МУИС болон БНСУ-ын Данкүүк их сургуулийн хооронд байгуулсан хамтын ажиллагааны гэрээний хүрээнд 2016-2017 оны хичээлийн жилийн хаврын улиралд тус сургуулийн оюутан солилцооны хөтөлбөрт хамрагдахыг урьж байна.
Солилцооны хөтөлбөрийн хүрээнд оюутнууд 12-19 багц цагийн Солонгос хэлний хичээл эсвэл Олон улсын бизнесийн удирдлага болон мобайл системийн инженерийн хөтөлбөрүүдийг англиар судлах боломжтой.
Шаардлага :
- МУИС-ийн 1,2,3 дугаар түвшиний оюутан байх
- Голч оноо 3.0 болон түүнээс дээш байх
- Англи эсвэл Солонгос хэлний мэдлэгтэй байх
- Харилцааны соёлтой, нээлттэй, олон нийтийн ажилд идэвхитэй оролцдог байх
Бүрдүүлэх материалууд :
- Албан ёсны дүнгийн хуулбар
- Сургуулийн тодорхойлолт
- Сургуулиас дэмжсэн захиа-2 (Recommendation letter)
- Суралцах төлөвлөгөө
- 3.5*4.5 хэмжээтэй 3 ширхэг өнгөт цээж зураг (чих болон хөмсөг гарсан байх)
- Гадаад паспортын хуулбар
- Уушигны рентген зураг /X-ray/ авахуулсан байх.
Тэтгэлэг :
Сургалтын төлбөр, дотуур байрны зардлаас чөлөөлж, сар бүр 50,000 воны стипенд олгоно.
Ном, сурах бичиг, онгоцын тийз болон амьжиргааны бусад зардлыг хариуцахгүй.
Өргөдөл хүлээн авах эцсийн хугацаа: 2016 оны 10 дугаар сарын 25-ны мягмар гараг 15.00 цаг.
Хаана: МУИС-ийн 1-р байр 219 тоот өрөө Оюутны алба
Бүрдүүлсэн материалуудаа pdf файл болгон дараах хаягаар илгээнэ үү. studentaffairs@num.edu.mn
ОЮУТНЫ АЛБА