2022 оны 5 дугаар сараас 11 дүгээр сар хүртэл хугацаанд МУИС-ийн оюуны өмчийг эдийн засгийн эргэлтэд оруулах, инновацын судалгааны ажил, төсөл хөтөлбөрүүдийг зах зээлийн эрэлт, хэрэгцээтэй уялдуулах, их сургууль-аж үйлдвэрийн хамтын ажиллагаанд багш оюутны оролцоог идэвхижүүлэх, гарааны компани байгуулахад дэмжлэг үзүүлэх зорилготой “Багш, оюутны стартап-2022” (NUM Startup 2.0) хөтөлбөрийг 6 дах жилдээ амжилттай хэрэгжүүлсэн ба өнөөдөр тус хөтөлбөрийн үр дүнг дүгнэж, гарааны компанийн төслүүдэд гарааны тэтгэлэг олгох шалгаруулалтыг зохион байгууллаа.
“Багш, оюутны стартап-2022” хөтөлбөрийн хэрэгжилтийн хүрээнд зохион байгуулдаг сургалт, менторын үйл ажиллагаанд ШУС-ийн БУС-ын Биологийн тэнхимийн профессор Л.Ариунцэцэг удирдагчтай “Orchid” баг Биотехнологийн төсөл, Газарзүйн тэнхимийн дэд профессор Д.Амартүвшин удирдагчтай “Planet Mongolia” баг Аялал жуулчлал, амьтан судлал багтаасан гар утасны аппликейшн төсөл, ШУС-ийн НУС-ын Социологи, нийгмийн ажлын тэнхимийн профессор О.Мөнхбат удирдагчтай “NUM KNOWLEDGE” баг Боловсролын үйлчилгээний технологи хөгжүүлэх төсөл; Б.Нандинцэцэг удирдагчтай “Кolor” баг KOLOR” хүүхдийн сэтгэл хөдлөлөө удирдах ур чадварыг хөгжүүлэх ухаалаг утасны апликейшн хөгжүүлэх төсөл, ХШУИС-ийн Электроник, холбооны инженерчлэлийн тэнхимийн дэд профессор Д.Болормаа удирдагчтай “IOTA” баг IOT-ыг гэрийн автоматжуулалтад ашиглах төсөл; дэд профессор Э.Пүрэвдалай удирдагчтай “M-Col” баг Нарны дулааны коллекторын систем ба удирдлага автоматжуулалт төсөл, доктор Р.Амартүвшин удирдагчтай “AirQ” баг Агаарын чанараас хамаарч агааржуулалтын системийг автоматжуулах төсөл, ХБООИТ-ийн дэд профессор Т.Энхдөл удирдагчтай “Aminate” баг Хөдөө аж ахуйн бүтээгдэхүүнээс даавуун материал үйлдвэрлэх төсөл нийт 8 багийн 55 багш, оюутан оролцсон ба зохион байгуулагчаар МУИС-ийн Инновац, технологи дамжуулах төв, хөтөлбөрийн үйл ажиллагааны ивээн тэтгэгчээр Рио Тинто Монгол ХХК ажиллалаа.
Шалгаруулалтын бүрэлдэхүүнд Рио Тинто компанийн Монгол дах Харилцаа, хамтын ажиллагаа хариуцсан захирал Б.Даваасүрэн, MStars Hub Гүйцэтгэх захирал Ч.Даваажамц, Сократус Стартап Студио ХХК-ийн захирал А.Мөнхцог, ОӨГ-ийн шинэ бүтээлийн ахлах шинжээч, ДОӨБ-ын ТИСК хөтөлбөрийн зохицуулагч Б.Одгэрэл, Нийслэлийн Бизнес, инновац хөгжлийн газрын дарга Б.Бат-өлзий, Инновацын төв, гарааны бизнесийн хэлтсийн дарга Г.Жаргалмаа, Нийслэлийн өмчит Улаанбаатар хөрөнгө оруулалт, менежмент ҮЦК ХХК-ийн Хөрөнгө оруулалтын хэлтсийн дарга О.Мөнхнасан нар уригдан ажиллалаа.
Шалгаруулалтад оролцож буй төслүүдийн шинэлэг байдал, шинжлэх ухааны багтаамж, мэдлэг шингэсэн давуу байдал, тухайн салбарын тулгамдсан асуудлыг хэрхэн шийдвэрлэсэн, зах зээлд тогтвортой байрших боломж, нийгэм, эдийн засгийн үр ашгийн тооцоолол зэрэг үзүүлэлтээр оноо өгч нэгдсэн дүнгээр үнэлгээ өгч байр эзлүүллээ.
Шалгаруулалтын нэгдсэн дүнгээр:
1-р байрт ХШУИС, Электроник, холбооны инженерчлэлийн тэнхимийн дэд профессор Э.Пүрэвдалай удирдагчтай “M-Col” баг “Нарны дулааны коллекторын систем ба удирдлага автоматжуулалт төсөл” (гарааны тэтгэлэг-12 сая ₮)
2-р байрт ХШУИС, Электроник, холбооны инженерчлэлийн тэнхимийн дэд профессор Д.Болормаа удирдагчтай “IOTA” баг баг “IоT-ыг гэрийн автоматжуулалтад ашиглах төсөл” (гарааны тэтгэлэг- 10 сая ₮)
3-р байрт ХШУИС, Электроник, холбооны инженерчлэлийн тэнхимийн доктор Р.Амартүвшин удирдагчтай “AirQ” баг “Агаарын чанараас хамаарч агааржуулалтын системийг автоматжуулах төсөл” (гарааны тэтгэлэг- 8 сая ₮)
Хөтөлбөрт оролцсон багийн хамт олон, хамтрагч байгууллагуудад ажлын өндөр амжилт хүсье.
