Өнөө үед дэлхийн аль ч улс орны хувьд мэдлэгийн хүч, бүтээх чадвар нь улс орны хөгжлийн гол хөдөлгөгч хүч болсноор барахгүй мэдлэгийг бүтээх, олж авах, эзэмших, дамжуулах, хэрэглэх, хөгжүүлэх нөхцөл боломж, чадавхийг бүрдүүлэх нь тухайн улс орны иргэн бүрийн зайлшгүй анхаарч үзэх чухал асуудал боллоо.
МУИС-ийг 2024 он хүртэл хөгжүүлэх стратегийн төлөвлөгөөнд “Судалгааны их сургууль” болох зорилт тавьсан билээ. 2011 оны 9 дүгээр сарын 30-ны өдөр “МУИС-ийн Оюуны өмчийн талаар баримтлах бодлого” баталж МУИС-ийн оюуны өмчийг бүтээх, хамгаалах, аж үйлдвэрт шилжүүлэх, олон нийтийн хүртээл болгоход баримтлах бодлогыг тодорхойлсон. Мөн “МУИС-ийн Технологи дамжуулах журам”-д заагдсаны дагуу МУИС-ийн хэрэгжүүлсэн болон хэрэгжүүлж байгаа төсөл, хөтөлбөрийн үр дүнд шинээр бүтээсэн, сайжруулан хөгжүүлсэн технологийг эзэмших эрх эдлэх, түүнийг зах зээлд нэвтрүүлэх, түүнээс орох ашгийг хуваарилахтай холбогдсон харилцаа зохицуулагдаж байна.
МУИС-ийн инновацийн судалгаа шинжилгээний ажил, төсөл хөтөлбөрүүдийг зах зээлийн эрэлт, хэрэгцээтэй уялдуулах, ирээдүйд хийгдэхээр хүлээгдэж буй технологийн судалгаа, түүний төлөвлөлтөнд хувийн хэвшлийн байгууллагуудын технологийн хэрэгцээ, саналыг тусгах нь судалгааны үр дүнг үйлдвэрлэлд амжилттай нэвтрүүлэх боломжыг нэмэгдүүлэх ач холбогдолтой юм.
Иймд судалгаанд суурилсан эрдэм шинжилгээний байгууллага, мэдлэгт суурилсан эдийн засгийн бүтцийг бий болгоход их сургууль-аж үйлдвэрийн хамтын ажиллагаанд хэрэгжүүлж болох шинэ санал санаачлага дэвшүүлэх, МУИС-ийн оюуны өмчийг эдийн засгийн эргэлтэд оруулах, уламжлалт харилцааг улам бүр өргөжүүлэх, харилцаа хамтын ажиллагааны бодит үр дүнд чиглэсэн цаашид хэрэгжүүлэх арга хэмжээг хамтран төлөвлөж хэрэгжүүлэхэд “ИХ СУРГУУЛЬ АЖ ҮЙЛДВЭРИЙН ХАМТЫН ХӨГЖИЛ” форумын гол зорилго оршино.
ХЭЗЭЭ: 2017 оны 12 дугаар сарын 14-ний өдрийн 13:30-17:30 цаг
ХААНА: МУИС-ийн Номын сан, Хурлын өрөө №502
ЗОХИОН БАЙГУУЛАГЧ: МУИС-ийн Эрдэм шинжилгээ, инновацийн хэлтэс, Технологи дамжуулах төв, Дотоод хамтын ажиллагаа, олон нийттэй харилцах хэлтэс
Хамтран зохион байгуулагч:
БСШУСЯ, Шинжлэх ухаан, технологийн бодлогын газар, Инноваци, өндөр технологийн хэлтэс
УУХҮЯ, Уул уурхайн бодлогын газар, Хүнд үйлдвэрийн бодлогын газар, Ашигт малтмал, газрын тосны газар
НИЙСЛЭЛИЙН Үйлдвэрлэл инновацийн газар
УУЛЗАЛТАД ОРОЛЦОГЧИД: МУИС-ийн төлөөлөл:
Захирал Я.Төмөрбаатар
Захиргаа, дотоод хамтын ажиллагаа хариуцсан дэд захирал Ч.Ундрам
Хөгжил, санхүү хариуцсан дэд захирал Ц.Болормаа
Эрдэм шинжилгээ, инноваци, гадаад харилцаа хариуцсан дэд захирал Б.Очирхуяг
Сургалт, оюутан хариуцсан дэд захирал Б.Очирхуяг
Хэрэглээний шинжлэх ухаан, инженерчлэлийн сургуулийн захирал Н.Баатарбилэг
Шинжлэх ухааны сургуулийн захирал Б.Баяртогтох
Олон улсын харилцаа, нийтийн удирдлагын сургуулийн захирал С.Баттулга
Хууль зүйн сургуулийн захирал Ж.Эрдэнэбулган
Бизнесийн сургуулийн захирал Ч.Энхбаяр
Эрдэм шинжилгээ, инновацийн хэлтсийн дарга А.Сайнбаяр
Дотоод хамтын ажиллагаа, олон нийттэй харилцах хэлтсийн дарга П.Лхамсүрэн
Аж үйлдвэр, бизнесийн төлөөлөл:
- Ачит ихт ХХК
- Арева групп
- Алтан Дорнод Монгол ХХК
- Багануур ХК
- Гацуурт ХХК
- МҮХАҮТ
- МАК ХХК
- М Си Эс групп
- Монголросцветмет ХХК
- Монпольмент ХХК
- Моннис групп
- Монголын Уул уурхайн үндэсний ассоциаци
- Ньюком Груп-Клин Энержи ХХК
- Оюутолгой ХХК
- Уул уурхайн Үндэсний олборлогч ХХК
- Рио Тинто Монгол ХХК
- Сопоко ХХК
- Тогтвортой хөгжлийн төлөөх хариуцлагатай уул уурхайн санаачилга” ТББ
- Хасу Мегаватт ХХК
- Хүннү Коал ХХК
- Хөнгөн бетон ХХК
- Шивээ-Овоо ХК
- Эрдэнэт үйлдвэр ХХК
- Эрдэнэс Монгол ХХК
- Эрдэнэс Таван Толгой ХК
- Эрдэнэс Оюу толгой ХХК
- Эрдэнэс Шивээ Энержи ХХК
- Энэржи Ресурс ХХК
- Bloomberg TV Mongolia
- МҮОНРТ
- Mongolian Mining Journal
- Mongolian Economy Journal
- Бусад компани
