Европын холбооны Эрасмус плас хөтөлбөрийн хүрээнд Венийн их сургуульд зарлагдсан чиглэлээр МУИС-ийн багш/ажилтан (2), магистр, докторын (1) богино хугацааны солилцооны хөтөлбөр (2021)-ийн сонгон шалгаруулалтад урьж байна.
Хөтөлбөрт хүсэлт гаргагч нь МУИС-ийн үндсэн орон тооны багш/ажилтан, магистр докторын түвшний суралцагч байх ёстой бөгөөд зөвхөн МУИС-ийн Хамтын ажиллагааны хэлтсээр (Erasmus Code: Ulaanbaatar PIC 925609309) дамжуулан хөтөлбөрт хамрагдах хүсэлт гаргана.
Венийн Их Сургуулиас зарлагдсан дараах тодорхой чиглэлээс сонгон суралцана (өөр чиглэлд хүсэлт гаргах боломжгүйг анхаарна уу). Үүнд:
Мэргэжлийн чиглэл:
- Түүх, археологи /History & Archeology/
- Герман судлал /German Studies/
- Нийгмийн антропологи /Social Anthropology/
- Улс төрийн шинжлэх ухаан, Европ судлал /Political Sciences, European Studies/
- Харилцаа холбоо судлал /Communication Studies/
- Бизнесийн ухаан/Business Studies/
Хөтөлбөрийн хугацаа, хамрагдах хүний тоо:
- Багш/ажилтан солилцоо: 5 хоног + 2 аяллын хоног (2 хүн)
- Оюутан солилцоо: 4 сар /магистр, доктор/ (1 хүн)
Хэлний мэдлэгийн шаардлага:
- Багш/ажилтан солилцооны хөтөлбөрт хамрагдах хэлний шаардлага: English C1
- Оюутан солилцооны хөтөлбөрт хамрагдах хэлний шаардлага: English В2
Венийн их сургуулийн хөтөлбөрүүдийн 80% нь герман хэл дээр явагддаг бөгөөд Герман судлалаар суралцах бол герман хэлний B2 түвшинтэй, бусад чиглэлээр суралцах бол англи хэлний В2-С1 түвшний мэдлэгтэй байхыг шаардана.
Бүрдүүлэх материал:
Оюутан солилцоо:
- Судалгааны төлөвлөгөө (Англи хэл дээр)
- Суралцаж ирээд өөрийн судалгааны чиглэлд оруулах хувь нэмрийн талаар дурдсан эссэ (Англи хэл дээр)
- Тодорхойлох захидал/Recommendation letter – 2 (Монгол хэл дээр бичигдсэн бол англи орчуулгыг хавсаргана)
- Магистр/докторын оюутан гэдгийг тодорхойлсон сургуулийн тодорхойлолт
- Дүнгийн тодорхойлолт
- Хэлний мэдлэгийг тодорхойлох батламж
- Докторын оюутан бол Венийн их сургуулийн зөвлөх багшийн зөвшөөрсөн захидал
Багш, ажилтан солилцоо:
- Солилцооны өргөдлийн маягт
- Товч танилцуулга/ CV (багшийн ажлын туршлага, бүтээлийн жагсаалт зэргийг багтаасан)
Хүсэлт хүлээн авах эцсийн хугацаа:
- Зуны семестр (2021 оны 3-р сараас 6-р сар): 10-р сарын 28 хүртэл
Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн int_rel@num.edu.mn цахим хаягаар явуулна. Хугацаа хоцорсон материал хүлээн авахгүй.
Тэтгэлгийн хэмжээ: Бүх төрлийн даатгал, нислэгийн тийзийн төлбөр, амьжиргааны зардлыг хариуцна.
Дэлгэрэнгүй мэдээллийг дараах холбоосоор нэвтэрч үзнэ үү: https://international.univie.ac.at/en/student-mobility/incoming-students/erasmus-international-mobility/requirements/#c326447
ХАМТЫН АЖИЛЛАГААНЫ ХЭЛТЭС
