Ардын багш Д.Чойжалсүрэнгийн нэрэмжит, монгол бичгийн улсын уралдаан болно

АРДЫН БАГШ Д.ЧОЙЖАЛСҮРЭНГИЙН 110 ЖИЛИЙН ОЙ

АРДЫН БАГШ Д.ЧОЙЖАЛСҮРЭНГИЙН НЭРЭМЖИТ МОНГОЛ БИЧГИЙН УЛСЫН УРАЛДААН-2018

Уралдааны зорилго : Үндэсний утга соёлын нандин өв болсон монгол бичгийг хойч үед өвлүүлэх, иргэдийн монгол бичгээ сурч эзэмших идэвхийг дэмжих, монгол бичгийн судалгаа, сурталчилгааг өргөжүүлэх, монгол бичгээ сэргээн хэрэглэх төрийн бодлогын хүрээнд “Ардын багш Д.Чойжалсүрэнгийн нэрэмжит, монгол бичгийн улсын уралдаан“-ыг 17 дахь жилдээ зохион байгуулах гэж байна.

Уралдааны ангилал :

1. Улсын болон хувийн их дээд сургууль, коллежийн оюутан

а. Мэргэжлийн

–Зохион бичих чадвар

б. Мэргэжлийн бус

–Хөрвүүлэн бичих чадвар

2. Ерөнхий боловсролын сургуулийн мэргэжлийн багш нар

-Сорилго

3. Төрийн албан хаагчид болон хувийн хэвшлийнхэн

–Зохион бичих чадвар

4. Бүх нийтийн хүрээнд

-Монгол бичгээр цахимд бичих чадвар

Уралдааны журам:

1. Улсын болон хувийн их дээд сургууль, коллежийн оюутан (мэргэжлийн болон мэргэжлийн бус) ангилалд оролцогч зохион бичих даалгаварт ажил гүйцэтгэнэ.
2. Ерөнхий боловсролын сургуулийн мэргэжлийн багш нарүе үеийн монгол бичгийн дурсгал, олон янзын тиг хэлбэрийн эхийг уншиж хэрэглэх мэдлэг чадвар, монгол бичгээр зөв хичээнгүй бичих, үгийн бүтцээр задлах зэрэг мэргэжлийн ур чадвараар өрсөлдөнө.
3. Төрийн албан хаагчид болон хувийн хэвшлийнхэн дараах сэдвийн аль нэгийг сонгож монгол бичгээр алдаагүй, зөв, сайхан найруулгатай, хичээнгүй 120-150 үгэнд багтаан зохион бичсэн байна. Бичвэрийг бийр, хулсан ба төмөр үзэг зэрэг аль ч бичгийн хэрэгслээр бичсэн байж болно.

А. Монгол бичиг нь монголчуудын сэтгэхүй, танин мэдэхүйн тусгал мөн.

Б. Монгол бичиг бол хүн төрөлхтний оюуны өв санд оруулсан монголчуудын үнэт хувь нэмэр мөн.

В. Монгол бичгээ сурч мэдэхийн тус, ач холбогдол.

Г. Монгол бичгээ түгээн дэлгэрүүлэхийн тулд юуг анхаарах, хэрхвээс зохилтой вэ?.

– 2018 оны 4 дүгээр сарын 25-ны 18:00 цаг хүртэл МУИС-ийн хичээлийн II байрны 301 тоотод хүлээн авч, эцсийн дүнг гаргана.

– Уралдааныг шалгаруулахдаа оролцогчийн бичсэн эхийн найруулга, монгол бичгийн зөв бичих дүрэм, бичгийн хэв маяг, уран чадварыг үндэс болгоно. Та бусдаар бичүүлэх зэрэг зохисгүй үйлдэл хийхгүй гэдэг нь лавтай итгэж байна.

– Шагналт байрт шалгарах болзол хангасан хүмүүстэй уралдааны эцсийн дүн гарахаас өмнө холбоо барьж тодорхой хэмжээгээр нягтлах болно.

4. Бүх нийтийн хүрээнд оролцогч нь монгол бичгийг цахим орчинд хэрэглэх чадвараар уралдана.

Бүртгэл:

Хэзээ: 2018 оны 4 дүгээр сарын 16-наас 25-ны өдрүүдэд 10⁰⁰-18⁰⁰ цагт

Хаана: Хичээлийн 2-р байрны 3 давхар, 301 тоот.

Холбоо барих утас: 80805178; 99171159

Цахим шуудан: unenbat_dorjoo@yahoo.com

Уралдаан:     

Хэзээ: 2018 оны 4 пдүгээр сарын 28 (Бямба гараг)-ны 10⁰⁰ цагт.

Хаана: Монгол Улсын Их Сургууль, Хичээлийн 2-р байр, 343 тоот.

Шагналын сан  (Ангилал тус бүрт) :

1. Тэргүүн байр нэг,  өргөмжлөл, мөнгөн шагнал, үнэ бүхий зүйл
2. Дэд байр нэг,  өргөмжлөл, мөнгөн шагнал, үнэ бүхий зүйл
3. Гутгаар байр нэг, өргөмжлөл, мөнгөн шагнал, үнэ бүхий зүйл
4. Тусгай байр нэг, гэрчилгээ, мөнгөн шагнал, үнэ бүхий зүйл

Уралдааны дүнг 2018 оны 4 дүгээр сарын 30-нд МУИС-ийн цахим хуудас (www.num.edu.mn)-ээр зарлаж, шагналыг Монгол Улсын Үндэсний номын санд “Үндэсний бичиг үсгийн өдөр“-ийг тэмдэглэх ёслолын арга хэмжээний үеэр шагнал гардуулна.

Ерөнхий зохион байгуулагч : – МУИС-ийн Монгол хэл, хэл шинжлэлийн тэнхим

  -Монгол бичиг соёлын “Хос Уянга” нэгдэл

Хамтран зохион байгуулагч:  МУИС-ийн “Монгол Судлалын Хүрээлэн”

Үндэсний бичгээ эрхэмлэн дээдлэгч Монгол хүн Таныг мэдлэг чадвараа сорихыг урьж байна.