Оюутны хөгжлийн газраас 2025-2026 оны хичээлийн жилд МУИС-д суралцаж буй гадаад суралцагчдад сургуулийн орчин, сургалтын үйл явц, оюутны үйлчилгээний тухай мэдээлэл өгөх зорилгоор “Чиглүүлэх өдөрлөг”-ийг холбогдох газар, нэгжтэй хамтран зохион байгууллаа. Тус өдөрлөгт ОХУ, БНХАУ, БНСУ, БНПУ, Япон, БНАЛАУ, БНЧУ, БНУУ-ын нийт 60 орчим суралцагч оролцов. Өдөрлөгөөр:
- Оюутны үйлчилгээ (ОХГ)
- Суралцагчдад олгох Монгол Улсын виз, оршин суух зөвшөөрлийн мэдээлэл (ОХГ, ГИХГ)
- Монгол хэлний бэлтгэлийн сургалт, үнэлгээ (МХХШТ)
- Хичээл сонголт, сиси систем, сургалтын журмын талаар (СХЧБГ)
- Номын сангийн үйлчилгээ (Номын сан)
- Оюутны клубуудын танилцуулгыг тус тус танилцууллаа.
Мөн өдөрлөгийн үеэр “Хөгүлүн” клубийн авьяаслаг оюутнууд монгол үндэсний хөгжмөөр ая дууны мэндчилгээ хүргэв.
Энэ удаагийн “Чиглүүлэх өдөрлөг”-ийн онцлог нь гадаад суралцагчдыг сонирхлынх нь дагуу клубт элсэх боломжоор хангасан бөгөөд Artemisia (уран зургийн клуб), One family (УТСОУНУС-ийн дэргэдэх гадаад оюутны клуб), NUM photography (гэрэл зургийн клуб), Газарзүйн тэнхимийн дэргэдэх клубүүд танилцуулга хийж, суралцагчдыг элсүүлж авлаа.
Оролцогчдод МУИС-ийн брэндийн дурсгалын зүйл гардуулснаар тус үйл ажиллагаа өндөрлөсөн юм.
ОЮУТНЫ ХӨГЖЛИЙН ГАЗАР
