Захиргааны зөвлөлийн 2015 оны 11 дүгээр сарын 10-ны өдөр хуралдсан ээлжит хурлын товч мэдээлэл
Хуралд Захирал Р.Бат-Эрдэнэ, дэд захирал Г.Баярмагнай, Б.Болдгив, Ч.Нарантуяа, О.Мөнхбат, ЗХШҮА-ны дарга В.Батцэнгэл, ТДС-ийн захирал Б.Отгонтөгс, СНА-ны дарга Ч.Ундрам, МТА-ны дарга А.Баатарбилэг, бүрэлдэхүүн сургуулийн захирлууд Б.Баяртогтох, Н.Батнасан, С.Баттулга, Ж.Эрдэнэбулган, Д.Сайнбилэгт, Ц.Ганболд, А.Амарзаяа, Завхан сургуулийн захирал Т.Эрдэнэчимэг, ХШУИС-ийн профессор П.Энхбаяр, ХҮХ-ийн дарга Ш.Гончигсүрэн нар оролцлоо.
ХЭЛЭЛЦСЭН АСУУДАЛ
- Оюутны хөгжлийн жилийн хүрээнд хийх ажлын төсөл /Оюутны асуудал, хамтын ажиллагаа эрхэлсэн дэд захирал О.Мөнхбат/
- Мэргэжлийн дидактик, сургалт, судалгааны төвийн бүтцийн өөрчлөлт /ТДС-ийн захирал Б.Отгонтөгс/
- МУИС-ийн бакалаврын орой, эчнээ хөтөлбөрт оюутан элсүүлэх журам /СНА-ны дарга Ч.Ундрам/
- МУИС-ийн захиргааны зөвлөлийн ажиллах журам /ЗХШҮА-ны дарга В.Батцэнгэл/
- Явцын шалгалтын тоо мэдээ, үүссэн хүндрэл /тестийн машины ажиллаганы тухай/ /СНА-ны мэргэжилтэн Д.Наранцогт/
- Эзэн Чингис хааны мэндэлсэн өдрийн бүх нийтийн амралтын өдрийн хичээлийг нөхөн орох тухай /СНА-ны дарга Ч.Ундрам/
- Хичээлийн анги танхимын агааржуулалтын асуудлаар /ХҮХ-ийн дарга Ш.Гончигсүрэн/
- Цаг үеийн мэдээлэл
ШИЙДВЭРЛЭСЭН НЬ:
- Энэ хичээлийн жилийг “Оюутны хөгжлийн жил” болгон зарлаж, нээлтийн үйл ажиллагааг Олон улсын оюутны /2015.11.17/ өдрөөр зохион байгуулахаар боллоо. Оюутны жилийн хүрээнд хийх ажлын төлөвлөгөө гарган, зардлыг 2016 оны төсөвт суулган, төлөвлөгөө гаргаж ажиллахаар болов
- МДССТ-ийг өөрчилж, өргөжүүлэн “Багшийн хөгжлийн төв” нэртэйгээр байгуулахаар шийдвэрлэв.
- МУИС-ийн бакалаврын орой, эчнээ хөтөлбөрт оюутан элсүүлэх журмын хувьд гаргасан саналыг тусган журмыг батлахаар болов.
- МУИС-ийн Захиргааны зөвлөлийн ажиллах журмыг саналыг тусган шинэчлэн батлахаар боллоо.
- Тестийн машины тухайд: Тестийн машин худалдан авах үйл ажиллагаа бүрэн хийгдсэн эсэхийг шалгаж тогтоох үүргийг Ч.Ундрам захиралд, Тендерийн үйл ажиллагааны дэлгэрэнгүй тайлангаа гаргаж өгөх үүргийг Ш.Гончигсүрэнд өгөв.
- Эзэн Чингис хааны мэндэлсэн өдөр хуулийн дагуу бүх нийтээр амрахаар тогтов.
- Хичээлийн анги танхимын агааржуулалтын талаар: 29 анги танхимын агааржуулалтыг шийдвэрлэхээр тендер зарлахаар боллоо. Нийлүүлэгчээ маш сайн сонгохыг хатуу анхааруулав.
