МУИС-ийн захирал С.Төмөр-Очир “Тогтвортой хөгжлийн Делигийн дээд хэмжээний чуулга уулзалт-2012”-т оролцоод ирлээ.
МУИС-ийн захирал С.Төмөр-Очир  энэ сарын 01-05-ны өдрүүдэд БНЭУ-ын нийслэл Шинэ Дели хотноо зохион байгуулагдсан “Тогтвортой хөгжлийн Делигийн дээд хэмжээний чуулга уулзалт”-нд оролцлоо. Энэхүү чуулга уулзалт нь 2001 оноос эхлэн жил бүр зохион байгуулагдаж тогтвортой хөгжлийн дэлхий нийтэд тулгарч буй асуудлуудыг тал бүрээс нь ярилцаж, шийдвэрлэх арга замыг тодорхойлдог байна. Энэ удаагийн уулзалтанд 59 орны 300 гаруй төлөөлөгч оролцсон бөгөөд чуулга уулзалтын ерөнхий зохион байгуулагч нь Энэтхэгийн ТERI их сургуулийн захирал, уур амьсгалын өөрчлөлтийн судалгааны нэрт эрдэмтэн, Нобелийн энхтайвны шагналт, МУИС-ийн хүндэт доктор Р.К.Пачори байсан юм. Захирал С.Төмөр-Очир чуулганд илтгэл тавьж оролцохоос гадна төлөвлөгөөний дагуу уулзалтын үеэр ТERI их сургууль, МУИС-ийн хооронд хамтын ажиллагааны санамж бичигт гарын үсэг зурж, тогтвортой хөгжлийн чиглэлээр хамтарсан төсөл хэрэгжүүлэхээр боллоо. Мөн Жавхарлал Нерүгийн их сургуулийн захирал Судхир К. Сопорутай уулзаж хоёр их сургуулийн хооронд хамтран ажиллах гэрээний анхны хувилбарыг солилцож, захирал Судхир К. Сопоруг МУИС-д айлчлахыг урьсан бөгөөд айлчлалын үеэр гэрээнд гарын үсэг зурахаар тохиров. Үүнээс гадна уулзалтын үеэр Нобелийн шагналт профессор Элинор Остром, АНУ-ын Иелийн их сургуулийн менежментийн сургуулийн профессор Жефери А.Сонненфельд, Азийн Хөгжлийн Банкны мэдлэгийн менежмент, тогтвортой хөгжлийн асуудал хариуцсан дэд захирал Бинду Н.Лохани нартай уулзан МУИС-д хүрэлцэн ирж лекц уншихыг урихад эрдэмтэн профессорууд ч урилгыг дуртай хүлээн авсан юм. Тогтвортой хөгжлийн Делигийн дээд хэмжээний чуулга уулзалт 2013 онд “The global Challenge for resource efficient and low carbon development ” сэдвээр болох бөгөөд МУИС-ийн захирал С.Төмөр-Очирыг мөн хүрэлцэн ирэхийг урилаа.        цааш унших →
Япон, Монгол хоёр орны хооронд дипломат харилцаа тогтоосны 40 жилийн ойн хүрээнд “Өвсний үндэс – Хүний аюулгүй байдлыг хангах” хөтөлбөрийн 401 дэх төслөөрөө Японы засгийн газар  МУИС-тай хамтран ажиллахаар боллоо. Өчигдөр Японы элчин сайдын өргөөнд болсон энэхүү ёслолын ажиллагаанд Япон улсаас Монгол Улсад суугаа Элчин сайд Такенори Шимизү, Монгол Улсын Засгийн газрыг төлөөлж Гадаад харилцааны яамны дэд сайд Г.Тэнгэр, БСШУЯ-ны дэд сайд Б.