Эрдэм шинжилгээний багц цаг, төсөл, профессорын суурь зардлыг бүртгүүлэх, баталгаажуулах ажлыг зохион байгуулах ажлын хэсэг томилогдон ажиллаж эхлэв

Share Button

Профессор, багшийн эрдэм шинжилгээний багц цаг, төсөл, профессорын суурь зардлыг Эрдэм шинжилгээний мэдээллийн менежментийн систем (ЭШММС) болон Төслийн мэдээллийн менежментийн систем (ТММС)-ийг ашиглан удирдамжид заасны дагуу 2019 оны 12 дугаар сарын 16-ны өдрөөс эхлэн бүртгүүлэх, баталгаажуулах ажлыг зохион байгуулах ажлын хэсэг өнөөдөр /2020.01.06/ хуралдлаа.

Тус ажлын хэсэг МУИС-ийн Дүрмийн 4.4.2 дугаар заалт, “МУИС-ийн стратеги төлөвлөгөө-2016-2024”-ний 4.1 дүгээр стратегийн зорилт, МУИС-д профессор, багш ажиллуулах журам, МУИС-ийн Судалгааны ажлын санхүүжилтийн журмын 8.6, 8.7 дугаар заалт, МУИС-ийн Захиргааны зөвлөлийн 2019 оны 12 дугаар сарын 3-ны өдрийн хурлын шийдвэрийг үндэслэн ажиллаж байна. Тус ажлын хэсгийн ахлагчаар Эрдэм шинжилгээ, хамтын ажиллагаа хариуцсан дэд захирал Ч.Лодойравсал, нарийн бичгийн даргаар Эрдэм шинжилгээний хэлтсийн дарга Г.Амарсанаа нар ажиллаж байна.

Татах (PPTX, 798KB)

Ажлын хэсгийн гишүүд:

  • Б.Ганбат /ХШУИС-ийн Электроник, холбооны инженерчлэлийн тэнхимийн профессор/
  • Ц.Амартайван /ШУС-ийн Байгалийн ухааны салбар хариуцсан дэд захирал/
  • Б.Батжаргал /ШУС-ийн Биологийн тэнхимийн профессор/
  • Н.Батдэлгэр /БС-ийн МТ-ийн профессор/
  • Ж.Төртогтох /ШУС-ийн НУС-ын профессор/
  • Т.Отгонтуул /ШУС-ийн ХУС-ын профессор/
  • А.Бямбажаргал /ХЗС-ийн профессор/
  • Б.Мөнх-Өлзий /ОУХНУС-ийн ОУХ-ны тэнхимийн ахлах багш/
  • Б.Энхцэцэг /Санхүү, төлөвлөлтийн газрын дарга/
  • А.Сайнбаяр /ЭШХ-ийн ахлах мэргэжилтэн/

Профессор, багш нар удирдамжийн гүйцэтгэсэн Б цагийг холбогдох мэдээллийн системд тухайн хичээлийн жилийн намрын улирлын гүйцэтгэлийг 2020 оны 1 дүгээр сарын 20-ны өдөр, хаврын улирлын гүйцэтгэлийг 2020 оны 5 дугаар сарын 20-ны өдөр хүртэл бүртгүүлж баталгаажуулах шаардлагатай байна. ЭШММС болон ТММС-д бүрдүүлсэн өгөгдлийг боловсруулж нэгдсэн тайланг Захиргааны зөвлөлөөр 2020 оны 9 дүгээр сарын 25-ны дотор хэлэлцүүлэх ажлыг Эрдэм шинжилгээ хамтын ажиллагаа хариуцсан дэд захирал Ч.Лодойравсал гүйцэтгэх юм.

Эрдэм шинжилгээний хэлтэс