МУИС-ийн “ARC” Азийн судалгааны төв  2018 онд 

• Судалгааны төсөл,
• International Scholars Exchange Fellowship Programme докторын дараах судалгааны судлаачийн төсөл шалгаруулж санхүүжүүлнэ.

1. Судалгааны төсөл. ARC хөтөлбөр нь МУИС-д ажилладаг a) эрдэмтдийн судалгааны баг, б) докторын дараах залуу судлаачийн ажлыг дэмжих, санхүүжүүлэх зорилгоор дараах чиглэлээр төсөл сонгон шалгаруулна:
   • Монгол орны биологийн олон янз байдал ба биологийн нөөц
   • Байгалийн нөөцөд тулгуурласан дэвшилтэт материалын судалгаа
   • Эрчим хүчний дэвшилтэт технологийн судалгаа

• Хүрээлэн буй орчны судалгаа. (Говийн бүсийг хамарсан судалгаа хийх нь  давуу тал болно).
• Байгалийн нөөцөд тулгуурласан бүсчилсэн хөгжлийн нийгэм-эдийн засгийн судалгаа. (Говийн бүсийн судалгааг хийх нь давуу тал болно)
• Цогц процессын загварчлал ба симуляц
• Компьютер, мэдээллийн шинжлэх ухаан

     (Computer  Sciences: Big data statistics and cryptography)

• Азийн бүс нутгийн улс төр судлал (Political study of Mongolia and other Asian countries)
• Түүхийн салбар дундын харьцуулсан судалгаа (History: interdisciplinary, cross cultural, comparative research )

Төслийн үргэлжлэх хугацаа хоёр жилээс хэтрэхгүй байна (2018.01.01-2019.12.31).

Төслийн санал хүлээн авах эцсийн хугацаа: 2017 оны 12 дугаар сарын 20-ны өдөр, 18 цаг. №208, ЭШИХ, МУИС-ийн 1-р байр. Төслийн саналын цахим хувилбарыг project.num.edu.mn системийн  Төслийн зар цэс рүү (https://project.num.edu.mn/#/Proposal/view/45) оруулна уу.  

2. International Scholars Exchange Fellowship Programme докторын дараах судалгааны судлаачийн төсөл. МУИС-д мэргэжлээрээ ажиллаж байгаа 50 хүртэлх насны эрдэмтэн судлаачийн БНСУ-ын их сургууль, эрдэм шинжилгээний байгууллагад докторын дараах “Korea Foundation for Advanced Studies сангийн ISEFP (International Scholars Exchange Fellowship Program)” тэтгэлэгт хөтөлбөрийн хүрээнд судалгааны төсөл дараах чиглэлээр сонгон шалгаруулна.

• Нийгэм, хүмүүнлэгийн ухаан  (Humanities and Social Sciences)
• Эрчим хүч (Energy related field)
• Биологи ба Биотехнологи (Life Science)
• Компьютерын шинжлэх ухаан, холбоо, мэдээллийн технологи, электроник инженерчлэл (Computer Science, Electronic Engineering, Telecommunication, Information Technology)

Судлаачийн нэг сарын тэтгэлэг: 3 сая вон, даатгал, хоёр талын замын зардлыг олгоно. Түүнчлэн судлаач жилийн эцсийн судалгааны тайланг тус санд  хүлээлгэж өгөхөд урамшуулал – 1 сая вон, SCI, SSCI, AHCI  сэтгүүлд хэвлүүлсэн тохиолдолд 2-5 мянган ам. доллар, National Research Foundation of Korea сангийн бүртгэлтэй сэтгүүлд өгүүлэл хэвлүүлэхэд- 1 мянган ам. долларын нэмэгдэл урамшуулалтай.

Докторын дараах судалгааны үргэлжлэх хугацаа хагас жил, нэг жилээс хэтрэхгүй байна (2018-09-01-ээс 2019-03-01/2019-09-01). Төслийн санал хүлээн авах эцсийн хугацаа: 2017 оны 12 дугаар сарын 20, 18 цаг. №208, ЭШИХ, МУИС-ийн 1-р байр. Төслийн саналын цахим хувилбарыг project.num.edu.mn системийн Төслийн зар цэс рүү (https://project.num.edu.mn/#/Proposal/view/46) оруулна уу.

