“ЭКО-АЯЛАЛ” боллоо
          “Тамхины эсрэг хамтдаа” аяны хүрээнд МУИС-ийн Клубуудын зөвлөлийн санаачлагаар “Улаанбаатар хот – Төв аймаг – Манзушир” маршрутаар нэг өдрийн аялалд оюутнууд маань амжилттай оролцоод ирлээ.             Аялалын бүрэлдэхүүнд Клубуудын зөвлөл, идэвхитэй үйл ажиллагаа явуулдаг клубуудын гишүүд, ахлагч нар нийтдээ 40 гаруй оюутан оролцсон байна.             Цаг агаарын байдал хэдийгээр тааруу хэмээн зарлаж байсан ч “Хуртай хүн хур борооноор” гэдэгчлэн бороо, цас ээлжилсэн сайхан өдрийг өнгөрүүллээ гэж оролцсон оюутнууд ярьж байлаа.             Аялалын хүрээндбайгалийн үзэсгэлэнт газар үзэж, түүхийн музей үзэн, бурхан шашинд мөргөхөөс гадна  Зуун мод хотын захирагчтай уулзаж, энэхүү аялалыг уламжлал болгон хамтран зохион байгуулж, “Эко” нэрийг улам тодотгосон ажилд хамтран ажиллахаар болсноороо ач холбогдолтой боллоо гэж зохион байгуулагч нар үзлээ. ОЮУТАНД ҮЙЛЧЛЭХ ТӨВ  цааш унших →
“Тамхины эсрэг хамтдаа” аяны хүрээнд А-Х-А тэмцээн боллоо
            МУИС-ийн Оюутанд үйлчлэх төвөөс санаачлан Клубуудын зөвлөлтэй хамтран зохион байгуулж буй “Тамхины эсрэг хамтдаа” аяны хүрээнд А-Х-А тэмцээн 2013 оны 05 дугаар сарын 17-ны өдөр А зааланд амжилттай болж өндөрлөлөө.             Тэмцээн нь танин мэдэхгүйн асуултаас гадна тамхины хяналтын тухай хуулийн мэдвэл зохих хуулийн заалтаас бүрдсэн байснаараа онцлогтой байв.             Сургууль бүрийн идэвхитэй нийт 40 гаруй оюутнууд оролцсоноос мэдлэг чадвараараа болон хуулиа сайн судласан байдлаараа Нийгмийн шинжлэх ухааны сургуулийн социологийн 4 дүгээр ангийн оюутан Э.Хурцбаяр тэргүүлсэн бол удаахи байруудад Эдийн засгийн сургуулийн СЭЦ-ийн 2 дугаар ангийн оюутан Л.Гантогтох, Биологи биотехнологийн сургуулийн БТ-ийн 3 дугаар ангийн оюутан Я.Батсайхан нар шалгарлаа.             Оролцсон оюутнууд МУИС-ийн гишүүн бүр хуулиа дээдлэн дагаж мөрдөж, эрүүл зөв “Тамхины эсрэг хамтдаа” гэсэн уриалгад нэгдсэнээр үйл ажиллагаа өндөрлөлөө.  цааш унших →
БНСУ-ЫН ДУНГ-ИН ФОРУМ, ГАҮЛИ ХХК  МУИС-ийн 8 оюутанд тэтгэлэг гардуулав
2012-2013 оны хичээлийн жилд МУИС-ийн бүрэлдэхүүн сургуулийн 1-3 дугаар ангид амжилттай суралцаж буй нийгмийн идэвхитэй, сурлага сайтай хэдий ч амьдарлын нөхцөл боломж тааруу оюутнуудаас сонгон шалгаруулж 8 оюутанд тэтгэлэг гардуулав. Тус тэтгэлэг гаруудлах ажиллагаа 2013 оны 5 дугаар сарын 16-ны өдөр МУИС-ийн төв байрны 206 тоотод болж МУИС-аас Сургалт эрхэлсэн дэд захирал Б. Очирхуяг, Оюутанд үйлчлэх төвийн эрхлэгч Б.