Ундармаа, МУИС-ийн захирал С.Төмөр-Очир, дэд захирал Б.Даваасүрэн, ЭЗС-ийн захирал Ц.Даваадорж, “Байгаль-эх лицей” ахлах сургуулийн захирал Ц.Батчулуун болон “Өвсний үндэс“ хөтөлбөр хэрэгжсэн орон нутгийн засаг захиргаа,  сургууль,  эмнэлэг, ТББ-ын удирдлагууд  оролцсон юм. “Өвсний үндэс” хөтөлбөрийн 401 дэх төсөл нь МУИС-ийн “ Байгаль-эх лицей” ахлах сургуулийн 2 давхар өргөтгөлийн барилгыг санхүүжүүлэх юм. МУИС-ийн удирдлагын бүрэлдэхүүн  2011 оноос Японы засгийн газарт санал тавьсны дүнд ийнхүү нийт 100,000 ам долларын санхүүжилтийг авах гэрээнд гарын үсэг зурлаа. “Байгаль-эх лицей” ахлах сургуулийн өргөтгөлийг барих энэхүү төслийг хэрэгжүүлснээр сурагчдынхаа тоог нэмэгдүүлж, сурах орчныг нь сайжруулж, МУИС-ийн бусад бүрэлдэхүүн их сургуулиудад  элсэн орох чадварлаг суралцагчдыг чанартай сургалтаар бэлтгэн гаргах бааз сууриа улам бэхжүүлэх боломжийг олгож байгаа юм. Төсөл энэ гуравдугаар сараас хэрэгжиж эхлэх  бөгөөд  МУИС-ийн 70 жилийн ойн өмнө ашиглалтанд оруулах зорилт тавин ажиллаж байна.  цааш унших →
АНУ-ын ШУ-ны сангийн судалгаа: АНУ-ын судалгаа, боловсруулалтын хөгжлийн чиг хандлага ба олон улсын гүйцэтгэлтэй харьцуулсан үзүүлэлт
ДНБ –нээс судалгаа боловсруулалтын салбарт  зарцуулах  хувь  нь  улс орны эрүүл эдийн засгийн хөгжлийнгол  шалгуур үзүүлэлт юм. Харамсалтай нь хөгжиж буй улс орон бодлогын  хувьд энэ чухал салбартаа анхаардаггүй байна. Дотоодын нийт бүтээгдэхүүнээс судалгаа боловсруулалтад зарцуулсан хувь (R&D/GDP ratio ) 2009 онд АНУ – 2.9%, 2008 онд Япон, Өмнөд Солонгос дэлхийд хамгийн өндөр- 3.8 %, Хятад улс – 1.7% байв. Харин  2009 онд тус үзүүлэлтээр  Израиль, Швед, Финлянд, Япон, Өмнөд Солонгос, Швецарь, Тайван зэрэг  улс  тэргүүлэв.                          ЭШИХ дэлгэрэнгүй…  цааш унших →
“Монгол Алт” ХХК-тай хамтран ажиллах санамж бичигт гарын үсэг зурлаа.
Өнөөдөр МУИС-ийн Эрдэм шинжилгээ, инновацийн асуудал эрхэлсэн дэд захирал Ч.Ганзориг, “ Монгол Алт” ХХК-ийн Технологи судалгаа эрхэлсэн дэд ерөнхийлөгч Г.Даваацэрэн нар хамтран ажиллах санамж бичигт гарын үсэг зурлаа. Энэхүү ёслолын ажиллагаанд  МУИС-ийн Гадаад харилцаа, хамтын ажиллагаа эрхэлсэн дэд захирал А.Галтбаяр, Нүүрсний судалгааны төвийн захирал Б.Энхсаруул, ГХХАХ-ийн мэргэжилтэн Д.Саранцэцэг, Технологи дамжуулах төвийн ахлах мэргэжилтэн Д.Дамдинбаяр болон  “Монгол Алт” ХХК-ийн Технологи судалгааны төвийн мэргэжилтэн А.Баянжаргал, Ж.Золжаргал  нар оролцож хоёр байгууллагын хамтын  ажиллагааны талаар санал солилцсон юм.    цааш унших →
