Захиргааны зөвлөлийн 2015 оны 12 дугаар сарын 22-ны өдөр хуралдсан ээлжит хуралдааны товч мэдээлэл.
Хуралд захирал Р.Бат-Эрдэнэ, дэд захирал Г.Баярмагнай, Б.Болдгив, Ч.Нарантуяа, О.Мөнхбат, ТДС-ийн захирал Б.Отгонтөгс, МТА-ны дарга А.Баатарбилэг, бүрэлдэхүүн сургуулийн захирлууд Н.Батнасан, С.Баттулга, Н.Баатарбилэг, Ж.Эрдэнэбулган, ЗХШҮА-ны албаны дарга В.Батцэнгэл, СНА-ны дарга Ч.Ундрам, бүрэлдэхүүн сургуулийн салбар хариуцсан дэд захирал Ц.Амартайван, Дэлгэржаргал нар оролцлоо. ШУС-ийн захирал Б.Баяртогтох чөлөөтэй байв.
Хурал Хичээлийн 1 дүгээр байрны 208 тоотод өглөө 9:00 минутанд эхлэж 12:55 минутанд дуусав.
ХЭЛЭЛЦСЭН АСУУДАЛ:
- 2016 оны төсвийн төсөл /Дэд захирал Ч.Нарантуяа/
- Бакалаврын түвшний оюутны мэргэжлийн хөтөлбөр сонгох журам /ШУС-ийн салбар хариуцсан захирал Ц.Амартайван/
- Бусад асуудал: Сургалтын инженерийн тухай асуудлаар, мөн докторын зэрэг хамгаалаагүй багш нарын талаар /ЗХШҮА-ны дарга В.Батцэнгэл/
ШИЙДВЭРЛЭСЭН НЬ:
1-р асуудлын хувьд:
2016 оны төсвийн төслөөр шийдвэрлүүлэхээр санал болгож буй асуудлын хүрээнд гаргасан саналуудыг тусган Удирдах зөвлөлд оруулж, хэлэлцүүлж батлуулахаар шийдвэрлэв.
2-р асуудлын хувьд:
Шинжлэх ухааны сургууль хөтөлбөрийн сонголтыг хийхдээ 3 салбараар эсвэл нэгдсэн байдлаар хийх эсэхээ өөрийн сургуулийн захиргааны зөвлөлийн хурлаар дахин хэлэлцэж тодорхой санал ирүүлэх, ирүүлсэн саналыг журамд тусган батлуулахаар шийдвэрлэв.
Бусад асуудлын хувьд:
- Боловсролын тухай хуулинд Сургалтын инженер гэдэг орон тоо байхгүй учир энэ орон тоог энэ хичээлийн жил дуусгаад хүчингүй болгох, одоо ажиллаж байгаа сургалтын инженерүүдийн асуудлыг энэ хичээлийн жилдээ багтаан шийдвэрлэх
- МУИС-д Профессор, багш ажиллуулах журмын 2.5-д “МУИС-д багшаар томилогдсоноос хойш 12 жилийн дотор докторын зэрэг хамгаалах шаардлагатай” гэсэн заалтыг биелүүлээгүй багш нарт мэдэгдэл өгөхөөр боллоо.
