Францын Гаврын их сургуулийн төлөөлөгчид МУИС-д айлчилж, хамтын ажиллагааны гэрээ шинэчлэн байгууллаа
2014 оны 4 сарын 15-ны өдөр Францын Гаврын их сургуулийн төлөөлөгчид МУИС-д айлчилж, Хэрэглээний математик, цогц тогтолцоо, Сэргээгдэх эрчим хүч, физик болон Улс төр судлал, олон улсын харилцааны салбарын асуудлаар МУИС-ийн удирдлагуудтай уулзлаа. Уг уулзалтын үеэр Гаврын их сургууль, МУИС-ийн хооронд хамтын ажиллагааны гэрээг шинэчлэн байгууллаа. Энэ гэрээнд хоёр сургууль заах арга зүйг хөгжүүлэх, сургалтын агуулгыг сайжруулахад хамтран ажиллаж, харилцан дэмжлэг үзүүлэх, хамтын судалгааны хөтөлбөр хэрэгжүүлэх, удирдлага зохион байгуулалтын асуудлаар харилцан туршлага солилцох, багш, оюутнуудыг харилцан солилцох ба хамтын эрдэм шинжилгээний материал хэвлүүлэх гэх мэт хамтын ажиллагаа өргөжүүлэн хөгжүүлэхтэй холбоотой зүйл заалтуудыг оруулсан юм. Уулзалтанд Гаврын их сургуулийн талаас Газар зүй, газар төлөвлөлтийн сургалт хариуцсан эрхлэгч Др.Патрисиа Сажос, Математикийн лабораторийн эрхлэгч Профессор Аднан Яссине, Сэргээгдэх эрчим хүчний лабораторийн эрхлэгч Др. Браима Дакёо, Эрх зүй, судалгааны лабораторийн дэд эрхлэгч Пиер Шабал, МУИС-ийн талаас МУИС-ийн захирал Др. А.Галтбаяр, Гадаад харилцаа, хамтын ажиллагааны асуудал эрхэлсэн дэд захирал Др. Л.Мөнх-Эрдэнэ, Шинжлэх ухааны сургуулийн Байгалийн ухааны салбарын газар зүй, геологийн тэнхимийн эрхлэгч Др. П.Мягмарцэрэн, Шинжлэх ухааны сургуулийн нийгмийн салбарын улс төр судлалын тэнхимийн багш Др. Ж.Төртогтох, Гадаад харилцаа, хамтын ажиллагааны хэлтсийн ахлах мэргэжилтэн Ш.Мэндбаяр нар оролцлоо. Францын Гаврын их сургууль нь 1984 онд байгуулагдсан, 478 багш, 7 мянга гаруй оюутантай, хүмүүнлэг, олон улсын харилцаа, шинжлэх ухаан технологи, инженерчлэлийн болон технологийн гэсэн 5 салбар сургуультай их сургууль юм.  цааш унших →
цааш - 2014.04.16
МУИС-ийн ТДС-ийн сургалтын журамд санал авч байна
МУИС-ийн ТДС-ийн сургалтын үйл ажиллагааг сайжруулах ажлын хүрээнд Эрдмийн зөвлөлийн 2012 оны 6 сард баталсан ТДС-ийн сургалтын журамд онлайн санал асуулга авч байна. Багш, ажилтан Та бүхэн идэвхтэй оролцоно уу. МУИС-ийн ТДС-ийн сургалтын журмын онлайн санал асуулга  цааш унших →
цааш - 2014.04.16
МУИС, ШУС-ийн Химийн тэнхимийн бакалаврын оюутны эрдэм шинжилгээний хурал зохион байгуулагдлаа.
МУИС, ШУС-ийн Химийн тэнхимийн бакалаврын оюутны эрдэм шинжилгээний хурал 2014 оны 04 сарын 11-нд МУИС-ийн Эрдмийн Дугуй танхимд амжилттай зохион байгуулагдаж өндөрлөлөө. Оюутны эрдэм шинжилгээний хуралд нийт 21 илтгэл хэлэлцэгдснээс эхний 3 байрт дараах оюутнууд шалгарлаа. Эзэлсэн байр Оюутны нэр Мэргэжлийн чиглэл Илтгэлийн сэдэв Удирдсан багш I Б.Марал Хими технологи-IV Шивээ Овоогийн уурхайн С2 давхаргын исэлдсэн нүүрсэн дэх хүхрийн агуулгыг электролизын аргаар багасгах Магистр Г.Болормаа,Доктор Б.Батцэнгэл II Т.ЭрдэнэчулуунЛ.Анударь Б.Анхныбаяр   Хими-IVХими-IV Хими, Байгаль Шинжлэлийн Багш-IV Завхан аймгийн давст нууруудын гидрохимийн судалгаа  Доктор О.Болормаа III А.Билгүүн  Хими-II Зэс, молибдений эрдсийн уусалтад үзүүлэх ууссан хүчилтөрөгчийн нөлөө Доктор, Профессор Ц.Даржаа   Оюутны эрдэм шинжилгээний хуралд оролцсон нийт оюутнууд болон удирдсан багш нартаа цаашдын судалгааны ажилд нь өндөр амжилт хүсье.   Хурал зохион байгуулах комисс  цааш унших →
МУИС-ийн Газарзүй-Геологийн салбарын 2014 оны оюутны эрдэм шинжилгээний бага хурал зохион байгуулагдлаа.