Төслийн гол шалгуур үзүүлэлт

• Шинжлэх ухааны ахисан түвшний судалгаа боловсруулалт байх,
• Салбар дамнасан, цогц, ахисан түвшний судалгаа байх,
• Төслийн үр дүнг Web of Science JCR индекстэй  олон улсын мэргэжлийн сэтгүүл, хурлын эмхэтгэлд нийтлүүлэх боломжтой байх,
• Хамтарсан төсөл дэх магистрант, докторантын оролцоо, төслийг олон улсын болон гадны байгууллагатай хамтран гүйцэтгэж байгаа байдал

Төслийн бусад шалгуур үзүүлэлтүүд

• Төсөл Солонгосын ахисан түвшний судалгааг дэмжих сан (KFAS), АRC-ийн тэргүүлэх чиглэлд нийцэж байх,
• Төслийн шинжлэх ухааны суурь судалгаа, нийгэм эдийн засаг, инновацийн ач холбогдол,
• Төслийг урьд өмнө хэрэгжүүлж байсан, одоо хэрэгжүүлж байгаа, бусад байгууллагаас санхүүжиж байгаа эсэх,
• Төслийн урьдчилсан төсөв, түүнийг ARC-аас санхүүжүүлэх бодит боломж,
• Төслийн удирдагч нь МУИС-ийн үндсэн профессор, дэд профессор байх,
• Төслийн төсөв судалгааны ажлын хүлээгдэж байгаа үр дүнтэй нийцэж байгаа эсэх,
• Төслийг хэрэгжүүлэх хугацааг төлөвлөсөн байдал,
• Төслийн үр дүнг Web of Science JCR бүртгэлтэй олон улсын мэргэжлийн сэтгүүл, хурлын эмхэтгэлд хэвлэн нийтлүүлэх боломжтой эсэх.

Төслийн мэдүүлэг

Төслийн мэдүүлэг дараахь хэсгээс бүрдэнэ:

• Төслийн хамаарах чиглэл
• Төслийн нэр
• Хугацаа
• Төслийн үндсэн хэсэг (10-12 нүүрт багтаана. MS Word, фонтын хэмжээ: 11, мөр хоорондын зай: 1.0- 1.5)
• Төслийн үндэслэл
• Төслийн зорилго, зорилт
• Судлагдсан байдал
• Судалгааны арга зүй
• Үр дүнгийн баталгаа (Web of Science JCR индекстэй  олон улсын сэтгүүл, хурлын эмхэтгэлд хэвлүүлэх эрдэм шинжилгээний өгүүлэл, илтгэл)
• Хүний нөөц
• Календарчилсан төлөвлөгөө: Санхүүгийн жил 2018 оны 1 дүгээр сараас 12 дугаар сар хүртэл. ISEFP докторын дараах судалгаа нь 9 дүгээр сарын 1-ний өдрөөс эхлэнэ.
• Төсөв

Судалгааны төслийн төсөвт дараахь зардлуудыг тусгаж болно /ISEFP хөтөлбөрийн төсөвт хамаарахгүй/:

• Багаж төхөөрөмжийг иж бүрэн болгох тодорхой хэсэг;
• Урвалж худалдан авах;
• Мэргэжлийн ном, сэтгүүл, программ;
• Дээж материалын үнэ;
• Лабораторийн шинжилгээ хийлгэх;
• Дотоодын томилолт;
• Төслийн үр дүн түгээх;
• Урамшуулал
• Төслийн удирдагч болон төслийн багийн гишүүдийн CV (Хавсралт. CV маягт), электрон хаяг, регистрын дугаар, удирдагчийн докторын дипломын хуулбар.

 

Азийн судалгааны төв, Эрдэм шинжилгээ, инновацийн хэлтэс, №208,  МУИС-ийн 1-р байр.

Утас: 1140,1141 arc@num.edu.mn

[gview file=”https://news.num.edu.mn/wp-content/uploads/2017/11/Хавсралт.docx”]