МУИС-ийн ХЗС-ийн 3 дугаар дамжааны оюутан Тодын Чандмань БНХАУ-д 2013 оны 6 дугаар сарын 2-оос 2013 оны 6 дугаар сарын 5-ны хооронд Олон улсын Хуулийн сургуулиудын оюутнуудын чуулга уулзалтанд оролцоод ирлээ.
Уг форум нь
– Эрх зүй ба дэлхий
– Эрх зүй ба хүний эрх
– Эрх зүй ба боловсрол
– Эрх зүй ба худалдаа
– Эрх зүй ба нийгэм сэдвүүдээр салбар хуралдаануудад хуваагдан явагдлаа.
ХЗС-ийн оюутан Т.Чандмань Эрх зүй ба нийгэм салбар хуралдаанд илтгэл тавьж хэлэлцүүлсэн нь хуралдаанд оролцогсдын анхаарлыг татсан юм.
Ийнхүү Монгол улсаас анх удаа МУИС-ийн ХЗС-ийн оюутан Т.Чандмань “Хуулийн сургуулиудын оюутнуудын олон улсын форум”-д оролцсоноор дараа дараагийн оюутнуудад замыг нь нээж өгсөн сайхан үйл явдал боллоо.
Оюутан Т.Чандманийг ХЗС-ийн захирал, проф.Д.Солонго хүлээн авч уулзаж талархан илэрхийлэн цаашдын эрдэм судлалын ажилд нь амжилт хүссэн ерөөлийн сайхан үгээр мялаалаа.
