ШУС-ийн ХУС-ын Монгол хэл, хэлшинжлэлийн тэнхим Нийслэлийн аялал жуулчлалын газартай хамтран монгол хэлний бэлтгэл ангид суралцаж буй оюутнуудад Улаанбаатар хотыг танилцуулах, монголчуудын түүх, уламжлалт шашин, соёлыг үзүүлж таниулах зорилгоор Улаанбаатар хотын аяллыг 5 сарын 17-нд зохион байгууллаа.
Аялалд монгол хэлний бэлтгэл ангид суралцдаг 10 гаруй орны 31 гадаадын оюутан оролцож Улаанбаатар хотын түүхэн дурсгалт газартай танилцахаас гадна, Астро паркийн оддын театрт гайхамшигт сансар огторгуйн тухай кино, Цонжин Болдогт Монголын Эзэнт гүрний музей болон Чингис хааны морьтой хөшөө үзэж, нэг өдрийг дурсамж дүүрэн сайхан өнгөрөөлөө. Аяллын хөтөлбөр маш сонирхолтой бөгөөд олон сайхан зүйл үзэж мэдсэндээ маш их баяртай байгаагаа оюутнууд илэрхийлж байлаа.
Ташрамд дурдахад, манай оюутнуудад үнэ төлбөргүй үйлчилсэн Нийслэлийн аялал жуулчлалын газрын хамт олонд талархсанаа илэрхийлж ажлын өндөр амжилт хүсэн ерөөе!
