МУИС-ийн гадаад оюутнууд орон орныхоо үндэсний соёлыг танилцууллаа

Share Button

МУИС-ийн Сургалтын алба, Оюутны Холбооны хамтран зохион байгуулсан “Олон улсын соёлын өдөр”-т МУИС-д суралцаж буй Лаос, Ветьнам, Өмнөд Солонгос, Хойд Солонгос, Хятад, ОХУ, Польш болон Монгол гэсэн 9 орны оюутан залуус оролцож үндэснийхээ гоёлоор гангарч, улс орныхоо тив дэлхийгээс ялгарах цор ганц шинжийг агуулсан ардын, уламжлалт үзүүлбэрүүдийг болон нэрийн хоолыг бэлтгэн ирж арга хэмжээг зорин ирсэн үзэгч, зочдод хийгээд нөхдөдөө танилцууллаа.

IMG_3264

IMG_3292

Энэ үеэр орон орны хоолноос гадна уламжлалт тоглоом наадгай, түүхэн бэлгэдэлт эдлэл хэрэгслүүд худалдаалагдсан. Үйл ажиллагааны үндсэн хэсэг болох урлаг соёлын үзүүлбэрүүдээ багагүй хугацаанд сэтгэл зүтгэл гарган бэлдсэн харагдсан. Онцолбол Лаос улсаас оролцож буй оюутан “Жирийн монгол охин” дууг монгол хүнээс ялгарахааргүй сайн хэллэгтэй аялгуулсан юм. Мөн дуу, зохиомж хослуулсан ОХУ, нутаг орноо санагалзсан сэтгэл мэдрэмжийг бусдад өгсөн Ветьнам дуучин охин гээд үзүүлбэр бүрт хэлэх үг орших олон авьяастнууд бидэнтэй мөр зэрэгцэн суралцаж буй ажээ.

Өнөөдрийн арга хэмжээг зөвхөн тэмдэглэх төдийд бус ирц, оролцоо, хичээл зүтгэлийг нь үнэлэн дүгнэж байр эзлүүлэн бяцхан урамшуулал олгожээ. Үүнээс олон хүний бүрэлдэхүүнтэй хүрэлцэн ирэхдээ үндэснийхээ хувцсаар гоёж, олон нэр төрлийн хоол бэлтгэсэн, мөн мэндчилгээ, урлагийн тоглолтод өндөр оноо авсан зэрэг үзүүлэлтийг нэгтгэн үзэхэд Лаос улсын оюутнууд Тэргүүн байранд шалгарчээ. Аман хүзүүнд МУИС-ийн талбайд төрийн далбаагаа мандуулж, дууллаа эгшиглүүлсэн ОХУ, удаах байрыг бидний өмнөд хөрш БНХАУ-ын оюутнууд тус тус эзэлсээн. 

МУИС нь үндэсний их сургууль болохынхоо хувьд олон улсаас элсэн суралцагчдын тоог нэмэгдүүлэхдээ одоо суралцаж буй оюутнууддаа чиглэсэн бодлого хэрэгжүүлэхээс эхлэх хэрэгтэй гэсэн бодол төрсөн ч өнөөдрийн арга хэмжээ оюутан бүрт инээд бэлэглэсэн хором мөчийг тэдний МОНГОЛД гэх дурсамжид нь хадгалуулж чадсанаараа бахдам байлаа.

Орон орны хоолноос амтлах цаг
IMG_3074

IMG_3179

IMG_3188

Урлагийн тоглолт

IMG_3111

IMG_3126

IMG_3139

IMG_3166

IMG_3193

IMG_3202

IMG_3208

IMG_3260

PicMonkey Collage

Сул хараатай иргэдэд
зориулсан хувилбар
Энгийн хувилбар