МУИС-ийн Ректорын зөвлөлийн ээлжит хурал 2024 оны нэгдүгээр сарын 30-ны өдөр боллоо.
ХЭЛЭЛЦСЭН АСУУДАЛ:
- “МУИС-ийн профессор багшийн албан тушаалын зэрэглэл тогтоох, ажлын гүйцэтгэлийг тооцох журам” болон “МУИС-ийн профессор, дэд профессор цол олгох журам”-ын төсөл
- “Оюутны хөгжлийн хөтөлбөр” хэлэлцүүлэх тухай
- Бусад асуудлын хүрээнд,
- 2023-2024 оны хичээлийн жилийн хаврын улирлын шилжилт хөдөлгөөний дүн
- МУИС-ийн Эрдмийн зөвлөлийн гишүүн сонгох сонгуулийн удирдамжийг хэлэлцлээ.
ШИЙДВЭРЛЭСЭН НЬ:
- “МУИС-ийн профессор багшийн албан тушаалын зэрэглэл тогтоох, ажлын гүйцэтгэлийг тооцох журам” болон “МУИС-ийн профессор, дэд профессор цол олгох журам”-ын төслүүдэд хэлэлцүүлгийн саналыг тусган нэмэлт өөрчлөлт оруулж боловсруулан, нийт багш нарын саналыг авахаар дараагийн шатанд шилжүүллээ.
- “МУИС-ийн Оюутны хөгжлийн хөтөлбөр”-ийг батлав.
- “МУИС-д суралцагч шилжүүлэн суралцуулах журам”-ыг шинэчлэн Ректорын зөвлөлийн хуралдаанд оруулахаар тогтов.
- МУИС-ийн Эрдмийн зөвлөлийн гишүүн сонгох сонгуулийн удирдамжийг баталж, сонгуулийн бэлтгэл ажил хангаж зохион байгуулахыг Эрдэм шинжилгээ эрхэлсэн проректор болон Бүрэлдэхүүн, салбар сургуулийн захирлуудад даалгав.
РЕКТОРЫН АЖЛЫН АЛБА
