“Монгол Улсын үндэстний цөөнхийн хүүхдийн хос хэлний сургалтын өнөөгийн байдал, чиг хандлага” эрдэм шинжилгээний анхдугаар хурлын удирдамж
Зорилго: Хос хэлний сургалтын талаарх судалгаа, шинжилгээг өргөжүүлэх, боловсрол судлаачдыг татан оролцуулах, Монгол Улсын үндэстний цөөнхийн хос хэлний сургалтын цаашдын чиг хандлагыг судалгааны үндсэн дээр тодорхойлоход хувь нэмэр оруулах
Зохион байгуулагчид:
- БСШУСЯ-ны Ерөнхий боловсролын газар
- МУИС-ийн Монгол судлалын хүрээлэн
- БСШУСЯ-ны харьяа Боловсролын хүрээлэн
Хамтран зохион байгуулагчид:
- Бүх нийт боловсролын төлөө! Иргэний нийгмийн үндэсний эвсэл
- Баян-Өлгий аймгийн Боловсрол, соёл, урлагийн газар
Хамрах хүрээ:
- Бага, дунд боловсролын үндэстний цөөнхийн хүүхдийн хос хэлний сургалтын асуудлыг авч үзэх
Хугацаа: 2020 оны 5 дугаар сарын 5-ны Мягмар гаригт
Хаана: МУИС-ийн Номын сан, 502 тоот
Эрдэм шинжилгээний хурлын илтгэлийн сэдэв, агуулгын хүрээ:
- Монгол Улсын үндэстний цөөнхийн хос хэлний боловсролын харилцааг зохицуулж буй бодлого, эрх зүйн орчин
- Хос хэлний сургалтын өнөөгийн байдал, тулгамдаж буй асуудал (хос хэлний сургалтын арга зүй, багшлах боловсон хүчин, сургалтын хэрэглэгдэхүүн, үнэлгээ гэх мэт)
- Олон улсын сайн туршлага
- Хос хэлний сургалтад орчин үеийн дэвшилтэт техник, технологийг ашиглах нь
Итгэлд тавих шаардлага:
- Сэдэв агуулгын хүрээг хамарсан, тодорхой зорилготой, цуглуулсан мэдээллийн бааз, судалгааны үр дүнд тулгуурласан байх
- Судалгааны аргыг тусгасан байх
- Илтгэлээр онол, хандлага болон арга зүй, практикийн асуудлыг дэвшүүлж, санал дүгнэлтийг тодорхой тусгасан байх
Илтгэлийн бүтцийн хувьд нь сэдэв буюу гарчиг, илтгэгчийн овог нэр, түлхүүр үг /4-5 үг/, байхын зэрэгцээ судалгааны үндэслэл, зорилго, зорилт, аргыг багтаасан оршил хэсэг, судалгаа түүний үр дүнг багтаасан үндсэн хэсэг, дүгнэлт, саналыг багтаасан дүгнэлт хэсэгтэй байна.
Илтгэл хүлээж авах:
- Илтгэлийн хураангуйг 2020 оны 03-р сарын 20-ны 17.00 цаг хүртэл BilingualismMongolia@gmail хаягаар хүлээж авна.
- Хураангуй нь илтгэлийн гарчиг, 3-5 түлхүүр үг судалгаа болон үр дүнг танилцуулсан 300 хүртэл үгтэй байна.
- Хураангуйг Microsoft Word, Arial, 10pt, мөр хоорондын зай At least 12 pt/-аар бичсэн байна.
Та бүхнийг урьж байна.
