Сайн байцгаана уу МУИС-ийн төгсөх хүсэлт гаргасан бакалаврын түвшний суралцагчдаа,
Энэхүү судалгааг бөглөснөөр таны гаргасан төгсөх хүсэлт баталгаажих тул заавал бөглөнө үү.
МУИС-ийн сургалтын хөтөлбөр, түүний хүрээнд эзэмшсэн мэдлэг, ур чадвар, сургуулийн үйлчилгээ, зохион байгуулалтыг үнэлэх, сайжруулах зорилгоор “Төгсөх түвшний суралцагчийн сэтгэл ханамжийн судалгаа”-г зохион байгуулж байна. Иймд та бүхэн өөрийн суралцан төгсөж буй хөтөлбөрийн хөгжилд хувь нэмрээ оруулаарай.
- Хугацаа: 2024 оны тавдугаар сарын 10-23-ны өдөр
- Хэрхэн хамрагдах: Та СИСИ системд нэвтрэн “Төгсөх хүсэлт” цэсэд хандан “Төгсөх түвшний суралцагчийн сэтгэл ханамжийн судалгаа”-ны талаарх зарлал, холбоос дээр дарж судалгааг бөглөөрэй.
Судалгаа бөглөхөд анхаарах зүйлс:
- Ойролцоогоор 20 минут зарцуулах тул тохиромжтой орчинг бэлдэх
- Нэг удаа бөглөх тул үнэн зөв, анхааралтай бөглөх
- Судалгааны үр дүнг хөтөлбөрийг үнэлэх, сайжруулахад ашиглах тул хариуцлагатай хандах
- Бутархай тоог цэгээр тусгаарлан оруулах. Жишээ нь: Голч дүн 3.5 эсвэл 2.8 гэх мэт
- Хэрвээ таны суралцсан хөтөлбөр “хөтөлбөр сонгох” асуултад гарч ирэхгүй байвал судалгааг илгээж болохгүй ба Сургалт, хөтөлбөр чанарын баталгаажуулалтын бодлогын газарт (oyundelger@num.edu.mn) хандан засвар хийлгэсний дараа илгээх
- Судалгааг хараахан илгээгээгүй бол хэдэн ч удаа нээж, үзэж болно
- Та судалгааг илгээснээс хойш тав хүртэлх минутын хугацаанд СИСИ-д судалгаа бөглөх сануулга, холбоос харагдаж болно.
Сургалт, хөтөлбөр чанарын баталгаажуулалтын бодлогын газар
