“ХДХВ, ДОХ-ын асуудалд анхаарал хандуулах дэлхийн өдөр”-ийг тохиолдуулан МУИС-ийн Оюутны хөгжлийн газар, МУИС-ийн эмнэлэг, МУИС-ийн дэргэдэх Залуучуудын улаан загалмай клубээс Халдварт өвчин судлалын үндэсний төв болон Сүхбаатар дүүргийн эрүүл мэндийн төвтэй хамтран 2025 оны 12 дугаар сарын 1-ний өдөр МУИС-ийн оюутан суралцагчдадаа “Нөхөн үржихүйн эрүүл мэндийн өдөрлөг”-ийг зохион байгуулж ажиллав.
Тус өдөрлөг нь МУИС-ийн хичээлийн II байрны 2 давхарт 10:00-15:00 цагийн хооронд зохион байгуулагдаж өдөрлөгийн хүрээнд нийт 500 гаруй тооны эрсдэлээс хамгаалах хэрэгсэл үнэ төлбөргүй тараалаа.
Мөн өдөрлөгийн хүрээнд МУИС-ийн хичээлийн II байранд 12:30 цагт “Нөхөн үржихүйн эрүүл мэнд ба ДОХ, ХДХВ, БЗДХ-ын эрсдэлээс урьдчилан сэргийлэх” талаар сургалт мэдээллийг Халдварт өвчин судлалын үндэсний төвийн холбогдох албаны эмч мэргэжилтэн хийсэн бол Багш, оюутны хөгжлийн төвд 16:00 цагаас “ХДХВ, ДОХ-ын талаарх мэдлэг, мэдээллийг нэмэгдүүлэх” чиглэлээр Сүхбаатар дүүргийн эрүүл мэндийн төвийн мэргэжилтэн сургалт хийж, мэдээлэл өгч ажиллаа.
Эрүүл мэндэд анхаарч, өдөрлөгт хамрагдсан суралцагчдадаа баярлалаа.
ОЮУТНЫ ХӨГЖЛИЙН ГАЗАР
