МУИС-ийн Худалдааны сургууль, АНУ-ын “Виржиния” Олон улсын их сургууль (Virginia International University) хооронд хамтран ажиллах баримт бичгүүдэд (Memorandum of Understanding, Academic Collaboration) хоёр сургуулийн удирдлага саяхан Вашингтон хотноо гарын үсэг зурснаар цаашдын хамтын ажиллагааны эхлэл тавигдав. Виржиния олон улсын их сургуульд дэлхийн 60 гаруй орны оюутан залуус эдийн засаг, бизнес, маркетинг, хүний нөөцийн удирдлага, мэдээллийн технологи, англи хэл судлал, санхүү бүртгэл зэрэг орчин үеийн мэргэжлээр суралцан бакалавр, мастерын түвшинд боловсрол эзэмшдэг байна. Гэрээнд гарын үсэг зурснаар багш, оюутан солилцоог идэвхжүүлэх, монгол оюутнууд суралцаж буй сургуулиасаа кредитээ шилжүүлэн Виржиния их сургуульд үргэлжлүүлэн суралцах буюу цахим сургалтанд хамрагдаж их сургуулийн диплом авах, англи хэлний анхан шатаас эхлэн Академик сургалтанд бэлтгэх таван төвшний хөтөлбөрт хамрагдах боломж нээгдэж байгаа юм.