Багш нар баяраа тэмдэглэлээ
Эрдмийн их өргөө МУИС-ийн нийт багш ажилчид өчигдөр Монголын багш нарын 46 дахь баяраа  Мишээл экспо төвд  тэмдэглэлээ.  Баярын энэ өдрөөрөө шилдэг багш ажилчдынхаа гаргасан амжилт бүтээлийг үнэлж Боловсрол, Соёл, Шинжлэх Ухааны салбарын шагнал “Шинжлэх ухааны тэргүүний ажилтан”, “Боловсролын тэргүүний ажилтан” цол тэмдэг,  БСШУЯ-ны “ Хүндэт жуух”  болон  зарим багш ажилтнаа  МУИС-ийн шагналаар шагнасан юм.  Мөн баярын үеэр  шинэхэн  профессор, дэд профессор, шилдэг багш нартаа цол тэмдэг, батламжийг нь гардуулан өгөв. Энэ жил МУИС үүсэн байгуулагдсаны 70 жилийн ой тохиож байгаагаараа онцлог төдийгүй шилдэг сайчуул олонтой, шагналын хур буусан өргөн дэлгэр сайхан баяр болж өнгөрлөө. Нарт ертөнцөд байхгүй нандин сайхан алба гагцхүү багш хүн заяасан билээ. Монголын нийт багш нартаа багш нарын баярын мэндийг хүргэе. Дэд профессор цол хүртсэн багш нар: Ч.Таамаа   ГХСС П.Энхбаяр  ББС А.Пүрэвжанцан  МХСС М.Эрдэнэ НШУС Б.Даваасүрэн ЭЗС Б.Тэмүүлэн ХЗС С.Эрдэнэсүх  ГГС Т.Цэцэгмаа ГХСС Д.Баярсайхан ХЗС Н.Сонинхишиг ББС Д.Сайнбилигт  ГХСС Д.Цэнджав  МХСС Б.Хишигсүх МХСС С.Гомбобаатар ББС Д.Эрдэнэчимэг ХХИС Т.Бүрэнжаргал НШУС Л.Наранчимэг ЭЗС Ш.Цогтоо ХЗС Профессор цол хүртсэн багш нар: Ш.Чоймаа МХСС Ж.Сүхдолгор ББС Б.Отгоолой ФЭС Н.Нансалмаа ГХСС Н.Лүндэндорж ХЗС ШУ-ы тэргүүний ажилтан: ГГС-ийн багш   Б.Чинбат ББС-ийн багш С.Шар МХСС-ийн багш М.Баярсайхан МХСС-ийн багш Д.Баасанбат ЗХШҮА-ны дарга М.Отгонбаяр   Боловсролын тэргүүний ажилтан: ББС-ийн багш Н.Батсайхан ББС-ийн багш Н.Сонинхишиг ГХСС-ийн багш Ж.Баярмаа Биеийн тамирын тэнхимийн багш Н.Дашпүрэв, Биеийн тамирын тэнхимийн багш Э.Эрдэнэбилэг НШУС-ийн багш  М.Эрдэнэ ЭЗС-ийн багш А.Гантөмөр ГХСС-ийн багш Д.Оюунчимэг ГХСС-ийн багш Б.Долгорсүрэн ГГС-ийн С.Эрдэнэсүх ГГС-ийн Б.Алтанцэцэг ХҮХ-ийн зохион байгуулагч Ч.Даваадэлгэр ХЗС-ийн СА-ны хичээл зохицуулагч Банк санхүүгийн тэргүүний ажилтан: Санхүүгийн албаны эдийн засагч Д.Тунгалаг   БСШУЯ-ны жуух: ГХСС-ийн багш Ц.Баттулга МКС-ийн багш О.Отгоннаран ФЭС-ийн багш Н.Цогбадрах МКС-ийн СА-ны хичээл зохицуулагч Ж.Дэлгэрхүү МКС-ийн багш Ж.Даваадулам МХСС-ийн ОБДТ-ийн эрхлэгч Т.Сарантуяа ХС-ийн багш Д.Болормаа ББС-ийн багш Ш.Оюунгэрэл ББС-ийн багш Б.