МУИС-д 2011-2012 оны хичээлийн жилд хэрэгжсэн төслүүдээс хуримтлагдсан 24,500,000 төгрөгийн санхүүжилтийн эх үүсвэрийг МУИС-ийг 2011-2020 он хүртэлх хөгжүүлэх стратегийн зорилтуудыг хэрэгжүүлэх үйл ажиллагаатай холбогдуулан Эрдэм шинжилгээ, инновацийн хэлтсээс МУИС-ийн хэмжээнд дараах чиглэлээр 2013 онд хэрэгжүүлэх дотоод төсөл зарласан.
Төслийг дараах чиглэлээр зарласан.
1. Инновацийн бүтээгдэхүүн болох эсвэл технологи дамжуулалт хийх болох боломжтой хэрэглээний судалгааны төсөл боловсруулахад үндэс суурь болохуйц;
2. Технологийн чиглэлийн гарааны (start-up) компани байгуулах үндэслэл боловсруулахад үндэс суурь болохуйц;
3. Гадаадын болон дотоодын томоохон төсөл авч болох чиглэлээр төслийн судалгаа хйиж, үндэслэл боловсруулах;
4. Нийгэм, хүмүүнлэгийн салбарт хэрэгжүүлэх боломжтой инновацийн төслийн санал, антрепренёршип (entrepreneurship) тогтолцоог бүрдүүлэх чиглэлд судалгааны төслийн санал боловсруулах.
Хуримтлалыг дараах сургуулиуд бүрдүүлсэн байна.
Төслийн шалгаруулалтад нийт 27 төсөл ирсэн. Үүнд: ХХИС-5,ФЭС-2, МКС-1, ББС-1, ГГС-1, МТС-1, НШУС-2, ЭЗС-1, ОУХС-1, Завхан-1, ХС-1, МХСС-1, МСХ-2, ТДТ-2, ТХХ-1, Ген.лаб-2, Номын сан-1 тус тус төсөл ирүүлсэн байна.
Төслийн шалгаруулалтанд 27 төслийн мэдүүлэг ирснээс Др. Б.Очирхуяг /ХХИС/, Др. Л.Алтангэрэл /МКС/, Др. Ч.Лодойравсал /МТС/ бүрэлдэхүүнтэй ажлын хэсэг шалгаруулалт хийж дараах 8 төслийг шалгаруулсан.
| № | Төслийн нэр | Удирдагч | Төсөв, мян.төг |
| 1 | Цусны бүлэгнэл задлагч ферментэн бэлдмэл гарган авах |
Др. Р.Чинзориг /ББС/ |
2,500.0
|
| 2 | Математик – Компьютерийн шинжлэх ухааны онол, арга зүйг хэрэглэх боломжтой хэрэглээний судалгааны төсөл болон төсөл авч болох боломжуудын цогц судалгаа | Др. Н.Ууганбатар /МКС/ |
3,500.0
|
| 3 | Жижиг, дунд хэмжээний айгууллагын гарцын универсаль төхөөрөмж зохион бүтээх | Др.Ш.Содбилэг /МТС/ |
3,500.0
|
| 4 | Уламжлалт бус түүхий эд хэрэглэн нам температурт портландцемент гарган авах физик-химийн судалгаа | Б.Цэрэнханд /ХХИС/ |
4,500.0
|
| 5 | МУИС-Пресс хэвлэлийн газрын үйл ажиллагааг дэмжих | Др. Ж.Бат-ирээдүй /МСХ/ |
2,500.0 |
| 6 | МУИС-ийн бүтэц оновчтой юу? | Др. Ж. Даваасамбуу /ФЭС/ |
2,500.0 |
| 7 | Завхан аймгийн нийгэм эдийн засгийн хөгжилд уул уурхайн салбарын үзүүлэх нөлөө | Др. Г.Пүрэвсүрэн /Завхан/ |
3,000.0 |
| 8 | Хичээлийн нээлттэй материал /OCW/ түүний оюуны өмчийн судалгааг гаргах | Н.Шүрхүү /ХХИС/ |
2,500.0 |
| Нийт |
24,500.0 |
Шалгарсан профессор, багш нартаа сургалт, судалгааны ажилд нь өндөр амжилт хүсье.