Энхжаргал  болон бусад мэргэжилтнүүд Dong-In Forum-ийн дэд дарга, генерал, Lee Gi Dong, Санхүүгийн Зохицуулах Хорооны ажлын албаны дарга Х. Бум-эрдэнэ, Чоно Финанс ХХК-ийн гүйцэтгэх захирал Л. Нямсүрэн, ГАҮЛИ ХХК-ийн гүйцэтгэх захирал, Хан Гю Бун, ГАҮЛИ ХХК-ийн дэд захирал, Н. Цэвэгмид нар оролцлоо. ГАҮЛИ ХХК нь 2008 оноос хойш Монгол улсын үнэт цаасны зах зээл дээр мэрэгжлийн үйл ажиллагаа эрхэлж байгаа бөгөөд БНСУ-ын Dong In Forum-тай  хамтран Dong In Forum-ийн нэрэмжит тэтгэлэгийг 2010 оноос эхлэн МУИС-д суралцаж буй оюутнуудад сургалтын тэтгэлэг олгож ирсэн бөгөөд энэ жил 3 дахь жилдээ өөрийн нэрэмжит тэтгэлэгээ олгоод байна.  цааш унших →
Тамхины хяналтын хуулийн хэрэгжилт МУИС-д эрчимжлээ
Монгол Улсын Тамхины хяналтын тухай хуулийн хэрэгжилт хангалтгүй байгаа талаар оршин суугчид, Сүхбаатар дүүргийн цагдаагийн хэлтэс, МУИС-ийн Харуул хамгаалалтын алба болоод багш, оюутнуудаас удаа дараа санал гомдол ирүүлсэн тул ОҮТ-өөс “Тамхины эсрэг хамтдаа” аяныг эхлүүллээ.             Аяныг МУИС-ийн Клубуудын зөвлөл, Харуул хамгаалалтын алба, СБД-ийн Цагдаагийн хэлтсийн 6-р хорооны цагдаагийн тасагтай хамтран Урьдчилан сэргийлэх, хуулийг ухуулан таниулах, уралдаан тэмцээн, Эко Аялал гээд олон талын ач холбогдолтойгоор өрнүүлж байна.              2013 оны 05 дугаар сарын 15-ны өдрийн хамтарсан хяналт шалгалтын үеэр гадаад дотоодын оюутнууд, зарим багш нар сургуулийн цэцэрлэгт хүрээлэнд тамхи татаж байгааг илрүүлэн тодорхой арга хэмжээ авлаа.             МУИС-ийн оюунлаг оюутан залуус, багш сурган хүмүүжүүлэгч Та бүхнийг Монгол Улсын Тамхины хяналтын тухай хуулийг дагаж мөрдөн, сургууль болон оюутны дотуур байрны дотор, гадна мөн сургуулийн цэцэрлэг орчимд тамхи татахгүй байхыг уриалж байна.  Оюутанд үйлчлэх төв    цааш унших →
Улсын химийн XXIV олимпиад дүнгээ гаргалаа
Улсын химийн XXIV олимпиад МУИС-ийн Хими, Хими Инженерчлэлийн Сургууль дээр 2013 оны 5-р сарын 8-11-ны хооронд ЕБС-ийн XI ангийн сурагчид болон ЕБС-ийн багш нарын дунд амжилттай зохион байгуулагдлаа. Олимпиадад Улаанбаатар хот, хөдөө орон нутгаас шалгаран ирсэн нийт 29 сурагч, 30 багш онол бодлого, сорил туршлагын тэмцээнд 2 өдөр оюун ухаанаа уралдуулан оролцож, Химийн XXIV олимпиадын шилдэгүүд шалгарсан юм. Үүнд: XI ангийн сурагчдаас алтан медалыг Г.Хонгорзул (УБ, Мон-Турк), мөнгөн медалыг Б. Содном (УБ, 1-р сургууль), Н.Барсболд (УБ, Гёте) нар, хүрэл медалыг Н.Тэмүүжин (УБ, 1-р сургууль), М.Тэргэл (УБ, 33-р сургууль),  С.