МУИС-ийн гадаад оюутнууд болон Эм Си Эс группийн тэтгэлэг хүртсэн Монгол оюутнуудын хамтарсан баг 5 дугаар сарын 5нд Богд Хан уулын баруун ширээт оргилд гарч хийморио сэргээлээ. Уг аялалд нийт 30 хүн оролцсон бөгөөд 9 км замыг туулсан юм. Энэ өдөр оюутнууд маань бие биетэйгээ танилцан, санал бодлоо хуваалцахын сацуу бэлдсэн өдрийн хоолоо нэг нэгэндээ сонирхуулж, хамтдаа хөгжөөнт тоглоом тоглолоо. Шалгалтандаа бэлдэж эхлэхээс өмнө болсон энэ аялал маань оюутнуудын сэтгэлийг сэргээж толгойг нь амраалаа.
