МУИС-ийн оюуны өмчийг эдийн засгийн эргэлтэд оруулах, инновацын судалгааны ажил, төсөл хөтөлбөрийг зах зээлийн эрэлт хэрэгцээтэй уялдуулах, гарааны компани байгуулахад дэмжлэг үзүүлэх зорилготой “Багш, оюутны стартап-2024” (NUM Startup 3.0) хөтөлбөр найм дахь жилдээ амжилттай хэрэгжиж, хөтөлбөрийн гарааны тэтгэлэг олгох шалгаруулалтын үйл ажиллагааг МУИС-ийн Технологи дамжуулах төв 2024 оны 11 дүгээр сарын 16-ны өдөр зохион байгууллаа.
Шалгаруулалтын ажиллагаанд МУИС-ийн ректор Б.Очирхуяг, Рио Тинто Монгол ХХК-ийн Дэд захирал Колин Дан, ЭЗХЯ-ны Шинжлэх ухаан, технологийн нэгдсэн бодлогын газрын дарга Д.Баттогтох, МУИС-ийн Судалгаа, хамтын ажиллагаа эрхэлсэн проректор С.Гомбобаатар, Сократус Стартап Студи ХХК-ийн гүйцэтгэх захирал А.Мөнхцог нар уригдан оролцож, хүндэтгэлийн үг хэлэв. МУИС-ийн ректор Б.Очирхуяг шалгаруулалтыг нээж хэлсэн үгэндээ хөтөлбөр улам өргөжиж, оролцогчдын тоо жилээс жилд нэмэгдэж, өнөөдрийг хүртэл нийт 75 багийн 525 багш оюутан хамрагдаж, түрүүлсэн нийт 21 багт 183 сая төгрөгийг гарааны санхүүжилтийг МУИС-иас олгосон ба хөтөлбөрийн үр дүнд МУИС-ийн дэргэд 7 гарааны компани байгуулагдаж, үйл ажиллагаа явуулж байгааг тэмдэглэн хэлэв.
Энэ жилийн хөтөлбөрт нийт 18 багийн 96 багш, оюутан бүртгүүлж хамрагдсанаас эцсийн шалгаруулалтад 12 баг хөгжүүлсэн төслөө танилцуулж оролцов. Шүүгчдийн бүрэлдэхүүнд “Рио Тинто Монгол” ХХК-ийн Гадаад харилцаа, хамтын ажиллагаа хариуцсан захирал Г.Эрдэнэбилгүүн, тайлан шинжилгээ хөгжүүлэлтийн ахлах ажилтан Ц.Алдар, “Сократус Стартап Студио” ХХК-ийн Гүйцэтгэх захирал А.Мөнхцог, “Мон-Химо” ХХК-ийн Ерөнхий захирал М.Ариунаа, Голомт банкны Байгууллага хөгжлийн газрын “Бодлого, зээлийн судалгааны хэлтэс”-ийн захирал Э.Цэцэгсүрэн, “Монос” групп, Иннохаб хурдасгуур төвийн Үйл ажиллагааны ахлах менежер Г.Золбоот, МУИС-ийн Бизнесийн сургуулийн Менежментийн тэнхимийн Дэд профессор Н.Батдэлгэр нар уригдан ажиллаа. Шалгаруулалтад оролцсон төслүүдийг инновацлаг шийдэл, мэдлэг шингэсэн шинэлэг тал, тухайн салбарын тулгамдсан асуудлыг хэрхэн шийдвэрлэсэн, зах зээлд тогтвортой байрших боломж, нийгэм, эдийн засгийн үр ашгийн тооцоолол, багийн ажиллагаа, ирц идэвх зэрэг үзүүлэлтээр шалгарууллаа.
Шалгаруулалтаар дараах гурван төсөл эхний гурван байранд шалгарч, гарааны тэтгэлэг авлаа.
- 1-р байрт МУИС, Инженер Технологийн сургууль, Ногоон эрчим хүч, инженерчлэлийн тэнхимийн дэд профессор Э.Пүрэвдалай удирдагчтай “M-Col” баг “Ногоон дөл” төсөл (гарааны тэтгэлэг-12 сая ₮)
- 2-р байрт МУИС, Шинжлэх Ухааны сургууль, Биологийн тэнхимийн ахлах багш Г.Оюундэлгэр удирдагчтай “MOUTHWOOD” баг “Lactoslim” төсөл (гарааны тэтгэлэг- 10 сая ₮)
- 3-р байрт МУИС, Инженер Технологийн сургууль, Хими, биологийн инженерчлэлийн тэнхимийн дэд профессор Ж.Болдбаатар удирдагчтай, “SQUADRON” баг, “Hydroband” Шархны гелин наалт төсөл (гарааны тэтгэлэг- 8 сая ₮)
2024 оны хөтөлбөрийн сургалт, менторын үйл ажиллагаанд МУИС-ийн Бизнес консалтинг төв, Залуу судлаачдыг дэмжих сан, Сократус Стартап Студи ХХК, Старт Централ Ази ХХК, М Старс хаб ХХК, Стартап Маркетинг Спэйс ХХК, Оюуны өмчийн газар, Шинжлэх ухааны паркийн захиргаа, Нийслэлийн бизнес, инновац хөгжлийн газар, Нийслэлийн өмчит Улаанбаатар хөрөнгө оруулалт, менежмент ҮЦК ХХК, МУИС, Дижитал профессор студи, Кинг лизард ХХК зэрэг байгууллагууд хамтран ажиллаа.
