Бүгд Найрамдах Чех Улсын Боловсрол, залуучууд, биеийн тамирын яамнаас слав судлалын чиглэлээр суралцаж буй суралцагчид, слав хэлийг судалдаг төгсөгчид, ажилтан албан хаагчдыг дэмжих зорилгоор БНЧУ-д зохион байгуулагдах слав судлалын зуны сургалтын хөтөлбөрийг зарлаж байна.
Тэтгэлгийн зорилго: Хоёр улсын засгийн газар хоорондын гэрээний дагуу МУИС-аас дэвшүүлсэн нийт 3 хүнийг уг зуны сургалтад тэтгэлгээр хамруулах бөгөөд өгөгдсөн орон тооноос гадна хувиараа төлбөрөө төлөх боломж мөн нээлттэй байна. Тэтгэлэг дараах гурван их сургуулиудад зарлагдсан байна:
- Карлын их сургуулийн харъяа Подебради хот дах Хэл, бэлтгэл сургалтын институт (зуны сургалтын хугацаа: 2019 оны 7 сарын 1-26-ны өдрүүд)
- Плзендэх Баруун Бохемийн их сургуулийн Хэрэглээний хэл шинжлэлийн институт (зуны сургалтын хугацаа: 2019 оны 7 сарын 6-26-ны өдрүүд)
- Ческе Будеёвицэ дэх Өмнөд Бохемийн Их Сургуулийн Урлагийн Факультет (зуны сургалтын хугацаа: 2019 оны 8 сарын 18-ноос 9 сарын 9-ний хооронд)
Тэтгэлэгт тавигдах шаардлага:
- МУИС-ийн идэвхитэй төлөвийн бакалаврын 2-3 түвшний оюутан, магистр доктор, багш, ажилтан /төгсөгч байж болно/
- Европ стандартын Чех хэлний А1-А2 түвшний мэдлэгтэй /Ерөнхий суурь хөтөлбөрөөр Чех хэлийг судалсан байх/
- Харилцааны соёлтой, нээлттэй, суралцах судалгааг хийх хүсэл эрмэлзлэлтэй байх
Бүрдүүлэх материал:
- Сургуулийн тодорхойлолт англи хэл дээр
- Албан ёсны дүнгийн хуулбар англи хэл дээр
- Суралцагчийн талаархи мэдээллийг агуулсан тэтгэлгийн анкет (татаж авах)
- Сургалтын зорилго бичгээр өгөх
- Гадаад пасспортын хуулбар /хүчинтэй хугацаа 6 сараас дээш байна/
- 6 сараас хэтрээгүй цээж зураг 2 % (4,5 cm × 3,5 cm нэрээ ард нь бичсэн байна.)
Тэтгэлэгт дараах зүйлс багтана. Үүнд:
- Хоол хүнс ба байрлах газар (өглөөний, өдрийн, оройн хоол багтана)
- Сургалтын төлбөр
- Зуны сургуулийн курсын хүрээнд зохион байгуулагдсан соёлын арга хэмжээ ба аялалд үнэгүй хамрагдах эрх
Тэтгэлэгт дараах зүйлс хамрагдахгүй.Үүнд:
- Олон улсын тээврийн зардал
- Виз олголттой холбоотой зардлууд
- Даатгалын зардал
Хүсэлт хүлээн авах эцсийн хугацаа: 2019 оны 3 дугаар сарын 13-ны өдөр
Хүсэлт гаргагч нь өөрийн бүрдүүлсэн материалыг МУИС-ийн хичээлийн II байр 216 тоот Оюутан, төгсөгчийн хэлтэст өөрийн биеэр авчирч өгөх ба өөрийн материалыг нэг багц PDF файл болгон studentaffairs@num.edu.mn хаягаар илгээнэ.
Сургалтын талаарх дэлгэрэнгүй мэдээллийг дараах хаягаас үзнэ үү:
- https://www.mzv.cz/ulaanbaatar/mn/x2010_11_18/x2010_11_18_1/x2019/letni_skola_slovanskych_studii_2019.html
- http://www.msmt.cz/eu-and-international-affairs/summer-schools-of-slavonic-studies?lang=2
ОЮУТАН, ТӨГСӨГЧИЙН ХЭЛТЭС
