Европын холбооны Эрасмус плас (Erasmus+) төслийн санхүүжилтээр 2016-2017 онд хэрэгжүүлэх “Европын холбооны интеграцитай уялдуулан гурав дах төвшний буюу докторын төвшний хөтөлбөрийн чанарын баталгаажууллын тогтолцоог боловсруулах, нэвтрүүлэх замаар судалгааны интернациональчлалыг дэмжих нь” (C3QA) төслийн зохицуулагч Армен улсын Францын их сургуулийн дэд захирал доктор Др.Араик Навоян үйл ажиллагааны төлөвлөгөөний дагуу төсөлд оролцогч байгууллага, сургуулиудын багийн гишүүдтэй уулзан төслийн үр дүнг хэлэлцэж, төслийн дунд шатны үнэлгээ хийхээр 2018 оны 5 дугаар сарын 2-4-ний өдрүүдэд Монгол Улсад ажиллаж байна.
Энэ төсөлд Армен, Монгол, Казакстан, Украйн улсуудын Боловсролын яамд, чанарын баталгаажууллын үндэсний байгууллагууд, тэргүүлэх судалгааны их сургуулиудаас гадна зөвлөгчөөр Франц, Испани, Польшийн их сургуулиуд оролцож байгаа юм. Монгол улсаас БСШУСЯ, БМИҮТ, МУИС, ОТИС-ийн хамтарсан баг уг төсөлд оролцож байна.
Төслийн хугацаанд Монгол, Казахстан, Армен, Украйн дөрвөн улс хамтран Испани, Польш, Францын докторын хөтөлбөрийн сайн туршлагаас суралцан, докторын хөтөлбөрийн талаар бодлогын баримт бичгийг сайжруулах, түгээн дэлгэрүүлэх юм.
Төслийн үр дүнд докторын сургалтын талаарх эрх зүйн орчин сайжирч, төсөлд хамрагдаж буй сургуулиудын докторын сонгогдсон хөтөлбөрүүд дотоодод болон гадаадад магадлан итгэмжлэх боломж бүрдэнэ. Дээд боловсролын салбарын 2017-2018 оны хичээлийн жилийн статистик мэдээгээр 3098 иргэн докторын хөтөлбөрт суралцаж байна. Үүнээс төрийн өмчийн 13 их сургуульд 3251 суралцагч, төрийн бус өмчийн 17 их сургуульд 598 суралцагч суралцаж байна.
Төслийн төлөвлөгөөний дагуу Франц улсад 5 дугаар сарын 30-31-ний өдрүүдэд болох 4 орны 21 байгууллагын төлөөллөөр дээрх бодлогын бичиг баримтуудаа хэлэлцүүлсэний дараа эцэслэн батлуулна.
Төслийн ерөнхий зохицуулагч Др. Араик Навоян 2018 оны 5 дугаар сарын 3-ны үдээс өмнө төсөл хэрэгжүүлэгч МУИС-ийн багтай уулзаж төслийн хүрээнд хийсэн үйл ажиллагаатай танилцан, төсөл дуустал хийх ажлын төлөвлөгөөний талаар мэдээлэл өгч, санал солилцож МУИС-ийн Төв номын санд зохион байгуулсан докторын хөтөлбөр хэрэгжүүлэгч Монгол Улсын төрийн болон төрийн бус өмчийн 30 орчим их, дээд сургуулийн төлөөллийг оролцуулсан сургалт-хэлэлцүүлэгт оролцон төслийн үйл ажиллагааны талаар илтгэл тавилаа.
Сургалт, хэлэлцүүлгийн үеэр төслийн багийнхан докторын сургалт болон зэрэг хамгаалуулах, хамгаалах талаар хийсэн судалгааны үр дүн, хэрэгжүүлж болох үйл ажиллагаа болон “Магистр, докторын сургалт эрхлэх нийтлэг журам”, “Докторын зэрэг хамгаалуулах зөвлөлийн дүрэм” –ийг шинэчлэн, докторын судалгааны ажилд тавигдах шаардлага, эрдмийн зэрэг горилогч болон удирдагч багшид тавих шалгуурыг өндөрсгөх, судалгааны ажлын чанар, бүтээл хуулбарлалтыг илрүүлэх програм хангамийг нэвтрүүлэх, үндэсний мэдээллийн сантай болох, судалгааны ёс зүйн асуудлыг тусгах, докторын зэрэг хамгаалуулах зөвлөлийн гишүүдэд тавих шалгуурыг өндөрсгөх замаар зөвлөлийг бүрэлдэхүүнийг чанаржуулах, олон улсад хүлээн зөвшөөрөгдсөн, идэвхтэй судлаачдыг зөвлөлийн гишүүнээр томилох, тэдгээрийн үйл ажиллагааны товтвортой байдлыг хангах чиглэлд анхаарч, гадаадын өндөр хөгжилтэй улсын их сургуультай хамтарсан зөвлөл байгуулах боломжийг нээн судалгааны ажлыг тал бүрээр дэмжих чиглэлд өөрчлөлтүүдийг оруулж, сургууль бүр хөтөлбөрийн дотоод чанарын баталгаажуулалтаа хариуцсан хороотой байх зэрэг олон асуудлыг шинээр тусгаж байгаа талаар илтгэл тавин хүрэлцэн ирсэн их, дээд сургуулиудын төлөөлөгчидтэй санал солилцлоо.
Өнөөдөр буюу 5 дугаар сарын 4-ний өдөр төслийн ерөнхий зохицуулагч Др. Араик Навоян БСШУСЯ-ны Төрийн нарийн бичгийн даргын үүрэг гүйцэтгэгч Л.Цэдэвсүрэнтэй уулзаж төслийн цаашдын үйл ажиллагааны талаар санал бодлоо солилцох юм.