“Багш, оюутны стартап-2024” (NUM STARTUP 3.0) хөтөлбөрийн шалгаруулалтад оролцсон төслүүд:
МУИС, Оюутны хөгжлийн газрын ахлах мэргэжилтэн Л.Чинзориг удирдагчтай “ANTIDOTE” баг, “Flexico” түрээсийн байр хайх апп хөгжүүлэлтийн төсөл
МУИС, Шинжлэх ухаан технологийн Улаанбаатар паркийн Дэд профессор Н.Өлзийжаргал удирдагчтай “BioRheum” баг, “Эмийн чанартай биологийн идэвхт хүнс гарган авах технологи” төсөл
МУИС, ШУС, БУС, Физикийн тэнхимийн Дэд профессор Т.Бэгзсүрэн удирдагчтай “ECOVIBE” баг, “ Цэвэр агаар дулааны гурвалжин” төсөл
МУИС, Инженер, технологийн сургууль, Хими, Биологийн Инженерчлэлийн тэнхимийн Профессор Д.Эрдэнэчимэг удирдагчтай “ELOTHIO” баг, “Био уусгах болон цахилгаан химийн аргаар электрон хаягдлаас үнэт металлыг байгальд ээлтэй аргаар гарган авах” төсөл
МУИС, МТЭС, Мэдээлэл, компьютерийн ухааны тэнхимийн ахлах багш Э.Цэцэгжаргал удирдагчтай “HACKUM” баг, “Мэдлэг, чадвараа зарах, солилцох Hackum-апп хөгжүүлэх” төсөл
МУИС, ШУС, ХУС, Монгол хэл, хэл шинжлэлийн тэнхимийн профессор С.Батхишиг, Утга зохиол, урлаг судлалын тэнхимийн дэд профессор С.Дашдэжид удирдагчтай “МОНГОЛ ГЭСЭР” баг, “Монгол Гэсэр” комик ном, тоглоом бүтээх төсөл
МУИС, Инженер технологийн сургууль, Ногоон эрчим хүч инженерчлэлийн тэнхимийн дэд профессор Э.Пүрэвдалай удирдагчтай “MON-COL” баг, Нарны зайн системийг халаалт болон цахилгааны хэрэглээнд нэвтрүүлэхэд чиглэсэн “Ногоон дөл” төсөл
МУИС, Шинжлэх ухааны сургууль, Биологийн тэнхимийн ахлах багш Г.Оюундэлгэр удирдагчтай “MOUTHWOOD” баг, Таргалалтын эсрэг эрүүл мэндийг дэмжих бүтээгдэхүүн бүтээх “Lactoslim” төсөл
МУИС, МТЭС, Компьютерын ухааны тэнхимийн багш Н.Даваасүрэн удирдагчтай “NUM MOBILE” баг, “Сургуулийн цагдаа” мобайл аппликейшин хөгжүүлэх төсөл
МУИС, МТЭС, Мэдээлэл, компьютерын ухааны тэнхимийн дэд профессор Б.Сувдаа, УТСОУХНУС, Олон улсын харилцааны тэнхимийн багш С.Энхцэцэг, Оюутан хөгжлийн газрын ахлах мэргэжилтэн Л.Чинзориг нарын удирдагчтай “NUMSKILLS” баг, “NumSkills” мобайл аппликейшин хөгжүүлэх төсөл
МУИС, Инженер технологийн сургууль, Хими, биологийн инженерчлэлийн тэнхимийн дэд профессор Ж. Болдбаатар удирдагчтай “SQUADRON” баг, “Hydroband” Шархны гелин наалт төсөл
МУИС, Инженер технологийн сургууль, Хими, биологийн инженерчлэлийн тэнхимийн дэд профессор Ц.Төгсөө удирдагчтай “STАRTCHEM” баг, “Малын гаралтай өөх тосноос биодизель түлш гарган авах” төсөл
Хөтөлбөрт оролцсон МУИС, Шинжлэх Ухааны сургууль, Биологийн тэнхимийн ахлах багш Г.Оюундэлгэр удирдагчтай “MOUTHWOOD” багийн “Lactoslim” төсөлд “Сократус Стартап Студи” ХХК хөрөнгө оруулалт хийхээр боллоо. Хөтөлбөрт оролцсон нийт багийн хамт олон, хамтрагч байгууллагууддаа ажлын өндөр амжилт хүсье.
Цаашид манай эрдэмтэн багш, судлаачид, оюутнууд болон бизнес эрхлэгчдийн бүтээлч хамтын ажиллагаа өргөжиж, Монгол улсын хөгжилд бодит үр дүн өгөхийн ерөөл өргөе.
Зохион байгуулагч
МУИС-ийн Шинжлэх ухаан, технологийн Улаанбаатар Паркийн
Технологи дамжуулах төв
Холбоо барих: tto@num.edu.mn, 77307730 (1160)