Болдгив ХХИС-ийн багш Г.Даваахүү ЭЗС-ийн багш Д.Баянжаргал ЭЗС-ийн багш С.Батбилэг ЭЗС-ийн сургалтын инженер Ц.Булган ЭЗС-ийн СА-ны аргазүйч Б.Бадамцэцэг ГГС-ийн багш Б.Бат ФЭС-ийн багш Р.Цолмон ФЭС-ийн багш Ц.Баатарчулуун ХЗС-ийн СА-ны аргазүйч А.Мөнхтуяа ГХСС-ийн багш Л.Одонтуяа ГХСС-ийн багш Ц.Баярмаа ГХСС-ийн багш Б.Бадамцэцэг НШУС-ийн багш М.Дэлгэржав   МУИС-ийн жуух: МКС-ийн багш С.Цогзолмаа МКС-ийн багш Г.Баттөр МКС-ийн захирлын туслах Д.Бат-Отгон НШУС-ийн багш Т.Булган МТС-ийн СА-ны хичээл зохицуулагч Г.Уранчимэг ГХСС-ийн багш Б.Пүрэвсүрэн ГХСС-ийн багш Д.Ундрах МХСС-ийн багш Т.Цэцэгжаргал МХСС-ийн багш Т.Отгонтуул МХСС-ийн багш С.Дашдэжид МХСС-ийн багш Д.Отгонтуяа ФЭС-ийн зөвлөх профессор Г.Очирбат ФЭС-ийн СА-ны дарга Н.Төвжаргал ФЭС-ийн сургалтын инженер Ц.Оюунчимэг ББС-ийн багш Б.Батжаргал ББС-ийн зочин профессор Мартин Пфайффер ГГС-ийн захирлын туслах С.Цэлмэгсайхан ХХИС-ийн багш Г.Оюунбилэг ХХИС-ийн багш Н.Амгалан ЭЗС-ийн багш Б.Лхагвасүрэн ЭЗС-ийн багш Ч.Энхбаяр ГХСТ-ийн багш Н.Оюун-Ундраа ГХСТ-ийн багш О.Батхуяг ХС-ийн тэнхимийн эрхлэгч Д.Баасанхорол УБ сургуулийн багш Ж.Оюун “Байгаль-эх лицей, ЭБТөвийн мэргэжилтэн Х.Буянхишиг Орхон сургуулийн багш  Х.Нуржанар Орхон сургуулийн багш Д.Оюунтуяа Завхан сургуулийн багш Н.Ариунаа   МУИС-ийн баярын бичиг: НШУС-ийн багш Ц.Өлзийнаран НШУС-ийн багш И.Саруул НШУС-ийн сургалтын инженер Д.Оюун НШУС-ийн сургалтын инженер Г.Мэндхүү НШУС-ийн багш С.Нандинцэцэг МТС-ийн багш Б.Доржнамжирмаа МТС-ийн багш Д.Баттулга МТС-ийн багш Ж.Баттогтох ГХСС-ийн багш С.Булгантамир МХСС-ийн хичээлийн туслах ажилтан Б.Аззаяа МХСС-ийн хичээлийн туслах ажилтан Б.Энхсувд МХСС-ийн сургалтын инженер Б.Батдэлгэр ФЭС-ийн сургалтын инженер Ш.Пүрэв ФЭС-ийн СА-ны аргазүйч Ц.Булган ББС-ийн багш Д.Лхагвасүрэн ББС-ийн сургалтын инженер  Д.Эрдэнэбат ГГС-ийн багш С.Мөнхнаран ГГС-ийн багш Ч.Наранцэцэг ГГС-ийн багш М.Цогдулам ГГС-ийн багш Б.Баасанхүү ХХИС-ийн ХТА Ж.Баярдулам ХХИС-ийн багш Н.Шүрхүү ЭЗС-ийн багш Д.Баярмаа ЭЗС-ийн багш Б.Наранчимэг ГХСТ-ийн багш Ч.Наранцэцэг ГХСТ-ийн ХТА Д.Оюунцэцэг ХС-ийн МСҮТ багш Д.Цасчихэр УБ сургуулийн багш Б.Булганбаяр Байгаль-эх лицей, ЭБТөв  цэцэгчин Г.Отгонжаргал Орхон суогуулийн багш М.Бямбадорж Орхон сургуулийн багш Б.Болормаа Завхан сургуулийн багш Ж.Норолхоожав        цааш унших →
МУИС-ийн 70 жилийн ойн Логоны уралдааны дүн гарлаа.
