МУИС-ийн Захиргааны зөвлөлийн 2019 оны 4 дүгээр сарын 23-ны МЯГМАР гарагийн хуралдааны мэдээлэл
Хуралдаан Хичээлийн 1-р байрны 320 тоот хурлын танхимд өглөө 08:00 цагт эхэлж, 14:00 цагт дууслаа. Хурал 100% ирцтэй байлаа.
ХЭЛЭЛЦСЭН АСУУДАЛ
- Оюутан төгсөгчийн хэлтсийн үйл ажиллагаанд хийсэн дотоод аудитын тайлан /Хяналт, мониторингийн албаны дарга П.Лхамсүрэн/
- МУИС-ийн 4-р байрыг шинэчлэх ажлын явцын танилцуулга /Бизнесийн сургуулийн захирал Ч.Энхбаяр/
- МУИС-ийн 2018 оны санхүүгийн гүйцэтгэлийн тайлан, Аудитын дүгнэлт /Санхүү төлөвлөлт хариуцсан дэд захирал Ч.Ундрам/
- Барилга байгууламж актлах тухай /Санхүү төлөвлөлт хариуцсан дэд захирал Ч.Ундрам/
- БЭЛАС-ийн төлбөр нэмэх тухай /БЭЛАС, ЭБТ-ийн захирал П.Түвшинтөр/
- Бусад асуудал
ШИЙДВЭР:
- Оюутан, төгсөгчийн хэлтсийн үйл ажиллагаанд хийсэн дотоод аудитын тайлангийн дүгнэлт, зөвлөмжийн дагуу, мөн гаргасан саналыг тусган ажлын төлөвлөгөө гарган ажиллахыг Сургалт, оюутан хариуцсан дэд захирал Б.Очирхуяг, ОТХ-ийн дарга М.Эрдэнэчимэг нарт үүрэг болголоо. Тус хэлтсийн ахлах мэргэжилтний асуудлыг энэ 4-р сардаа багтаан шийдэх, мөн сургалт зохион байгуулахыг хэлтсийн дарга М.Эрдэнэчимэг, ЗХНГ-ын дарга Д.Бадамдаш нарт даалгав.
- МУИС-ийн 4-р байрыг шинэчлэх ажлын явцтай танилцав.
- МУИС-ийн 2018 оны санхүүгийн гүйцэтгэлийн тайлантай танилцлаа. Аудитын дүгнэлттэй танилцаж, Удирдах зөвлөлд танилцуулахыг дэд захирал Ч.Ундрамд үүрэг болгов.
- Барилга байгууламж актлах тухай хэлэлцээд, Удирдах зөвлөлд танилцуулахыг дэд захирал Ч.Ундрамд үүрэг болгов.
- БЭЛАС-ийн төлбөр нэмэх тухай асуудлыг хэлэлцээд, гаргасан саналыг тусган Удирдах зөвлөлд танилцуулахаар шийдвэрлэв.
- Бусад асуудлын хүрээнд ЗХНГ-ын дарга Д.Бадамдаш Энэ сарын 24-26-ны өдрүүдэд зохион байгуулж байгаа Нийслэлийн гамшгаас хамгаалах иж бүрэн сургуулилалтад МУИС-ийн багш, ажилтан, оюутнууд хэрхэн оролцож байгаа талаар танилцуулга хийж, 2019 оны 04-р сарын 25, 26-ны өдрүүдэд нийслэлд үйл ажиллагаа явуулдаг төрийн болон хувийн хэвшлийн бүх байгууллага хэрхэн оролцох талаар мэдээлэл өглөө.
ЗАХИРГАА, ХҮНИЙ НӨӨЦИЙН ГАЗАР
