МУИС-ийн ОУХНУС-ийн Төрийн удирдлагын хөтөлбөрийн “ШИЛДЭГ ОЮУТАН” шалгаруулах үйл ажиллагаа 2018 оны 12 дугаар сарын 21-ний өдөр амжилттай зохион байгуулагдлаа. Нийтийн удирдлагын тэнхимийн эрхлэгч Проф. Др. Н.Бурмаа нээж олон нийтийн үйл ажиллагаанд идэвхтэй оролцсон 23 оюутанд батламж гардуулав. МУИС-ийн ОУХНУС-ийн Төрийн удирдлагын хөтөлбөрийн 2018 онд оюун ухаан, эрдэм мэдлэг, хичээл зүтгэл, идэвх оролцоогоороо манлайлсан нэр бүхий оюутнууд Төрийн удирдлагын хөтөлбөрийн “ШИЛДЭГ ОЮУТАН”-аар шалгарав.
2-р түвшний оюутан Цэвээндорж овогтой Алтансүх,
3-р түвшний оюутан Ганбаатар овогтой Нямсүрэн,
4-р түвшний оюутан Батболд овогтой Ганцэцэг нар тус тус шалгарлаа.
Шилдэг оюутнууддаа Төрийн удирдлагын хөтөлбөрийн нийт багш, оюутнуудын өмнөөс мэдлэг оюуны өндөр амжилтыг хүсэн ерөөе. Энэхүү үйл ажиллагааны хүрээнд төрийн удирдлагын хөтөлбөрийн оюутнуудад зориулан Шинжлэх Ухааны Доктор Ц.Баатар “Даяаршил ба хувь хүн” сэдвээр сонирхолтой лекц уншлаа.
Нийтийн удирдлагын тэнхим
