Бүгд Найрамдах Чех Улсын Боловсрол, залуучууд, биеийн тамирын яамнаас слав судлалын чиглэлээр суралцаж буй оюутнуудыг дэмжих зорилгоор БНЧУ-д зохион байгуулагдах слав судлалын зуны сургалтын хөтөлбөрийг зарлалаа. Хоёр улсын засгийн газар хоорондын гэрээний дагуу Монгол улсаас 3 оюутныг уг зуны сургалтад тэтгэлгээр суралцуулна.
Сургалт Карлын их сургуулийн гүн ухааны факультетэд явагдах бөгөөд 2014 оны 7 дугаар сарын 25-наас 8 дугаар сарын 22-ныг дуустал үргэлжилнэ.
Слав судлалын зуны сургалтад тэтгэлгээр суралцах хүсэлтэй сонирхогчид дэлгэрэнгүй мэдээллийг эндээс авна уу.
Бүрдүүлэх материал:
– Хөтөлбөрийн өргөдлийн маягт Өргөдлийн маягт
– Сургалын албаар баталгаажуулсан дүнгийн тодорхойлолт /англи эсвэл слав хэл дээр байх/
– Гадаад паспортын хуулбар
Хөтөлбөрт хамрагдах сонирхолтой оюутнууд дурдсан бичиг баримтыг бүрдүүлэн Слав судлалын тэнхимд (МУИС-ийн 2-р байр 476 тоот өрөө) 3 дугаар сарын 10-ны дотор бүртгүүлнэ үү.
ОЮУТАНД ҮЙЛЧЛЭХ ТӨВ