МУИС-ийн ШУС-ийн Газарзүй-Геологийн салбарын оюутны эрдэм шинжилгээний хурал 2014 оны 04 сарын 10-нд амжилттай зохион байгуулагдаж өнгөрлөө. Энэхүү хуралд нийтдээ 27 оюутан судалгааны ажлаа ирүүлснээс шалгаруулах комисс хянаж үзээд эхний шатанд шалгарсан  шилдэг 11 илтгэлийг 2-р шатанд хэлэлцүүлж эхний 3 байрт дараах оюутнууд шалгарлаа. № Оюутны овог, нэр Мэргэжлийн чиглэл Удирдагч багшийн нэр Тэнхим Судалгааны сэдэв 1 Ц.Батням Газарзүй, байгаль шинжлэлийн багш-4 түвшин Д-р (Ph.D) Д.Даваадорж Газарзүйн тэнхим Боршоо голын ай савын хөрсний шинж чанар 2 Б.Хишигдорж Газарзүй, байгаль шинжлэлийн багш-2  түвшин Д-р (Ph.D) Г.Юмчмаа Газарзүйн тэнхим Газарзүйн тоглоомыг сургалтын хэрэглэгдэхүүн болгох боломж 3 Д.Хөлгөн БОЗТС ба Газарзүйн мэдээллийн систем-4  түвшин М-р Ч.Болорчулуун Газарзүйн тэнхим Гурван хэмжээст мэдээллийн сангийн аргазүй   Эхний 3-н байрт шалгарсан оюутнууд: Зүүн гар талаас Ц.Батням, Д.Хишигдорж, Д.Хөлгөн МУИС-ийн ШУС-ийн Газарзүй-Геологийн салбарын хурлыг зохион байгуулсан багш, эрдэмтэд: Д-р (Ph.D) П.Мягмарцэрэн, Б.Болормаа, Ц.Баатарчулуун, Г.Юмчмаа, Б.Бат   Нийт оролцсон оюутнууд, удирдагч багш нарт болон Нийт Газарзүй-Геологийн салбарын оюутнууддаа сурлагын амжилт, эрүүл энхийг хүсье.      цааш унших →
МУИС-ийн ХЗС болон ЭМШУИС-ийн оюутнууд ХБНГУ-ын ”Sky stiftung” сангийн тэтгэлэг гардлаа.
МУИС-ийн Хуульзүйн сургууль   ХБНГУ-ын  “Sky stiftung” сантай  2013 оны 10 дугаар сарын 22-ны өдөр   хамтын ажиллагааны гэрээ байгуулан ажиллаж байна. Хамтын ажиллагааны гэрээний дагуу  нийт 9000 /есөн мянга/ еврог  Герман хэлийг сонирхон судалдаг, суралцах идэвхи сонирхолтой Хуулийн сургуулийн болон Эрүүл мэндийн шинжлэх ухааны чиглэлээр суралцдаг оюутнуудад  олгохоор харилцан тохиролцсон билээ. Энэ дагуу Курсын зөвлөх багшийн саналыг  үндэслэн зохих сонгон шалгаруулалтыг явуулж  дараахи оюутнуудад олгосон болно. ХУУЛЬ ЗҮЙН СУРГУУЛИАС 1.    Т.Мөнхтулга 2.    Д.Сэлэнгээ 3.    Б.Хонгорзул 4.    О.Оюундарь 5.    П.Энх-Амар 6.    З.Хүслэн 7.    Ц.Должинсүрэн 8.    Г.Ариунсанаа 9.    Д.Амаржаргал 10.    Г.Отгонбаяр 11.    Т.Бүжинлхам 12.    А.Цэвээн 13.    Г.Оюунсүрэн 14.    М.Амгалан ЭРҮҮЛ МЭНДИЙН ШИНЖЛЭХ УХААНЫ ИХ СУРГУУЛИАС 1.    Ү.Анхбаяр 2.    Э.Ариунзаяа “ЭТҮГЭН” ДЭЭД СУРГУУЛИАС 1.    Б.Мягмарсүрэн нарт олголоо. Тэтгэлэг гардсан нийт оюутнууддаа сурлагын өндөр амжилт хүсье. 2014 оны 4 дүгээр сарын 10 ны өдөр  цааш унших →
МУИС-ийн хөтөлбөрийн хорооны уулзалт болно
