Шинжлэх ухааны доктор, профессор Цагаанбандийн Цэндээхүүгийн нэрэмжит Улсын биологийн олимпиадыг Биологийн шинжлэх ухааны доктор, профессор Цагаанбандийн Цэндээхүүгийн нэрэмжит болгон 28 дахь жилдээ амжилттай зохион байгууллаа. Олимпиадын үеэр профессор Ц. Цэндээхүү багш маань 80 насан дээрээ “Ургамлын физиологи” номны гурав дахь хэвлэлээ өлгийдөн гаргалаа.
Энэ жилийн Биологийн олимпиад нь онол, дадлагын шалгалтыг Олон улсын олимпиадын агуулга, түвшин, шаардлагаар явуулсан бөгөөд дүгнэх системийг (Z-score) ашигласнаараа онцлог болов.
Олимпиадын ерөнхий зохион байгуулагчаар БСШУСЯ, МУИС-ийн ШУС-ийн Биологийн тэнхим, Биологийн тэнхимийн Экологи-Эрдэм клуб ажиллаж, БОАЖЯам, Дэлхийн байгаль хамгаалах сан, Байгаль зэрлэг амьтан хамгаалах нийгэмлэг, Монголын ирвэс төв, Ирвэс хамгаалах сан, Хустайн цогцолборт газар, Монголын шувуу судлалын нийгэмлэг, Степ форвард хөтөлбөр, Зэрлэг амьтан судлах, хамгаалах төв, Этүгэн Их сургууль, МУИС-ийн ХШУИС-ийн “Ойн инженер” хөтөлбөр, Монхимо ХК, Монголын бэлчээр ашиглагчдын нэгдсэн холбоо, Монголын жимс, жимсгэний холбоо, Хөвсгөл төсөл зэрэг 15 орчим байгууллагууд ивээн тэтгэж, хамтран зохион байгуулав.
Энэхүү олимпиадад Улаанбаатар хот болон 21 аймгаас шалгарч ирсэн 32 сурагч, 41 багш мэдлэг чадвараа сорин өрсөлдөж дүнгээ гаргахад:
А. Багш нараас:
I байр:
Д. Хоролсүрэн, УБ, Боловсрол цогцолбор сургууль
II байр:
Э. Дэлгэрмаа, Говьсүмбэр, Сүмбэр ЕБ сургууль
III байр:
М. Цогт-Итгэл, УБ, Болор сургууль
Тусгай байр:
Л. Нямжав, УБ, Сант сургууль
Д. Лхагвабаасан, УБ, Шинэ Монгол ахлах сургууль
Н. Болор-Эрдэнэ, Хөвсгөл, Цэцэрлэг
Б. Сурагчдаас:
I байр:
Б. Билгүүн, УБ, Болор сургууль, (Бэлтгэсэн багш: М. Цогт-Итгэл)
II байр:
А. Ашид, УБ, Орчлон сургууль, (Бэлтгэсэн багш: Д. Чинзориг)
Б. Алтанзул, УБ, УБ-Эмпати, (Бэлтгэсэн багш: Д. Чинзориг)
III байр:
А. Норжмаа, УБ, УБ-Эмпати, (Бэлтгэсэн багш: Д. Чинзориг)
Б. Нямжаргал, УБ, Шинэ Монгол ахлах сургууль (Бэлтгэсэн багш: Д. Лхагвабаасан)
О. Ариунзаяа, УБ, Хобби сургууль (Бэлтгэсэн багш: Сайнцэцэг)
Тусгай байр:
Б. Анужин, УБ, АШУҮИС ЕБС, (Бэлтгэсэн багш: Ө. Батхишиг )
Б. Чинзориг, УБ, Сант сургууль, (Бэлтгэсэн багш: Л. Нямжав)
М. Нарантамир, Архангай, 2-р сургууль (Бэлтгэсэн багш: Ш. Одгэрэл) нар тус тус шалгарч алт, мөнгө, хүрэл медалиар энгэрээ мялааж, БСШУСЯ-ны өргөмжлөл, мөнгөн шагналаар, бэлтгэсэн багш нар нь хандивлагч байгууллагуудын урамшуулал хүртлээ. Мөн олимпиадын шагналт байранд орсон сурагчид 100% тэтгэлэгтэй нөхцөлөөр МУИС болон Этүгэн их сургуульд элсэх эрхийн бичиг, олимпиадад оролцсон бүх сурагчдад МУИС-д хөнгөлөлттэй нөхцлөөр элсэх эрхийн бичгээр шагнагдлаа.
