Г.В. Плехановын нэрэмжит Оросын Холбооны Улсын Эдийн засгийн их сургуулийн (хуучнаар Улс ардын аж ахуйн дээд сургууль) 105 жилийн ой энэ хоёр дугаар сард тохиосон юм. Энэхүү ойд зориулж “Новости Монголии” сонины энэ оны №7,8 дугаарт тус сургуулийг дүүргэсэн Монгол төрийн зүтгэлтнүүд, яамдын сайд, дэд сайд, УИХ-ын гишүүн зэрэг шилдэг 12 төгсөгчийн намтрыг нийтэлсний дотор МУИС-ийн Худалдааны сургуулийн захирлын үүрэг гүйцэтгэгч профессор Ж.Октябрь оржээ. Өөрийн орондоо төдийгүй дэлхийд томоохонд ордог энэ сургуулийг өнгөрсөн 70 гаруй жилийн хугацаанд манай улсаас 500 шахам хүн төгссөн байна.
