Төрийн хэлний бодлогыг дэмжих, эх хэлний хөгжлийн тогтвортой байдал, зөв хэрэглээг төлөвшүүлэх, үгсийн сангийн бүрэн бүтэн байдлыг хангах хамгаалах, нийт иргэдийн эх хэлээрээ цэвэр тод, уран яруу ярих бичих, найруулах дадлыг бий болгох зайлшгүй хэрэгцээ шаардлагад үндэслэн монгол хэлний онлайн тайлбар толь бичиг хийх, түүний хэлшинжлэлийн онол, практикийн асуудлыг боловсруулах, Монгол улсын нийт иргэдэд интернэтийн сүлжээгээр буюу онлайн орчинд үнэ төлбөргүй ашиглуулах чиглэлд хамтран ажиллахаар Шинэ Бодлого Хүрээлэн, МУИС-ийн Монгол Хэл,Соёлын Сургууль, МУИС-ийн Монгол Судлалын Хүрээлэн зэрэг байгууллагууд хамтын ажиллагааны санамж бичигт 2013 оны 06 дугаар сарын 12-ны өдөр гарын үсэг зурсан байна.