Энэ жил олимпиадад амжилттай оролцсон сурагчдыг урамшуулах нэрэмжит шагналууд ар араасаа цуварлаа. Жил бүр уламжлал болгон олгодог МУИС-ийн Биологийн тэнхмийн профессор, А. Цэндсүрэнгийн нэрэмжит шагналын эзнээр Архангай аймгийн 2-р сургуулийн сурагч М. Нарантамир, Монголын шувуу судлалын нийгэмлэгийн нэрэмжит “Ирээдүйн Монгол бахархал” шагналын эзнээр АШУҮИС-ийн лицейн сурагч Б. Анужин нар тодорч мөнгөн шагнал, үнэ бүхий зүйлээр шагнууллаа. Мөн Экологи, эволюци, зан төрхийн дадлагын ажлыг хамгийн сайн гүйцэтгэсэн сурагч Б. Нямжаргал “Хөвсгөл төсөл”-ийн, Ургамлын ангилал зүй, анатоми, физиологийн дадлагыг хамгийн сайн гүйцэтгэсэн сурагч Б. Алтанзул ШУА-ийн Ургамлын ангилал зүйн лабораторийн, Молекул биологийн дадлагыг хамгийн сайн гүйцэтгэсэн сурагч Б.Билгүүн Монголын Биотехнологийн нийгэмлэгийн нэрэмжит шагналыг тус тус хүртлээ.
Улсын биологийн олимпиадад хамгийн олон жил сурагч бэлтгэж болон өөрөө амжилттай оролцсон, үе үеийн биологич, биологийн багш нарыг бэлтгэхэд үнэтэй хувь нэмэр оруулсан Дархан-Уул аймгийн Оюуны-Ирээдүй цогцолбор сургуулийн багш М. Алмагүлд Улсын биологийн олимпиадын дэд хорооны нэрэмжит шагнал олголоо.
Улсын биологийн XXVIII олимпиадад амжилттай оролцсон багш, сурагчиддаа сурлага, хөдөлмөрийн өндөр амжилтыг хүсэн ерөөе.
Олимпиадыг амжилттай зохион байгуулахад хамтран ажилласан МУИС-ийн ШУС-ийн Биологийн тэнхмийн хамт олон болон хандивлагч байгууллагуудад гүн талархал илэрхийлье.
Улсын биологийн олимпиадын дэд хороо
Улсын биологийн XXVIII олимпиадад оролцогчид, хүндэт зочдын хамт
Улсын биологийн XXVIII олимпиадын шагналт байр эзэлсэн сурагчид
Улсын биологийн XXVIII олимпиадын сурагчдын онолын шалгалт
Ургамлын физиологийн дадлагын үеэр сурагчид ургамлын навчинд хлорофилл тодорхойлов.
Молекул биологийн дадлагаар Агарозын гель электрофероз гүйлгэж үр дүнг тодорхойлох ажил байв.
Экологи, эволюцийн дадлагаар махчин-золиосын харилцан үйлчлэлийн хэлбэрийг загварчилж байгаа нь.
Биохимийн дадлагаар нимгэн үеийн хромотографийн аргаар аминхүчил тодорхойлж байна.
Амьтны анатомийн дадлагаар бор шувууны дотоод бүтцийг задалж байна.
