Өнөөдөр /2020.04.17/ захирлуудын шуурхай хурал хуралдаж Монгол Улсын Засгийн газар, Улсын онцгой комиссоос танхимын хичээл, сургалтын үйл ажиллагааг улсын хэмжээнд 2020 оны 9 дүгээр сарын 1-ийг хүртэл зогсоох шийдвэр гаргасантай холбогдуулан дэд захирлууд, нэгжийн удирдлагуудад 2020 оны 9 дүгээр сарын 1-ний өдрийг хүртэлх хугацаанд хэрэгжүүлэх ажлын төлөвлөгөө гаргаж, 4 дүгээр сарын 21-ний өдрийн Захиргааны зөвлөлийн өргөтгөсөн хуралд танилцуулахыг үүрэг болголоо.
Энэхүү төлөвлөгөө нь
- Сургалт, оюутан;
- Эрдэм шинжилгээ, хамтын ажиллагаа;
- Санхүү, төлөвлөлт;
- Багш, ажилтнуудын амралт, хүний нөөц;
- Ахисан түвшний сургууль;
- Мэдээллийн технологийн дэд бүтцийг сайжруулахтай холбоотой асуудлуудыг тусгасан цогц төлөвлөгөө байх юм.
