МУИС болон Азийн хөгжлийн сангийн хооронд байгуулсан хамтын ажиллагааны гэрээний дагуу Азийн хөгжлийн сангийн тэтгэлгийг зарлаж байна.
Тэтгэлгийн зорилго: Азийн хөгжлийн сан нь сургалт, эрдэм шинжилгээний ажлыг дэмжин хөгжүүлэх ерөнхий зорилгын хүрээнд МУИС-д суралцаж буй идэвхтэй, сурлага сайтай, сургалтын төлбөрийн дэмжлэг шаардлагатай суралцагчдыг дэмжих зорилготой.
Тэтгэлэгийн хүрээ: Жил бүр бакалаврын түвшний суралцагчдад тэтгэлэг олгодог. Энэ хичээлийн жилд 15 суралцагч үргэлжлүүлэн тэтгэлгээ авах болзлыг хангасан бөгөөд Шинээр тэтгэлэгт тэнцсэн 1 суралцагч нь шаардлага хангасан тохиолдолд төгсөх хүртэл нь тэтгэлгийг олгох юм. Анхан шатны сонгон шалгаруулалтыг МУИС хийж, тэтгэлгийн эцсийн шатны шалгаруулалтыг Азийн хөгжлийн сан хийх болно.
Тэтгэлэгийн хэмжээ: 500 ам. доллар
Шалгаруулах суралцагчийн тоо:
- ШУС-ХУС, НУС-д суралцаж буй 1 суралцагч
Тайлбар: МУИС-аас 3 суралцагч шалгаруулж эцсийн шатны шалгаруулалтыг АХС-аас хийж 1 суралцагч шалгарна.
Тэтгэлэгт тавигдах шаардлага:
- МУИС-ийн ШУС-ХУС, НУС-д бакалаврын идэвхтэй суралцаж буй 3-р түвшний суралцагч байх,
- Сурлагын голч дүн 3.2 буюу түүнээс дээш байх,
- Бусад эх үүсвэрээс тэтгэлэгт хамрагдаагүй байх,
- Сургалтын төлбөрийн дэмжлэг шаардлагатай суралцагч байх,
Бүрдүүлэх бичиг баримтын жагсаалт:
- Хүсэлт гаргах анкет /загварын дагуу/ татах (бичих шаардлагатай хэсгийг 1 нүүр бүтэн бичих)
- Албан ёсны дүнгийн тодорхойлолт /англи, монгол хэл дээр/ тамга шаардлагагүй
- Амжилтыг гэрчлэх бичиг баримтын хуулбар /оюутан байх үеийн амжилт, нийгмийн идэвх, оролцоо/
- Сургалтын төлбөрийн дэмжлэг шаардлагатай байгааг тодорхойлсон баримт (Өрхийн орлогын тодорхойлолт болон бусад баримтууд)
Материал хүлээн авах хугацаа:
2023 оны 09 дүгээр сарын 29-ны 12:00 цаг хүртэл СиСи системээр бүртгүүлж, тэтгэлгийн бүрдүүлэх бичиг баримтыг МУИС-ийн Багш, оюутны хөгжлийн төв байрны 306 тоот өрөө, Оюутны хөгжлийн төвд хүлээлгэн өгснөөр бүртгэл баталгаажна.
Хугацаа хоцорсон материал хүлээн авахгүй болохыг анхаарна уу.
Мэдээлэл авах утас: 77307730-1514, enkhtaivan_ts@num.edu.mn
ОЮУТНЫ ХӨГЖЛИЙН ТӨВ