Өнөөдөр МУИС-ийн сургалт эрхэлсэн дэд захирал Р.Ринчинбазар, Эдийн засаг хөгжлийн бодлогын асуудал эрхэлсэн дэд захирал Б.Даваасүрэн нар МУИС-ийн 70 жилийн ойг угтан зохион байгуулсан Логоны уралдаанд шалгарсан бүтээлийн эздэд шагналыг гардуулан өглөө.   Уралдаанд ирсэн нийт бүтээлүүдээс ШУТИС-ийн багш Б.Энхбатын бүтээл нэгдүгээр байр эзэлжээ. Мөн  Л.Дашзэвэг, С.Махсат, Ж.Бат-Ирээдүй, Б.Атар нарын бүтээл тусгай байрын шагнал хүртсэн байна.  цааш унших →
“Их, дээд сургууль, коллежийн багшийн хөгжил” төслийн хэлэлцүүлэг болов.
БСШУЯ-ны Мэргэжлийн боловсролын газрын захиалгаар МУИС-ийн НШУС-ийн багш, судлаачдын гүйцэтгэж байгаа  “Их, дээд сургууль, коллежийн багшийн хөгжил” төслийн үр дүнгийн танилцуулга энэ сарын 23-ны өдөр боллоо.  Уг төслийн хүрээнд их, дээд сургууль, коллежийн багшийн хөгжил, ажлын үнэлгээ, багшийн мэргэжил, мэргэжил дээшлүүлэх тогтолцооны асуудлыг судалж байгаа бөгөөд төслийн явцад “ Монголын их, дээд сургууль, коллежийн багшийг чадавхижуулах хөтөлбөр”-ийн төсөлд тусгах багц саналыг боловсруулж мөн багш бэлтгэх, мэргэжил дээшлүүлэх тогтолцоог сайжруулахад санал зөвлөмжүүдийг гаргажээ. Энэ удаагийн хэлэлцүүлэг хурал нь  багшийн ажлын ачааллыг оновчтой тогтоох, багшийн үр дүнд суурилсан тогтолцоо бий болгох, багшийн судлан шинжлэх чадварын асуудал, заах ур чадварыг дээшлүүлэх, ёсзүйн асуудал, багшийн ажлыг үнэлэх загвар боловсруулах, багшийн мэргэжил, мэргэжил дээшлүүлэх тогтолцооны загвар боловсруулах зэрэг асуудлаар хэлэлцэгдэв. 2011 оны 06 сараас 2012 оны 06 сарын хугацаанд ШУТ-ийн сангийн санхүүжилтээр хэрэгжиж байгаа энэхүү төсөл нь Монголын их, дээд сургууль, коллежийн багшийн хөгжлийг өнөөгийн байдлаар тодорхойлох зорилготой юм. “Өнөөгийн байдлын судалгааны аргазүй, боловсруулалт, дүгнэлтэнд захиалагч байгууллага хангалттай гэсэн үнэлгээ өгсөн” гэж төслийн багийн ахлагч МУИС-ийн НШУС-ийн сэтгэл судлал, сурган хүмүүжүүлэх ухааны тэнхимийн профессор багш, доктор, дэд профессор Ж.Даваа хэллээ.  цааш унших →
Физикч эрдэмтэд шинэ материал гарган авчээ
2010 оны 10-р сарын 5-ны өдөр Шведийн Вангийн Шинжлэх ухааны Академийн шийдвэрээр орос гаралтай, Манчестерийн их сургуулийн профессор Андрей Гейм, Константин Новосёлов нарт Нобелийн шагнал хүртээжээ. Энэ хоёр физикч эрдэмтэн “графен” хэмээн нэрлэгдсэн урьд өмнө огт байгаагүй шинэ материалыг гарган авсан юм. Тэгвэл графен гэж юу юм бэ? Графен гэдэг бол хамгийн нимгэн, хамгийн бат бөх нүүрстөрөгчийн нимгэн хавтгай юм. Энэ нимгэн хавтгай цахилгаан ба дулааныг зэсээс илүү сайн дамжуулна. Бараг тунгалаг мөртлөө