Эрхэм гишүүн таныг МУИС-ийн Хөтөлбөрийн Хорооны уулзалтанд хүрэлцэн ирэхийг урьж байна. Уулзалт 2014 оны 4 дүгээр сарын 11-ний 14 цаг, МУИС-ийн Хич 1: 320 тоот танхимд болно. Уулзалтын зорилго: МУИС-ийн Бакалаврын сургалтын төлөвлөгөө\хөтөлбөрийн бүтэц, Хөтөлбөрийн хороодын ажиллах заавар болон маягтын төслийг танилцуулж, хороодын үйл ажиллагааг албан ёсоор эхлүүлэхэд уулзалтын зорилго оршино. Оролцох гишүүд: МУИС-ийн тэнхмийн хөтөлбөрийн дэд хороодын ахлагч, нарийн бичгийн дарга МУИС-ийн Бүрэлдэхүүн сургуулийн хөтөлбөрийн дэд хорооны ахлагч, нарийн бичгийн дарга МУИС-ийн Хөтөлбөрийн Ерөнхий хороодын гишүүд, МУИС-ийн Ерөнхий суурийн хөтөлбөрийн дэд хорооны гишүүд Уулзалтын товч хуваарь: Нээлт:  10 мин                         Проф Ц. Галтбаяр, МУИС-ийн захирал МУИС-ийн Бакалаврын сургалтын төлөвлөгөө\хөтөлбөрийн бүтэц : 20 мин                         Проф О.Мөнхбат, Сургалт эрхэлсэн дэд захирал Хөтөлбөрийн хорооны заавар, маягтын төслийн товч танилцуулга : 15 мин                         Проф О.Мөнхбат, Сургалт эрхэлсэн дэд захирал                         Др Ч.Ундрам, МУИС-ийн Сургалтын нэгдсэн албаны дарга Асуулт хариулт: 20-25 мин Нийт гишүүдийн саналыг бүлгийн хэлэлцүүлгээр авах: 30 мин                         Проф О.Мөнхбат, Сургалт эрхэлсэн дэд захирал                         Др Ч.Ундрам, МУИС-ийн Сургалтын нэгдсэн албаны дарга                         Сургалтын нэгдсэн албаны мэргэжилтнүүд Цай, кофе хөнгөн зууш Холбогдох материал: 1. МУИС-ийн Хөтөлбөрийн хорооны түр журам, 2. Хөтөлбөрийн хорооны үйл ажиллагааны зааврын маягт, 3. МУИС-ийн Бакалаврын сургалтын журам, 4. МУИС-ийн 2014 оны Бакалаврын элсэлтийн журам.   www.num.edu.mn  http://news.num.edu.mn/?p=16745 -аас татаж танилцана уу?                                        МУИС-ИЙН УДИРДЛАГА  цааш унших →
МУИС-ийн Судалгаа, ахисан түвшний сургалтын талаарх санал асуулга авч байна
МУИС-ийн судалгаа болон ахисан түвшний сургалтын өнөөгийн байдалд цогц үнэлгээ хийж, цаашид авах арга хэмжээг судалгаанд суурилан, шинжлэх ухааны үндэслэлтэй боловсруулах зорилгоор энэхүү онлайн санал асуулгыг авч байна. Та бүхэн санал асуулгад идэвхтэй оролцож, МУИС-ийн шинэчлэл, хөгжилд хувь нэмрээ оруулна уу. МУИС-ийн Судалгаа, ахисан түвшний сургалтын талаарх санал асуулга  цааш унших →
Сүмитомо корпораци 30 оюутанд тэтгэлэг гардуулан өглөө
Сумитомо корпораци нь Монгол улсын нийгмийн сайн сайхны төлөө, ирээдүйн шилдэг боловсон хүчнийг дэмжих зорилготой тэтгэлэгийг жил бүр МУИС-ийн оюутнуудад олгодог.  Энэ жилийн тэтгэлэгт тэнцсэн оюутнууддаа тэтгэлгийг нь өнөөдөр гардуулан өглөө.  Тэтгэлэг гардуулах үйл ажиллагаанд тус Сүмитомо корпорацийн ерөнхий менежер Фүживара Хирото болон МУИС-ийн дэд захирал Док.Проф Ж.Батхүү, МУИС-ийн ОҮТ-ийн эрхлэгч Б.