Сэлэнгэсүрэн (УБ, Мон-Турк) нар, тусгай шагналыг Д.Нарангарав (Хөвсгөл, Далайван),  П.Норовсамбуу (УБ, Шинэ-Монгол) нар тус тус хүртлээ. Харин ЕБС-ийн багш нараас алтан медалыг Б.Өнөржаргал (УБ, Шинэ Монгол), мөнгөн медалыг Н.Сүхбат (УБ, МонТурк), Н.Гантулга (МУИС-Байгаль-Эх лецей) нар, хүрэл медалыг Д.Тунгалагтуул (Орхон, Орхон), П.Амгалан (Увс, Улаангом), П.Лхагвасүрэн (УБ, Хобби) нар, тусгай шагналыг  Г.Энхмаа  (УБ, Шинэ Монгол)  нар тус тус хүртлээ. Олимпиадын хөтөлбөрийн хүрээнд энэ жилийн химичдийн өдрийг “Цэвэр энерги” сэдвээр ХХИС-ийн оюутнууд өөрсдийн мэргэжлээ энэ сэдэвтэй уялдуулан олон төрлийн тэмцээн уралдаан явуулан ЕБС-ийн сурагчид, багш нар, химийн мэргэжлийн сонирхогчдын дунд зохион байгуулсан юм.    цааш унших →
цааш - 2013.05.15
“Мод, цэцэг тарих” сургалтанд 1000 ээж хамрагдана
5 сарын 9-өөс Экологийн боловсролын төв, Сүхбаатар дүүргийн Засаг даргын Тамгын газар хамтран “Мод, цэцэг тарих” сургалтыг явуулж эхэллээ. Уг сургалтын зорилго нь Сүхбаатар дүүргийн 1000 ээжид мод, цэцэг тарих, арчлах, ургуулах тухай мэдлэг, дадлага олгох бөгөөд шар хуайс тарьж, өөрийн суулгасан гүзээлзгэний үрсэлгээг арчилж, ургуулах юм. Сургалт энэ сарын 22 хүртэл үргэлжилнэ.  цааш унших →
цааш - 2013.05.14
Академич, профессор Н.Даваагийн нэрэмжит Улсын Биологийн  XXIII олимпиад болж өндөрлөлөө
ЕБС-ийн 11-р ангийн сурагчид, биологийн багш нарын дунд зохиогддог Улсын Биологийн  XXIII олимпиадын 3-ын даваа 2013 оны 05 сарын 07-09-ны өдрүүдэд  МУИС-ийн ББС  дээр  амжилттай явагдаж дүнгээ гаргалаа. Тус олимпиадыг Монгол Улсын гавъяат багш, академич Н.Даваагийн нэрэмжит болгон зохион байгуулсан бөгөөд хөдөө орон нутаг болон Улаабаатар хотоос 31 сурагч, 38 биологийн багш оролцож өөрсдийн авъяас билэг,  мэдлэг чадвараа сорьлоо. Сурагчдын төрөлд: 1-р байр  Баярхүүгийн Бүжинлхам    (Дархан-Уул,  бэлтгэсэн багш М.Алмагул) 2-р байр  Ононлбаатарын Отгонбилэг     (Сэлэнгэ, бэлтгэсэн багш С. Ундрахгэрэл) 2-р байр  Эрдэнэ-Очирын Очир-Саран      (Улаабаатар, 1-р сургууль, бэлтгэсэн багш Ч.Эрдэнэбаатар) 3-р байр  Орхончимэгийн Булгамаа     (Улаабаатар.  Мон-Турк сургууль, бэлтгэсэн багш Б.Буянжаргал) 3-р байр  Ренчинванжилын Хишигдэлгэр ( Завхан, Бэлтгэсэн багш Ж.