маш нягт бүтэцтэй, дотуур нь хийн хамгийн жижиг хэсэг болох гелийн атом ч нэвтрэн гарч чадахгүй. Дэлхий ертөнц дээр оршин тогтнож байгаа амьдралын эх үүсгэвэр болсон нүүрстөрөгч энэ удаа бас л биднийг гайхшралд орууллаа. Гейм ба Новосёлов нар ердийн харандааны гол бал чулуунаас наалдамхай хальсыг ашиглан нэг атомын хэмжээний зузаантай графены нимгэн хальсыг гарган авчээ. Олонх эрдэмтэд кристаллын ийм нимгэн хальс тогтвортой байж чадахгүй гэж үзэж байлаа. Гэтэл ийм нимгэн хальс тогтвортойгоор барахгүй, эдүгээ эрдэмтэд графены нимгэн хальсыг хэрэглэн хоёр хэмжээстэй кристаллын гайхамшигтай шинж чанарыг судлах өргөн хүрээтэй ажлыг эхлүүлж байна. Графеныг нээснээр квант физикийн үзэгдлүүдийг судлах шинэ чиглэлүүдийг буй болголоо. Түүнийг ашиглан өмнө байгаагүй шинэ материалыг гарган авч электроникт ашиглах хэтийн практик төлөв нээгдэж байна. Судалгааны анхны үр дүнгээс авч үзвэл  графеныг хэрэглэж үйлдсэн транзистор бүхий компьютерийн хурд, цахиуртай компьютерийнхээс хавьгүй их байх ажээ. Бараг тунгалаг мөртлөө дамжиц сайтай графеныг хэрэглэн тунгалаг мэдрэмтгий дэлгэц, гэрэлтэгч самбар ба нарны батарей үйлдвэрлэх хэтийн ирээдүй байна. Графеныг пластмасстай хольж гарган авсан композит материалын цахилгаан дамжиц сайжирахаас гадна, дулаанд тэсвэртэй, бат бөх, нимгэн мөртлөө хөнгөн, уян байна. Ирээдүйд автомашин, онгоц, хиймэл дагуул зэргийг энэ материалыг ашиглан үйлдвэрлэх байж магадгүй. Г.Шилагарди, Д.Эрдэнэбаатар, Ц.Хандмаа   Ном зүй: 1. К.С.Новоселев. Графен: Материалы Флатландии УФН. Том. 181. №12, стр 1299-1311. 2011. 2. K.S. Novoselov at al. Science 306. 666 (2004) K.S. Novoselov at al. Nature Phys. 2. 177 (2006)  цааш унших →
Монголын багш нарын баярын нэрэмжит МУИС-ийн багш ажилтны аварга шалгаруулах “Спортын бага наадам”  энэ сарын 12-25-ныг дуустал сагс, волейбол, шатар, ширээний теннис, билляръд, дартс, боулинг гэсэн спортын 7 төрлөөр амжилттай явагдаж өндөрлөлөө. Шатар Эрэгтэй 1-р байр:  Р.Бат-Амгалан /БЭЛицей/, 2-р байр Р. Энхбат /ЭЗС/, 3-р байр Г.Лхагва /МКС/ Эмэгтэй 1-р байр С.Хандсүрэн /ЭЗС/, 2-р байр С.Отгонжаргал /НШУС/, 3-р байр Г.Пүрэвсүрэн /Завхан/ Ширээний теннис Эрэгтэй  1-р байр Б.Батмөнх /ЭЗС/, 2-р байр С.Дэмбэрэл /УБС/, 3-р байр Т. Бэгзсүрэн /ФЭС/ Эмэгтэй  1-р байр Ц.Цогзолмаа /ГХСС/, 2-р байр О.Эрдэнэчимэг /Завхан/, 3-р байр Ж.Мөнхжаргал /ЗАА/ Дартс Эрэгтэй  1-р байр Сономдагва /ГГС/, 2-р байр Д.Ганбаатар /УБС/, 3-р байр Б.Батдэлгэр /МХСС/ Эмэгтэй 1-р байр Наранчимэг /МТС/, 2-р байр Э.Загдсүрэн /НШУС/, 3-р байр Э.Цэцэгдэлгэр/ЭЗС/ Билляръд 1-р байр Д.