2020 ОНЫ 3 ДУГААР САРЫН 24-НИЙ ӨДРИЙН ЗАХИРГААНЫ ЗӨВЛӨЛИЙН ӨРГӨТГӨСӨН ХУРАЛДААНЫ МЭДЭЭЛЭЛ
Дэлхий нийтэд тархаад буй COVID-19 цар тахлын үеийн онцгой байдлын хорио цээрийн дэглэмийг Монгол Улсын Засгийн газраас 2020 оны 4 дүгээр сарын 30-ны өдөр хүртэл сунгасантай холбогдуулан МУИС-ийн Захиргааны зөвлөл газар, алба, хэлтсийн дарга нарыг оролцуулан өргөтгөсөн хуралдаан хийж, “Цахим сургалттай холбоотой асуудлууд”-ын хүрээнд дараах 7 асуудлыг хэлэлцлээ.
Хэлэлцэж, шийдвэрлэсэн асуудлууд:
- Цахим сургалтын үргэлжлэх хугацаа, сургалтын үйл ажиллагааны календарьчилсан төлөвлөгөөний өөрчлөлт
- Төгсөлттэй холбоотой асуудлууд (бакалаврын болон магистрын ажил, мэргэжлийн магистр)
- Үйлдвэрийн дадлага, лабораторийн хичээлийн зохицуулалт
- Лекц, семинарын материал, гэрийн даалгаврын үнэлгээ
- Хичээл цуцлалт (ирц)
- Оюутны байрны төлбөр буцаалт
- Багш нарын Б, В цагийн ачаалал
Эдгээр асуудлын шийдвэрийг захирлын тушаалаар баталгаажуулан 2020 оны 3 дугаар сарын 25-ны өдөр мэдээлэх болно.
