Монгол орны говь, цөлийн бүс нутагт ховор тохиолдох, харьцангуй бага судлагдсан, нуугдмал амьдралтай цөөн зүйл амьтны нэг Цоохондой (Felis silvestris Schreber, 1775) юм. Тиймээс ШУС-ийн Биологийн тэнхим ХБНГУ-ын Тюрингин мужийн Зүйлийн хамгааллын төвтэй хамтран “Монгол орны Цоохондой (Felis silvestris Schreber, 1775)-ны биологи, экологи, генетикийн удаан хугацааны хээрийн судалгааг” хамтран хэрэгжүүлж эхэллээ. Энэ удаагийн хээрийн судалгаанд Тюрингин мужийн Зүйлийн хамгааллын төвийн захирал Мартин Гөрнэр, ШУС-ийн Биологийн тэнхимийн багш Д.Лхагвасүрэн, ХШУС-ийн Хүрээлэн буй орчин судлалын III түвшний оюутан Б. Даваабаатар нар 2015 оны 3 дугаар сарын 15-аас 22-ны хооронд Өмнөговь аймгийн Номгон сумын Дэрсэнэ ус багийн нутагт ажиллаж, цоохондойны амьдрах орчин, тохиолдоц ба генетикийн судалгааны дээж материал цуглуулсан байна.
2015 оны 3-р сарын 26-нд Биологийн тэнхим
