БХЦСТ-өөс 2020 оны 9-р сард явуулсан багшийн цогц чадамжийг дээшлүүлэх хэрэгцээ шаардлагыг тодорхойлох санал асуулгаар судалгаанд оролцсон багш нарын 35% нь олон улсын сэтгүүлд өгүүлэл хэвлүүлэх нь хамгийн ойрын, чухал төлөвлөгөө гэж хариулсан бөгөөд судалгаанд оролцогчдын тал хувь нь судалгааны арга зүй, өгүүлэл хэвлэн нийтлүүлэх чадамжыг 1-2 жилд хөгжүүлэх шаардлагатай гэж хариулсан байна.
Багш нарын хэрэгцээ шаардлагад тулгуурлан “Nature Research Academies”-ийн “Effectively Communicating Your Research” эрдэм шинжилгээний өгүүлэл бичих аргазүйн сургалтыг БХЦСТ-өөс 2021 оны 5-р сарын 13-15-ны өдрүүдэд амжилттай зохион байгууллаа. Сургалтыг Др. Жеффри Робенс /Nature Research Academies/ удирдан явуулсан бөгөөд сургалтанд МУИС-ийн 229 багш, ажилтан бүртгүүлэн оролцлоо.
Сургалт нь Effective academic writing, Logical manuscript structure, Maximizing discoverability, Publication ethics, Successful submission strategies, Navigating peer review and final decision гэсэн 6 модулиас тогтох бөгөөд өгүүлэл бичих, хэвлүүлэх үйл явцад хэрэгтэй, судлаач хүний мэдэж байх ёстой бүхий л ойлголтыг хамрах 3 өдрийн хөтөлбөр юм.
Сургалтын дараа оролцогчдоос авсан санал асуулгыг 128 багш, ажилтан бөглөснөөс
- сургалтын чанарыг 82% нь маш сайн, 18% нь сайн;
- сургагч багшийн чадварыг 90.6% нь маш сайн, 9.4% нь сайн;
- 99.2% нь сургалтын агуулгаар сурсан зүйлээ судалгааныажилдаа ашиглах чадвартай болсон гэсэн үнэлгээ өгсөн байна.
БХЦСТ-өөс багш нарын судалгааны цогц чадамжийг дээшлүүлэх хүрээнд сургалт, хөтөлбөрүүдийг тогтмолзохион байгуулдаг ба энэ улиралд “Academic English-Research Paper Writing” эрдэм шинжилгээний өгүүлэл Англи хэл дээр бичих сургалтыг Их Британи, Америк судлалын тэнхимтэй хамтран зохион байгуулсан.
БАГШИЙН ХӨГЖИЛ, ЦАХИМ СУРГАЛТЫН ТӨВ
