МУИС-ийн “ARC” Азийн судалгааны төв  2013 онд

-судалгааны төсөл,

-International Scholars Exchange Fellowship Programme докторын дараах судалгааны судлаачийн төсөл шалгаруулж санхүүжүүлнэ.

1. Судалгааны төсөл. ARC хөтөлбөр нь МУИС болон их сургууль, шинжлэх ухааны байгууллагад ажилладаг эрдэмтдийн судалгааны багийн ажлыг дэмжих, санхүүжүүлэх зорилгоор дараах чиглэлээр төсөл сонгон шалгаруулна:

• Биологийн олон төрөл зүйл, янз байдал ба биологийн нөөц

(Biodiversity and Biological Resources in Mongolia)

• Байгалийн нөөцөд тулгуурласан дэвшилтэт материалын судалгаа

(Research on Natural Resources based Advanced Materials)

• Эрчим хүчний дэвшилтэт технологийн судалгаа

(Energy related Advanced Technology)

• Тогтвортой ногоон хөгжлийн асуудлууд  (Development of Green Growth and Sustainability in Mongolia)
• Говийн бүсийн нөөцийн судалгаанд чиглэсэн нийгэм-эдийн засгийн судалгаа

(Study of Social-Economic Systems for Natural Resources Oriented Development in Govi Region)

•  Цогц процессын загварчлал ба симуляц

(Modeling and Simulation of Complex Processes)

Төслийн үргэлжлэх хугацаа нэг жилээс хэтрэхгүй байна (2013.01.01-2013.12.31).

Төслийн санал хүлээн авах эцсийн хугацаа: 2012 оны 12 дугаар сарын 20, 18 цаг. №213/А, ЭШИХ,

МУИС-ийн 1-р байр.

2.     International Scholars Exchange Fellowship Programme докторын дараах судалгааны судлаачийн төсөл. Монгол Улсын аль нэг их сургууль, шинжлэх ухааны байгууллагад мэргэжлээрээ ажиллаж байгаа 50 хүртэлх насны эрдэмтэн судлаачийн БНСУ-ын их сургууль, эрдэм шинжилгээний байгууллагад докторын дараах “Korea Foundation for Advanced Studies сангийн ISEFP (International Scholars Exchange Fellowship Program)” тэтгэлэгт хөтөлбөрийн хүрээнд судалгааны төсөл дараах чиглэлээр сонгон шалгаруулна. Судлаачийн нэг сарын тэтгэлэг: 2,000 доллар.

• Нийгэм, хүмүүнлэгийн ухаан (Humanities and Social Sciences)

• Эрчим хүч (Energy related field)
• Биологи ба Биотехнологи (Life Science)
• Компьютерын шинжлэх ухаан, холбоо, мэдээллийн технологи, электроник инженерчлэл (Computer Science, Electronic Engineering, Telecommunication, Information Technology)

Докторын дараах судалгааны үргэлжлэх хугацаа хагас жил, нэг жилээс хэтрэхгүй байна (2013-09-01-ээс 2014-03-01/2014-09-01).

Төслийн санал хүлээн авах эцсийн хугацаа: 2012 оны 12 дугаар сарын 20, 18 цаг. №213/А, ЭШИХ,              МУИС-ийн 1-р байр.

Төслийн гол шалгуур үзүүлэлт

• Шинжлэх ухааны ахисан түвшний /гүнзгийрүүлсэн/ судалгаа боловсруулалт байх,
• Төслийн үр дүнг Томсон Ройтерсийн бүртгэлтэй олон улсын мэргэжлийн сэтгүүл, хурлын эмхэтгэлд нийтлүүлэх боломжтой байх,
• Хамтарсан төсөл дэх магистрант, докторантын оролцоо, төслийг олон улсын болон гадны байгууллагатай хамтран гүйцэтгэх эсэх

Төслийн бусад шалгуур үзүүлэлтүүд

• Төсөл Солонгосын ахисан түвшний судалгааг дэмжих сан (KFAS), АRC-ийн тэргүүлэх чиглэлд нийцэж байх,
• Төслийн шинжлэх ухааны суурь судалгаа, нийгэм эдийн засаг, инновацийн ач холбогдол,
• Төслийг урьд өмнө хэрэгжүүлж байсан, одоо хэрэгжүүлж байгаа, бусад байгууллагаас санхүүжиж байгаа эсэх,
• Төслийн урьдчилсан төсөв, түүнийг ARC-аас санхүүжүүлэх бодит боломж,
• Төслийн удирдагч нь эрдмийн зэрэгтэй, судалгааны ажлын туршлагатай байх,
• Төслийн төсөв судалгааны ажлын хүлээгдэж байгаа үр дүнтэй нийцэж байгаа эсэх,
• Төслийг хэрэгжүүлэх хугацаа хэр зэрэг бодитой болох,
• Төслийн үр дүн Томсон Ройтерсийн бүртгэлтэй олон улсын мэргэжлийн сэтгүүл, хурлын эмхэтгэлд хэвлэн нийтлүүлэх боломжтой эсэх.

Төслийн мэдүүлэг

Төслийн мэдүүлэг дараахь хэсгээс бүрдэнэ:

• Төслийн хамаарах чиглэл
• Төслийн нэр
• Хугацаа
• Төслийн үндсэн хэсэг
  • Төслийн  үндэслэл
  • Төслийн зорилго, зорилт
  • Судлагдсан байдал
  • Судалгааны арга зүй
  • Хүлээсэн үр дүн (шинэ мэдлэг, технологи, ургамал, амьтны шинэ сорт гэх мэт)-г хаана хэвлүүлэх,
  • Үр дүнгийн баталгаа (Томсон Ройтерсийн бүртгэлтэй олон улсын сэтгүүл, хурлын эмхэтгэлд хэвлүүлэх эрдэм шинжилгээний өгүүлэл, илтгэл)
  • Хүний нөөц
  • Календарчилсан төлөвлөгөө: Санхүүгийн жил 2013 оны 1 дүгээр сараас 12 дугаар сар хүртэл. Докторын дараах судалгаа нь 9 дүгээр сарын 1-ний өдрөөс эхлэнэ.
  • Төсөв (Судалгааны төслийн нэг жилийн төсөв: 14,000 доллар хүртэл, ISEFP докторын дараах судалгааны нэг жилийн төсөв: 24,000 доллар)
  • Төслийн удирдагч болон төслийн багийн гишүүдийн  CV, электрон хаяг, регистрын дугаар, удирдагчийн докторын дипломын хуулбар.

Төслийн төсөв

Төслийн төсөвт дараахь зардлуудыг тусгаж болно:

–  Багаж төхөөрөмж (хэмжих багаж, түүнийг иж бүрэн болгох тодорхой хэсэг), урвалж худалдан авах,

–  Мэргэжлийн ном, сэтгүүл, программ, CD-ROM,

–  Дээж материалын үнэ,

–  Лабораторийн шинжилгээ хийлгэх,

–  Дотоодын томилолт,

–  Төслийн үр дүн түгээх, хэвлэн нийтлэх ажил,

–  Урамшуулал

 

Азийн судалгааны төв, Эрдэм шинжилгээ, инновацын хэлтэс, №213/А,  МУИС-ийн 1-р байр.

Утас: 320159, arn@num.edu.mn