Монгол УИХ-аас Инновацийн тухай хууль батлагдан гарч хүчин төгөлдөр мөрдөгдөж эхэлснээр удтал хүлээгдсэн МУИС-ийн Оюуны өмчийн талаар баримтлах бодлого, Технологи дамжуулах журмууд батлагдлаа.
2011 оны 9-р сарын 30-ны өдрийн МУИС-ийн Эрдмийн зөвлөлийн хурлаас нэгэн түүхэн шийдвэр гаргаснаар МУИС нь Монгол улсын хэмжээнд анх удаа Оюуны өмчийн талаар баримтлах бодлоготой их сургууль болж байна. Мөн энэ бодлогын дагуу эрдэмтэн судлаач, суралцагчдынхаа судалгаа шинжилгээний ажлыг дэмжих нэгэн шинэ хөшүүрэг бий болж, арилжааны үнэ цэнтэй судалгааны үр дүнг эдийн засгийн эргэлтэнд оруулах Технологи дамжуулах журам анх удаа батлагдан гарч байна.
Төрөөс баримтлаж буй бодлогын хүрээнд сургалтаас судалгааны их сургууль болох анхны шат ийнхүү тавигдлаа.
Эрдэмтэн судлаач, суралцагч та бүхэнд энэхүү бодлого, журмыг танилцуулж байна. Тодруулах зүйл байвал Технологи дамжуулах төвд хандана уу.
2012-8-31 1-р хавсралт МУИС-ийн Оюуны өмчийн талаар баримтлах бодлого
2012-8-31-2-р хавсралт Технологи дамжуулах журам
