МУИС-ийн Гадаад хэлний төвөөс 2018 оны 3 дугаар сарын 10-ний өдөр Оюутны хөгжил, үйлчилгээний газар, Эрүүл мэнд даатгалын хяналт ТББ-тай хамтран Хүний эрүүл мэндэд нөлөөлөх хүчин зүйлс сэдэвт практик сургалт зохион байгууллаа. Сургалтад МУИС-ийн ерөнхий суурь хөтөлбөрийн оюутан залуус оролцов.
Сургалтын илтгэгч ЭМДХ ТББ-ын тэргүүн Р. Эрдэнэбат
Бидний оршин байгаа эх орон, хайртай хүмүүсээ мэдээллээр хангаж, тусалж хамгаалах нь бидний үүрэг билээ. Хүн бүхэн дээд мэргэжилтэй байхгүй, харин хүн бүр эцэг эх болно. Монгол улсыг нэг хүн гэж үзвэл 3 сая гаруй эд эстэй байх нь ээ. Хүний энэ эд эс нь янз бүрийн байдлаар өвчилж, устаж үгүй болж, нөхөн сэргэхдээ амьдрах чадвар муутай эсвэл нөхөн үржихгүй харин ч бүр өвчлөл нь залуужиж, хүүхдүүд нь хүртэл амьдрах боломжгүй болвол тэр бие удаан оршин тогтноход хүнд хэцүү болно. Хувь хүний биед ч гэсэн адилхан дотроо байнгын эсэргүүцэл тэмцэл, дайн болж байдаг. Иймээс та бүхэн өөрийгөө болон гэр бүлээ эрүүл энх, аз жаргалтай байлгахад таны оролцоо чухал үүргийг гүйцэтгэх болно. Хүн бүхэн өдөр тутамдаа сонголттой тулгарч байдаг. Эхлээд мэдээлэлтэй болж, өөрийгөө, үр хүүхдээ, гэр бүл, ах дүүсээ хайрлан хамгаалж сурах хэрэгтэй юм. Иймээс бид байгалиас заяасан эд эсээ хайрлан хамгаалахын тулд шинжлэх ухааны үсрэнгүй хөгжлийн үр дүнд гарч ирж байгаа сайн муу талыг ойлгох шаардлага үүсч байна. Өөрөөр хэлбэл, үнэгүй юм, хямдхан юм гэдэг нь хэсэг цаг хугацааны дараа их хэмжээний төлөөс төлөх төлбөрийн хэсэг зуур амралт байдгийг мэдрэх хэрэгтэй болсон.
Хичээлийн агуулга:
- Хоол, хүнс
- Эмийн зохистой хэрэглээ
- Ахуйн хэрэглээний бодис
- Байгаль орчны бохирдол
- Эрүүл мэндийн даатгал
Хоол хүнс
- Органик хүнс
- Генийн өөрчлөлттэй хүнс /GMO/
- Давс
- Сахар
Органик болон эхийн сүү харьцуулсан туршилт
Е тэмдэглэгээний тайлбарын дараагаар хийжүүлсэн ундаа буюу өнгө оруулсан ундааны туршилт хийж байна.
Гаазтай ундаа болон өнгө оруулсан ундааны туршилт
Pringles чипсийг шатааж үзүүлж байна. Үүнээс тос дусаж ялгарч байгаа, гарч байгаа үнэр, үлдэж байгаа үнсний хэлбэр зэргүүдийг үзэж сонирхлоо.
Хүнсний бүтээгдэхүүний нэмэлт Е тэмдэглэгээ бүтээгдэхүүн болгон ард байдаг , тайлбарыг уншиж танилцуулж байна.
Эмийн зохистой хэрэглээний талаар ойлголтыг өгч, оюутнуудас судалгаа авав.
Эрүүл мэндийн даатгал, цахим картны ач холбогдлын тухай ойлголт өглөө.
Амьдралын жамаар насжилтаас болж үүсч байгаа өвчнүүдэд төр ихэнх буюу дийлэнхи хувийг төлөх, иргэний амьдралын буруу хэвшлээс үүсч байгаа өвчлөлд нас залуужих тусам иргэн өөрөө их мөнгө төлөх хэлбэр ажиглагддаг байна. Иймд залуучуудыг эрүүл мэнддээ тустай бүтээгдэхүүн хэрэглэж байхыг сургалт зохион байгуулагчид анхаарууллаа.
Сургалтыг зохион байгуулсан МУИС-ийн Гадаад хэлний төвийн багш А.Алимаа, Ц.Алтанчимэг, Ч.Наранцэцэг, Е.Бямбасүрэн болон нийт оюутнууддаа талархлаа илэрхийлье.
ОЮУТНЫ ХӨГЖИЛ, ҮЙЛЧИЛГЭЭНИЙ ГАЗАР
