МУИС, ШУА-ийн Хэл зохиолын хүрээлэнгийн хамтарсан эрдэм шинжилгээний их хэлэлцүүлэг боллоо

Share Button

Эрдмийн их хэлэлцүүлэг “Хэлний философи” сэдвээр 2020 оны 10 дугаар сарын 9-ний Баасан гарагт МУИС-ийн ШУС-ийн Хүмүүнлэгийн ухааны салбарын хурлын танхимд болов.

Хэлэлцүүлгээр дараах илтгэлүүдийг хэлэлцүүлэн, санал солилцов.

  1. “Монгол хэл шинжлэлд Хэл зохиолын хүрээлэнгийн эрдэмтдийн оруулсан хувь нэмэр” Хэл зохиолын хүрээлэнгийн Хэл шинжлэлийн салбарын эрхлэгч, дэд профессор, доктор (Ph.D) Э.Пүрэвжав
  2. “Людвиг Витгенштейний боловсруулсан хэлний философи” МУИС-ийн ШУС-ийн Хүмүүнлэгийн ухааны салбарын Философи, Шашин судлалын тэнхимийн профессор, доктор (Sc.D) Ц.Гомбосүрэн
  3. “Монгол хэлний хэвшмэл хэллэгийн утгыг танин мэдэхүйтэй холбох нь” Хэл зохиолын хүрээлэнгийн Хэл шинжлэлийн салбарын Эрдэм шинжилгээний ажилтан, доктор (Ph.D) С.Энхжаргал
  4. “Орчуулгазүйн тайлбарламж хандлага” МУИС-ийн ШУС-ийн Хүмүүнлэгийн ухааны салбарын Ази судлалын тэнхимийн дэд профессор, доктор (Ph.D) Ш.Эгшиг
  5. “Нэр томьёо ахуйн сургаалтай холбогдох нь” Хэл зохиолын хүрээлэнгийн Хэрэглээ хэл шинжлэлийн салбарын Эрдэм шинжилгээний ажилтан, доктор (Ph.D) Н.Мөнхцэцэг

Эрдмийн их хэлэлцүүлэг нь ШУА-ийн Хэл зохиолын хүрээлэнгийн “ХЭЛ ШИНЖЛЭЛ БА ОРЧИН ҮЕ” нээлттэй өдөрлөгийн үеэр болсон бөгөөд тус хүрээлэнгийн Хэл шинжлэлийн салбарын эрдэм шинжилгээний ажилтнууд болон МУИС-ийн гадаад хэлний ахьсан түвшний эрдэмтэн багш нар, докторант, магистрант нар уг хэлэлцүүлэгт оролцлоо.

МУИС-ИЙН ШУС-ийн ХУС-ын Орчуулгазүйн Профессорын баг