Амартүвшин /ОУХС/, 2-р байр Ч.Дашжаргал /ФЭС/, 3-р байр Ц.Цолмон /ЭЗС/ Боулинг 1-р байр Ч.Лодойравсал захиралтай МТС-ийн баг тамирчид 2-р байр Н.Алтанцэцэг захиралтай ОУХС-ийн баг тамирчид 3-р байр Н.Батхүү захиралтай ББС-ийн баг тамирчид Сагсан бөмбөг Эрэгтэй: 1-р байр   н.Амараа  ахлагчтай МТС-ийн баг 2-р байр С.Санасэр ахлагчтай ЭЗС-ийн баг 3-р байр н.Сономдагва ахлагчтай ГГС-ийн баг Эмэгтэй: 1-р байр н.Наранчимэг ахлагчтай МТС-ийн баг 2-р байр Ч.Дуламжав ахлагчтай ЭЗС-ийн баг 3-р байр Ц.Эрдэнэчимэг ахлагчтай ББС-ийн баг Волейбол Эрэгтэй: 1-р байр Д.Гансүх ахлагчтай ЭЗС-ийн баг 2-р байр Б.Галбадрах ахлагчтай УБС-ийн баг 3-р байр Л.Ням-Очир ахлагчтай ФЭС-ийн баг Эмэгтэй: 1-р байр П.Батзаяа ахлагчтай УБС-ийн баг 2-р байр О.Анхтуяа ахлагчтай МКС-ийн баг 3-р байр Ц.Энхмаа ахлагчтай ГХСС-ийн баг Нийлбэр дүнгээр эхний 6 байр эзэлсэн сургуулиуд: 1-р байр Ц.Даваадорж захиралтай ЭЗС 2-р байр Ч. Лодойравсал захиралтай МТС 3-р байр Д.Бадмаанямбуу захиралтай ГХСС 4-р байр Л.Алтангэрэл захиралтай МКС 5-р байр С.Байгалсайхан захиралтай УБС 6-р байр  В.Батцэнгэл захиралтай ГГС Амжилттай оролцсон нийт  баг тамирчиддаа баяр хүргэе.  цааш унших →
Гласгоу Их Сургуультай хамтран ажиллах гэрээнд гарын үсэг зурлаа.
Их Британийн Гласгоу Их Сургуулийн дэд захирал профессор Neal Juster өчигдөр МУИС-д зочиллоо. Хоёр сургуулийн хамтын ажиллагааг эхлүүлж буй энэхүү уулзалтанд тус сургуулийн Мэргэжил сургалт үйлдвэрлэлийн төвийн захирал Rosemary Byrne, Bruce Taylor, тус төвийн сургагч багш Phil Briggs, Гласгоу Их сургуулийн олон улсын сурталчилгааны албаны дарга Ian Thompson, хөрөнгө оруулагч Robert Atwater, Шотланд дахь Монгол улсын өргөмжит консул David Scott, гадаад харилцааны менежер Eunice McCallister, Монгол Британийн худалдааны танхимыг төлөөлж John Grogan нарын хүмүүс хүрэлцэн ирсэн юм. Төлөөлөгчдийг МУИС-ийн Эрдэм шинжилгээ, инновацийн асуудал эрхэлсэн дэд захирал Ч.Ганзориг, Гадаад харилцаа, хамтын ажиллагаа эрхэлсэн дэд захирал А.Галтбаяр, НШУС-ийн захирал Г.Эрдэнэбаяр, ГХСС-ийн захирал Д.Бадмаанямбуу нар хүлээн авч уулзан хамтран ажиллах талаар санал солилцож гэрээнд гарын үсэг зурлаа.Тус гэрээнд багш оюутны солилцоо явуулах, хамтарсан судалгааны төслүүд хэрэгжүүлэх, лекц семинар зохион байгуулах, сургалтын холбогдолтой мэдээ материал харилцан солилцох зэрэг сонирхсон чиглэлээрээ хамтран ажиллах тухай тусгажээ. Мөн Гласгоу их сургуулийн дэд захирал, Профессор Нийл Жастер  ” Британийн Боловсролын Тогтолцоо” сэдэвт лекц уншсан юм.    цааш унших →
Copyright © 2009 МУИС. All rights reserved.