Хоролмаа ) нар  тус тус эзэлж, алт, мөнгө, хүрэл медаль, БШУЯ-ны диплом, Их дээд сургуульд элсэх эрхийн бичгийн эзэд боллоо. Багш нарын төрөлд: 1-р байр  Гончигданзангийн  Сугир (Өмнөговь, Баяндалай сумын сургууль ) 2-р байр Цэрэнгийн  Энхтөр   (Улаанбаатар, Монгол-Энэтхэгийн хамтарсан сургууль ) 3-р байр  Батдоржын Даваасүрэн   (Өвөрхангай,  Арвайхээр сумын  2-р сургууль) Биологийн олимпиадыг зохион байгуулах ажилд гүн туслалцаа үзүүлж, дэмжин ажилласан ББС-ийн хамт олон, эрдэмтэн багш нартаа их баярлалаа. Мөн олимпиадыг зохион байгуулах ажлыг дэмжин,  хамтарч ажилласан   ивээн тэтгэгч байгууллагууд болох Дэлхийн Байгаль Хамгаалах Сангийн Монгол дахь товчоо – ноён Б.Чимэд-Очир;  Ирвэс хамгаалах сан, ноён  А.Баяржаргал; Монголын Ирвэс төв, ноён  Б.Мөнхцог; БОНХЯ-ны, Цэвэр технологи, шинжлэх ухааны хэлтэс, ноён  А.Энхбат ;  Сүү ХХК-ний захиргаа, хамт олон ;  БОНХЯ-ны  Биоаюулгүй байдлыг чадавхжуулах төсөл, ноён О.Билгүүн, Steppe forward хөтөлбөр, доктор С. Гомбобаатар болон  МУИС-ийн захиргаа;   Н.Даваа багшийн гэр бүлд  талархал илэрхийлье.  цааш унших →
цааш - 2013.05.14
Бүх нийтээрээ мод тарих өдөрт МУИС-ийн оролцоо
5 сарын 11-ний бүх нийтээрээ мод тарих өдөр Экологийн боловсролын төвөөс “Бүх нийтээрээ мод тарих өдөрт МУИС-ийн оролцоо” арга хэмжээг зохион байгууллаа. Энэ өдөр тус төвийн цэцэрлэгт хүрээлэнд бөөрөлзгөнө, улаалзгана, гацуур болон амьд хашлагын зориулалтаар 400 гаруй шар хуайс тарив. Мод тарих үйл ажиллагаанд МУИС-ийн захирал А.Галтбаяр, Эдийн засаг, хөгжлийн бодлогын асуудал эрхэлсэн дэд захирал Ч.Нарантуяа, Захиргаа, хяналт–шинжилгээ, үнэлгээний албаны дарга М.Отгонбаяр, ББС-ийн захирал Н.Батхүү, багш Д.Суран, ЭЗС-ийн дэд захирал Б.Отгонтөгс, ХЗС-ийн захирал Д.Солонго, багш Б.Амарбаясгалан болон Экологийн боловсролын төв, “Байгаль-Эх лицей” ахлах сургуулийн багш, сурагч, ажилтнууд оролцов. Гавьяатуудын нэрэмжит болгон тохижуулсан уг цэцэрлэгт цаашид мод тарих, тохижуулах ажлыг уламжлал болгон зохион байгуулна.  цааш унших →
цааш - 2013.05.14
Эрдэмтэн судлаач та бүхнийг АНУ-ын  2013-2014 оны хөгжил инновацын хөрөнгө оруулалтын хөтөлбөртэй хамтран ажиллахыг урьж  байна. АНУ-н  Дэлхийн хөгжлийн Бодлогын Ерөнхийлөгч Обамагийн шаардлагын дагуу инновацид суурилсан хөгжлийн хөрөнгө оруулалтыг дэмжих хөтөлбөрийг АНУ-ын Олон Улсын Хөгжлийн Агентлаг (АНУОУХА) -аас санхүүжүүлж байна. Энэхүү хөтөлбөрийн зорилго нь дэлхий улс орнуудыг  инновацид тулгуурласан хөгжлийн бодлогыг хэрэгжүүлэх үйл ажиллагааг дэмжихэд чиглэнэ. АНУОХА нь Хөгжил Инновацын Венчийг үүсгэн байгуулсан бөгөөд энэ нь улс орнууд нь хөгжлийн гарцыг илүү үр дүнтэй, үр ашигтай үйлдвэрлэх боломж нөхцөлийг дэмжихэд үйл ажиллагаа нь чиглэсэн.   