Үндэслэл: “Дэлхийн хөрс судлалын холбоо” болон Нэгдсэн Үндэсний Байгууллагын Хүнс, хөдөө аж ахуйн байгууллага /ХХААБ/ хамтран 2012 оноос “Дэлхийн хөрсний өдөр”-ийг жил бүрийн 12-р сарын 5-ны өдөр тэмдэглэж байх санаачлагатай холбогдуулан уг эрдэм шинжилгээний хурлыг хөрс судлалын тодорхой сэдвийн хүрээнд жил бүр уламжлал болгон зохион байгуулж ирсэн.
Энэ жилийн хувьд “Монгол орны хөрс судлал-2024” эрдэм шинжилгээний бага хурлыг “Хөрс хамгааллын бодлого, хөрсний тогтвортой менежмент” сэдвийн хүрээнд 2024 оны 12 дугаар сарын 5-ны өдөр Монгол Улсын Их Сургууль, Хөдөө аж ахуйн их сургууль, ШУА-ийн Газарзүй геоэкологийн хүрээлэн, Монголын хөрс судлалын холбоо, БОУАӨЯ, ХХААХҮЯ зэрэг байгууллагууд хамтран зохион байгуулахаар төлөвлөж байна.
Зорилго: Манай орны хөрс хамгаалах бодлого, хууль тогтоомжийн хэрэгжилт, хөрсний мониторинг, хөрсний мэдээллийн сан, хөрсний дижитал зураглал, хөрсний доройтол болон бохирдол, бэлчээр болон тариалангийн хөрсний элэгдэл, хөрс нөхөн сэргээх технологи зэрэг эрдэм шинжилгээ, судалгааны арга зүй, үр дүн хэлэлцэх, туршлага солилцох, хөрс хамгаалах, газрын доройтлыг тэглэхэд төр засгаас баримталж буй бодлого шийдвэрт хөрсний тогтвортой менежментийн ач холбогдолыг ойлгуулах, зөвлөмж хүргүүлэх нь уг хурлын үндсэн зорилго оршино.
Хуралд тавигдах илтгэлийн ерөнхий чиглэл:
- Монгол орны хөрс судлалын шинжлэх ухааны чиг хандлага
- Монгол орны хөрсний үржил шим, эрүүл ахуй, чанарын өөрчлөлт
- Монгол орны хөрсний доройтол, бохирдол, нөхөн сэргээх технологи
- Монгол орны тариалан, бэлчээр, газрын сангийн хөрсний мониторинг
- Хөрс хамгаалал, бордоо үйлдвэрлэлийн эрх зүйн орчин
Хурал болох газар, хугацаа:
- Монгол Улсын Их Сургуулийн Номын сан 502 тоот хурлын танхим
- Дэлхийн хөрсний өдөр буюу 2024 оны 12 дугаар сарын 5-ны өдөр
Илтгэл хүлээж авах хугацаа: Илтгэлийн сэдэв болон хураангуйг Mircosoft Word файл хэлбэрээр 2024.12.02 өдөр хүртэл b_batdelger@num.edu.mn хаягаар хүлээн авна.
Холбоо барих:
Б.Нямдаваа, МУИС-ийн ШУС, Газарзүйн тэнхим
Утас: 80102243
И-мэйл: nyamdavaab@num.edu.mn
Б.Батдэлгэр, МУИС-ийн ИТС, Хүрээлэн буй орчин, ойн инженерчлэлийн тэнхим
Утас: 99043398
И-мэйл: b_batdelger@num.edu.mn
Loading...
Reload document 
Open in new tab 