Монгол Улсын Их Сургуулийн Оюутны Холбоо, Оюутан конгрессийн ээлжит хуралдаанд Оюутны холбооны Тэргүүн Г.Мандах, Дэд тэргүүн Э.Тэмүүжин, Б.Идэржавхлан, Оюутны холбооны ЕНБД П.Галбадраг, Оюутан Конгресс-ийн ХЗ Г.Ариунзаяа, М.Нямжаргал, Ц.Заяабаяр, ШУС-БУС, НУС, ХУС, ХШУИС, БС, ОУХНУС, ХЗС-ын төлөөлөл тус тус 11 оюутан, КЗ-ийн төлөөлөл 11 оюутан, НДБ-ны төлөөлөл 11 оюутан, Орхон салбарын төлөөлөл 11 оюутан, Завхан сургуулийн төлөөлөл 11 оюутан, МУИС-ийн 7 салбар сургуулийн тэнхимийн төлөөлөл нийт саналын эрхтэй 124 гишүүн оролцох ёстойгоос 102 саналын эрхтэй гишүүд буюу 82 хувийн ирцтэйгээр дараах хөтөлбөрийн дагуу чууллаа.
Үүнд:
1. Саналын хуудас олгох- Саналын эрхтэй гишүүдийг батлах
2. Нээлт- Хуралдааны нээлт
3. Тайлан- Оюутны холбооны 2018 оны үйл ажиллагааны тайлан
4. Хурлын дэг батлах- Хурлын дэг, тооллогын комисс батлах
5. Журам батлах- Оюутны холбооны журмыг батлах
6. Завсарлага- Цайны цаг
7. Мөрийн хөтөлбөр- Нэр дэвшигчдийн мөрийн хөтөлбөр
8. Санал хураалт- Оюутны холбооны тэргүүнд нэр дэвшигчийн хаалттай санал хураалт
9. Хяналтын зөвлөл батлах- Хяналтын зөвлөлийн 5-н гишүүнийг сонгох батлах
10. Удирдлагын бүтцийг томилох- Дэд тэргүүн, ЕНБД-ийг томилох
11. Хаалт- Хуралдааны хаалт
2018-2019 оны Оюутны Холбоо, Оюутан конгрессийн тэргүүнээр 26 дахь тэргүүн, МУИС-ийн БС-ийн маркетингийн хөтөлбөрийн 3-р түвшний оюутан Ганзоригийн Мандах 76%-ийн саналаар дахин сонгогдлоо.
Энэ удаагийн чуулганы онцлох үйл явдал нь журмын шинэчилсэн хувилбар буюу оюутны холбооны тэргүүн нийт оюутнуудаас сонгогддог болох систем рүү шилжиж чадлаа. Тус шинэчлэлийг дараах байдлаар харж болно.
3.2. Оюутны холбооны удирдлага болон тэргүүлэгчдийг сонгох
3.2.1. МУИС-ийн Оюутны Холбооны ээлжит болон ээлжит бус хурлаар батлагдсан оюутны холбооны тэргүүнд нэр дэвшигчийг сонгохдоо МУИС-ийн идэвхитэй суралцаж буй нийт оюутнуудаас нууц санал хураалт явуулан сонгох бөгөөд хамгийн олон санал авсан нэр дэвшигч тэргүүнээр сонгогдоно.
3.2.3. Оюутны холбооны тэргүүн болон нэр дэвшиж буй оюутнууд дараах шаардлагыг хангасан байна. Үүнд
3.2.3.1 Сурлагын голч оноо 2.8 болон түүнээс дээш байх,
3.2.3.2 Идэвхтэй суралцаж буй төлөвтэй байх,
3.2.3.3 Сонгууль явах үед төгсөх түвшний оюутан биш байх,
3.2.3.4 Нийгмийн идэвхтэй, хариуцлагатай байх,
3.2.3.5 Оюутны холбооны удирдлага болон салбар зөвлөлүүдийн дарга нарын үүрэгт ажлаар 1 жил болон түүнээс дээш хугацаанд ажилласан байх
МУИС-ийн Оюутны Холбоо, Оюутан Конгресс