Энхжаргал нар оролцсон юм. Уг тэтгэлэгт сонгогдсон оюутны сурлагын үзүүлэлтийг харгалзан тухайн оюутныг төгсөх хүртэл тэтгэлэгийг 4 жилийн турш үргэлжлүүлэн олгодог. Сонгон шалгаруулалтыг Улаанбаатар дахь Сүмитомо корпорацийн төлөөлөгчийн газар, МУИС-ийн оюутанд үйлчлэх төв хамтран зохион байгуулдаг бөгөөд 19 дахь жилдээ МУИС-ийн оюутнуудад тэтгэлэг олгоод байна. Энэхүү тэтгэлэгийн гол зорилго нь Азийн улс орнуудын ирээдүйг бүтээлцэх хүний нөөцийн боловсролыг дэмжих зорилготой бөгөөд авъяаслаг, идэвхитэй, сурах эрмэлзэлтэй, сурлага сайтай тэргүүний оюутнуудыг түлхүү дэмжиж тэтгэлэгт хамруулдаг бөгөөд сонгон шалгаруулалтанд оролцох оюутан ийм төрлийн бусад тэтгэлэгт хамрагдаагүй, тэтгэлэгийн гол шалгуур үзүүлэлт болох 3,0 голч дүнтэй, 1-4-р  дамжааны оюутан байх ёстой байдаг юм.  Дээрх шалгуур үзүүлэлтийг МУИС-ийн шилдэг 30 оюутан хангаж буй бөгөөд хичээл сурлага, урлаг спортоор бусдыгаа тэргүүлэгч оюутнууд юм. Сүмитомо корпорацийн тэтгэлэг хүртсэн шилдэг 30 оюутандаа хичээл сурлагын амжилт хүсье.   цааш унших →
Ажил мэргэжлийн чиг баримжаа олгох, зөвлөгөө өгөх сургалт болж өнгөрлөө
Нийслэлийн хөдөлмөрийн газартай хамтран зохион байгуулсан “Ажил мэргэжлийн чиг баримжаа олгох, зөвлөгөө өгөх сургалт” хичээлийн 1 дүгээр байрны Дугуй танхимд болж өнгөрлөө. Төгсөх ангийн оюутнуудад хувь хүний хөгжлийн төлөвлөгөөг хэрхэн тодорхойлох, төлөвлөгөөний дагуух зорилгодоо ямар арга замаар хүрэх тухай, ажлын  байрны мэдээлэл хэрхэн олж авах, ажлын байрны анкет хэрхэн бөглөх, ярилцлаганд ороход хувь хүн өөрийгөө хэрхэн бэлдэх, өөрт байгаа ур чадвар, авьяас,сонирхлоо тодорхойлж чадсанаар ямар үр дүн гарч болох  зэрэг мэдээллүүдийг багтаасан  сургалт боллоо. Цаашид энэ талын сургалтуудыг шат дараатайгаар зохион байгуулана. Уг сургалтанд хүрэлцэн ирсэн идэвхитэй оюутнууддаа талархал илэрхийлье. Оюутанд үйлчлэх төв      цааш унших →
Нээлттэй хэлэлцүүлэг боллоо
МУИС нь долоо хоног бүрийн лхагва гарагт багш, ажилтан албан хаагчдын дунд тодорхой сэдвийн хүрээнд нээлттэй хэлэлцүүлэг өрнүүлдэг билээ. Улмаар өнөөдөр Монгол Улсын Их Сургууль, ХБНГУ-ын Халлегийн Их Сургууль, БНСУ-ын Ханбатын Их Сургууль хамтран Германы Эрдмийн Солилцооны Алба (DAAD)-ны дэмжлэгтэйгээр хэрэгждэг  “Dialogue on Innovative Higher Education Strategies” (DIES) хөтөлбөрийн хүрээнд МУИС-ийн судалгааны орчныг сайжруулахтай холбоотойгоор хэрэгжих “Research and Technology Transfer – Building up a Technology Transfer Centre at National University of Mongolia” сэдэвт хамтарсан төслийн талаарх нээлттэй хэлэлцүүлгийг хийсэн юм. Уг төслийн гол зорилго нь оролцогч их сургуулиудын судалгааны дэд бүтцийг чадавхижуулж мэдлэгийн нөөц болон өмчийн эрхийн тогтвортой байдлыг технологи дамжуулах төвүүдийн оролцоотойгоор бий болгох бөгөөд дараах 4 дэд зорилтын хүрээнд үйл ажиллагаа нь явагдах зорилттой юм. Хэлэлцүүлгээр багш ажилчид МУИС-ийн судалгааны орчныг сайжруулах төсөлтэй танилцахын сацуу санал бодлоо хуваалцаж асуулт асууж, хариулт авч нээлттэй ярилцаж төсөл  хэрэгжих явцад ямар үр дүнд хүрч чадах, төслийн хамрагдах хүрээ, үр өгөөжийн талаар мэдээлэлтэй болж чадлаа.  цааш унших →
Copyright © 2009 МУИС. All rights reserved.