МУИС, Шинжлэх Ухааны Сургууль болон Дэлхийн байгаль хамгаалах сан (WWF)-гийн Монгол дахь хөтөлбөрийн газар хооронд харилцан ойлголцын санамж бичигт 2016 оны 04 сарын 12-нд гарын үсэг зурлаа.
Санамж бичгийн хүрээнд дараах чиглэлүүдээр цаашдын хамтын үйл ажиллагааг тогтмолжуулах, өргөжүүлэхээр хамтрагч талууд тохиролцов. Үүнд:
- Судалгаа, мониторинг, үнэлгээ, төлөвлөлтийн арга зүйг боловсронгуй болгох
- Уур амьсгалын өөрчлөлт, биологийн олон янз байдлыг судлах, дүгнэлт гаргах
- Нэн ховор, ховор, нүүдэллэдэг зүйлүүд, тэдгээрийн амьдрах орчныг хамгаалах
- Ойн санг хамгаалах, түүнд учирч буй дарамтыг бууруулах
- Усны экосистемийг хамгаалах, хамгааллын менежментийг сайжруулах
- Хээрийн экосистем, түүнийг төлөөлөх зүйлийг хамгаалах
- Экосистемийн төлөөлөл, хамгааллын менежментийн оновчтой хэлбэрийг бий болгох
- Байгалийн нөөцийн зохистой ашиглалт, менежментийг сайжруулах
- Салбарын мэргэжилтний чадавхийг сайжруулах
хүрээнд хамтран ажиллах юм.
Дэлхийн байгаль хамгаалах сан (WWF)-гийн Монгол дахь хөтөлбөрийн газрын товч танилцуулга
Дэлхийн байгаль хамгаалах сан (WWF)-гийн Монгол дахь хөтөлбөрийн эрхэм зорилго нь Монгол орны байгаль орчны доройтлыг зогсоож, хvн ард нь байгальтайгаа харилцан шvтэлцэж амьдрах ирээдvйг бvтээхэд чиглэдэг.
1992 онд WWF өөрийн төлөөлөгчийн газрыг Монгол улсын Байгаль Орчны Яамны хvсэлтийн дагуу тус улсад анх 2 vндсэн ажилтантайгаар Монгол улсын тусгай хамгаалалттай газар нутгийн сvлжээг байгуулах, тvvнийг цаашид өргөтгөх чиглэлээр vйл ажиллагаа явуулахаар нээн ажиллуулж эхэлсэн. WWF-ийн Монголд vйл ажиллагаа явуулж буй зорилго нь тус сангаас тодорхойлсон дэлхийн 200 экобvс нутгийн 2 нь болох Алтай-Саян, Монгол Дагуурын экобvс нутгийн байгалийн зэрлэг онгон байдал, биологийн олон төрөл зvйлийн нөөц баялагийг зvй зохистой ашиглан хамгаалахад чиглэж байна.
Vvний тулд дараах чиглэлээр vйл ажиллагаа явуулж байна:
- Ховор амьтан
- Усны экосистем
- Тусгай хамгаалалттай газар
- Бэлчээрийн менежмент, хөдөөгийн хөгжил
- Байгаль орчны боловсрол
- Байгаль орчны хууль эрх зvйг боловсронгуй болгох зэрэг болно.
