МУИС-ийн Ректорын зөвлөлийн 2024 оны хоёрдугаар сарын 20-ны өдрийн хуралдааны шийдвэрийг танилцуулж байна.
ХЭЛЭЛЦСЭН АСУУДАЛ:
- Байгууллагын магадлан итгэмжлэлийн явц
- “МУИС-д Эрдэм шинжилгээний хурал зохион байгуулж эхэлсэн”-ий 80 жилийн ойд зориулсан олон улсын эрдэм шинжилгээний хурал
- Баруун бүсийн сургуульд, “Гадаад хэлний боловсрол (багш) магистрын хөтөлбөр хэрэгжүүлэх, элсэлт авах тухай тус тус хэлэлцлээ.
ШИЙДВЭРЛЭСЭН НЬ:
- Байгууллагын магадлан итгэмжлэлийн өөрийн үнэлгээний тайланг Ректорын зөвлөлийн хуралд хоёроос доошгүй удаа танилцуулах болон ирэх дөрөвдүгээр сард багтаан БМИҮЗ-д хүлээлгэн өгөхийг хариуцсан ажлын хэсэгт даалгав.
- Олон улсын эрдэм шинжилгээний хурал зохион байгуулах комиссыг Эрдэм шинжилгээ эрхэлсэн проректор Б.Баяртогтохоор ахлуулан, бэлтгэл ажлыг чанартай зохион байгуулахыг үүрэг болгов.
- Баруун бүсийн сургуульд хэрэгжүүлэх “Гадаад хэлний боловсрол (багш)” магистрын хөтөлбөрийн элсэлтийн квотыг батлан, бусад асуудлыг Хөтөлбөрийн ерөнхий хороонд зохих журмын дагуу шийдүүлэхээр шилжүүллээ.
РЕКТОРЫН АЖЛЫН АЛБА
