулсан Монгол Улсын их дээд сургуулиудын шатрын аварга шалгаруулах тэмцээнд  МУИС-ийн Олон улсын мастер Монгол Улсын Гавьяат багш Доктор, Профессор С.Хандсүрэн ахлагчтай, ОУ-ын шатрын холбооны мастер Т.Оюунбаатар, Спортын мастер Доктор, Профессор Р.Энхбат, Шатрын дэд мастер Доктор А.Батцэнгэл нарын бүрэлдэхүүнтэй баг тамирчид их дээд сургуулиудын шатрын тэмцээнд амжилттай оролцож тэргүүн байр эзлэж аваргын цом өргөмжлөл гардан авлаа. Дэлгэрэнгүй мэдээлэл:  http://news.num.edu.mn/?p=17696 “ЖЕНДЭРИЙН АСУУДАЛ – ОЮУТНЫ НҮДЭЭР” оюутны эрдэм шинжилгээний хурал боллоо Монгол Улсын Засгийн Газар, Жендерийн Үндэсний Хороо түүний дэргэдэх Жендерийн Консорциум,  МУИС, ШУС-ийн Нийгмийн Ухааны салбарын Социологи, Нийгмийн ажлын тэнхим   хамтран   “ЖЕНДЭРИЙН АСУУДАЛ – ОЮУТНЫ НҮДЭЭР” оюутны эрдэм шинжилгээний хурлыг 2014-04-17 нд МУИС-ийн хичээлийн 1-байрны 320 тоот өрөөнд амжилттай зохион байгууллаа. Дэлгэрэнгүй мэдээлэл:  http://news.num.edu.mn/?p=17712 ХЗС-ийн Оюутны Эрдэм Шинжилгээний Хурал боллоо МУИС-ийн ХЗС-ийн Оюутны Эрдэм Шинжилгээний Хурлын Англи хэл дээр илтгэл хэлэлцүүлэх салбар хурал 2014 оны 4-р сарын 23-нд ХЗС-ийн Эрдмийн танхимд амжилттай болж өндөрлөлөө.  Дэлгэрэнгүй мэдээлэл: http://news.num.edu.mn/?p=17788 Төгсөгчдөд зориулсан ажилд орох хүсэлт гаргах, ажлын ярилцлаганд бэлтгэх сургалтанд бүртгэж байна Дэлгэрэнгүй мэдээлэл:  http://news.num.edu.mn/?p=17747 МУИС-ийн бүрэлдэхүүн сургууль, нэгжүүдэд байр, тасалгаа хуваарилах ажлын хэсэг байгуулах тухай  Дэлгэрэнгүй мэдээлэл:  http://news.num.edu.mn/?p=17673 МУИС бие даан байгуулсан судалгааны хүрээлэн, төв, лабораторуудын үйл ажиллагаанд үнэлгээ өгөх тухaй  Дэлгэрэнгүй мэдээлэл:   http://news.num.edu.mn/?p=17717 Шатрын ОУХМ Н.Төмөрхуяг агсны нэрэмжит RAPID шатрын тэмцээн болноДэлгэрэнгүй мэдээлэл:   http://news.num.edu.mn/?p=17763 Чехийн төв банкны Ерөнхийлөгч асан Zdenek Tuma, OGR байгууллагын ахлах эдийн засагч Hynek Hrebicek нар лекц уншина Дэлгэрэнгүй мэдээлэл: http://news.num.edu.mn/?p=17688  цааш унших →
Copyright © 2009 МУИС. All rights reserved.