Европын холбооны санхүүжилттэй Эрасмус плас хөтөлбөрийн хүрээнд Венийн их сургуульд зарлагдсан мэргэжлийн чиглэлээр МУИС-ийн багш (2), магистр, докторын оюутны (1) богино хугацааны солилцооны хөтөлбөрийн сонгон шалгаруулалтын хугацаа сунгагдлаа. Хөтөлбөрт хүсэлт гаргагч нь МУИС-ийн үндсэн орон тооны багш/ажилтан, магистр докторын түвшний суралцагч байх ёстой бөгөөд зөвхөн МУИС-ийн Хамтын ажиллагааны хэлтсээр (Erasmus Code: Ulaanbaatar PIC 925609309) дамжуулан хөтөлбөрт хамрагдах хүсэлт гаргана.
Гэрээний дагуу дараах мэргэжлийн чиглэлийн багш/ажилтан болон ахисан түвшний оюутан хөтөлбөрт хүсэлт гаргана (өөр хөтөлбөрөөр суралцдаг оюутан болон өөр мэргэжлийн чиглэлийн багш нар хүсэлт гаргах боломжгүйг анхаарна уу). Үүнд:
Мэргэжлийн чиглэл:
- Түүх, археологи /History & Archeology/
- Герман судлал /German Studies/
- Нийгмийн антропологи /Social Anthropology/
- Улс төрийн шинжлэх ухаан /Political Sciences/
- Харилцаа холбоо судлал /Communication Studies/
- Бизнесийн ухаан/Business Studies/
Хөтөлбөрийн хугацаа, хамрагдах хүний тоо:
- Багш/ажилтан солилцоо: 5 хоног + 2 аяллын хоног (2 хүн)
- Оюутан солилцоо: хичээлийн нэг улирал буюу 4 сар /магистр, доктор/ (1 хүн)
Оюутан солилцоо:
Тавигдах шаардлага:
- Дээр заасан мэргэжлийн хөтөлбөрүүдийн аль нэгд идэвхитэй суралцаж буй МУИС-ийн магистр болон докторын хөтөлбөрийн оюутан байх
- Герман хэлний B2 түвшний, англи хэлний В2-С1 түвшний мэдлэгтэй байх
(Венийн их сургуулийн хөтөлбөрүүдийн 80 гаруй хувь нь герман хэл дээр явагддаг тул Герман хэлний мэдлэг шаардах хэдий ч Герман судлалаас бусад заасан чиглэлээр суралцах бол англи хэлний В2-С1 түвшний мэдлэгтэй байж болно)
Бүрдүүлэх материал:
- Тодорхойлох захидал/Recommendation letter (англи хэл дээр)
- Магистр/докторын оюутан гэдгийг тодорхойлсон сургуулийн тодорхойлолт
- Дүнгийн тодорхойлолт
- Хэлний мэдлэгийг тодорхойлох батламж
- Докторын оюутан бол Венийн их сургуулийн зөвлөх багшийн зөвшөөрсөн захидал
- Судалгааны төлөвлөгөө (Англи хэл дээр)
Оюутан солилцооны дэлгэрэнгүй мэдээллийг дараах холбоосоор нэвтэрч үзнэ үү: https://international.univie.ac.at/en/student-mobility/incoming-students/erasmus-international-mobility/
Багш, ажилтан солилцоо:
Тавигдах шаардлага:
- Дээр заасан мэргэжлийн чиглэлээр ажилладаг МУИС-ийн үндсэн орон тооны, нэгээс доошгүй жил ажилласан багш байх
- Багадаа магистрын зэрэг хамгаалсан байх
- Венийн их сургуульд 2021.10-2022.01 сарын хооронд эсвэл 2022.03-2022.06 сарын хооронд солилцоогоор ажиллах боломжтой байх
Бүрдүүлэх материал:
- Ажлын тодорхойлолт (албан тушаал, ажилласан хугацааг тусгасан)
- Солилцооны өргөдлийн маягт (татах)
- Англи хэл дээрх товч танилцуулга/ CV (багшийн ажлын туршлага, бүтээлийн жагсаалт зэргийг багтаасан)
Багш солилцооны дэлгэрэнгүй мэдээллийг дараах холбоосоор нэвтэрч үзнэ үү: https://international.univie.ac.at/en/faculty-staff-mobility/teachers/incoming-mobility/erasmus-international-teaching-mobility/
Тэтгэлгийн хэмжээ: Замын зардал буюу нислэгийн тийзийн төлбөр, амьжиргааны зардал, сургалтын төлбөрийг хариуцна.
Хүсэлт хүлээн авах хугацаа: 2021 оны 4 сарын 26 хүртэл
Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн int_rel@num.edu.mn цахим хаягаар явуулна. Хугацаа хоцорсон материал хүлээн авахгүй.
ХАМТЫН АЖИЛЛАГААНЫ ХЭЛТЭС