Тус хөтөлбөр нь 2013, 2014 онд хэрэгжих тул санал авах эцсийн хугацаа: -         2013 оны 8 сарын 15 -         2014 оны 4 сарын 15 -         Санхүүжилтийн төрөл: Судалгааны тэтгэлэг -         Төслийн нийт санхүүжилтийн хэмжээ 15.000.000 $   Хөтөлбөрт хамрагдах боломжтой байгууллага: -         Төрийн бус байгууллага -         Хувийн бизнесийн байгууллага -         Хувь хүмүүс -         Бизнес худалдааны холбоо -         Олон улсын байгууллага -         Улсын болон хувийн их дээд сургууль -         Иргэний бүлэг -         Шашины байгууллага -         Сан зэрэг  нь оролцох боломжтой   Илүү дэлгэрэнгүй мэдээллийг дараах хаягаар орж судална уу!  http:// http://www.usaid.gov/div  цааш унших →
2013 оны 5 сарын 5 – нд жил бүр зохион байгуулдаг их дээд сургуулийн оюутнуудын дундах англи хэлний улсын олимпиадыг МУИС-ийн ГХСС-ийн Их Британи, Америк судлалын тэнхимээс амжилттай зохион байгуулж өндөрлөлөө. Тус олимпиадад 22 их, дээд сургуулийн 101 оюутан мэргэжлийн ба мэргэжлийн бус 2 түвшингээр оролцож дүгнэгдсэнээс МУИС-ийн ГХСС, МУБИС, ШУТИС, МУИС-ийн ЭЗС, ОУХС, Улаанбаатар Эрдэм Дээд сургууль, Билиг Дээд сургууль, Улаанбаатар Их сургуулийн оюутнууд амжилттай сайн оролцлоо. Эхний 10 байр эзэлсэн сургуулийн оюутнуудыг  жагсаавал: 1. Мэргэжлийн  ангийн оюутнуудын дүн д\д                                                                                 д\д Оюутны овог, нэр Сургуулийн нэр Оноо 1 Баярсайханы Одонтуяа ГХСС 65       I байр 2 Бүрэндэйгийн Ачийгин МУИС-ийн ГХСС 60    II байр 3 Алтанхуягийн Санчирмаа МУБИС 58     III байр 4 Ганхуягийн Байгаль МУИС-ийн ГХСС 56   Тусгай байр 5 Шинэбаярын Бямбасүрэн Улаанбаатар Эрдэм ДС 52 6 Цэцэгмаагийн Пүрэвсүрэн УБИС 47 6 Энхболдын Тунгалагтамир Билиг ДС 47 8 Энхсайханы Нямдорж УБИС 39 9 Зэнбадийн Чинзориг ШУТИС 36 10 Чулуунбаатарын Мөнхжин ШУТИС 36   Мэргэжлийн бус ангийн оюутнуудын дүн        д\д                                                                                      д\д Оюутны овог, нэр Сургуулийн нэр Оноо 1.        Ганбаатарын Ундрал МУИС-ийн ОУХС 88        I байр 2.        Солонгын Бат-Амгалан ШУТИС 84,5    II байр 3.        Эрдэнэ Ажнай ШУТИС 82,5    III байр 4.        Ганболдын Мэргэн МУИС-ийн ЭЗС 82    Тусгай байр Энхбаярын Хишигжаргал НШУС 81,5 Жаргалсайханы Гэрэлчимэг МУИС-ийн ОУХС 81,5 Энхтөгсийн Сүндарь МУИС-ийн  МКС 81,5 Мишигийн  Анударь ЭМШУИС 81 Ширчинбалын Дөлгөөн МУИС-ийн ОУХС 79,5 Золбоотын Норжин ЭМШУИС 79   МУИС-ийн ИБАСТ  цааш унших →
Copyright © 2009 МУИС. All rights reserved.