Монгол дахь НҮБ-ын салбар байгууллагуудаас /НҮБ-ын Хүн амын сан, Боловсрол, Шинжлэх Ухаан, Соёлын Байгууллага, Хүүхдийн Сан/ хамтран хэрэгжүүлж буй “КОВИД-19 цар тахалын хүрээнд боловсролын суурь үйлчилгээг хүргэхэд дэмжлэг үзүүлэх нь” нэгдсэн төслийн хүрээнд ЕБС-ийн сурагчдад зориулсан ТВ хичээл, интерактив сургалтын агуулгыг хөгжүүлэх чиглэлээр БМДИ, МУИС-ийн БХЦСТ хамтран “Боловсролд МХТехнологийг хэрэглэх, ТВ хичээл, мультмедиа агуулгыг хөгжүүлэх үйл явц, арга зүй” сэдэвт сургалтыг 2020 оны 8 дугаар сарын 10-ны өдөр МУИС-ийн номын сангийн 202, 203, 302, 303 тоот танхимуудад амжилттай зохион байгууллаа.
Сургалтад нийт 127 ЕБС-ийн багш, БМДИ-ийн арга зүйч нар оролцсон бөгөөд МУИС -иас Б.Ганбат /ХШУИС/, М.Дэлгэржав /ШУС/, А.Энхбаяр /ХШУИС/, Б.Болдсүрэн /ШУС/ багш нар хичээл сургалтыг удирдан явуулав.
Сургалтын үед “КОВИД-19” цар тахалын үеийн хорио цээрийн дэглэмийг чанд мөрдөж ажилласан болно.
Онцгой нөхцөл байдлын үе дэх сургалтын зохион байгуулалтад хамтран ажилласан МУИС-ийн ХҮГ-ын ажилтнуудад талархал илэрхийлье !
БАГШИЙН ХӨГЖИЛ, ЦАХИМ СУРГАЛТЫН ТӨВ
