Монгол улсын их сургууль байгуулагдсаны 70 жилийн ойг угтсан шилдэг төгсөгч, дэмжигчдийн хүндэтгэлийн хүлээн авалт өчигдөр Улаанбаатар ресторанд боллоо. Хүлээн авалтанд Классик жэм хамтлаг, МУГЖ Б.Эрдэнэбат, дуучин Б.Хонгор, Д.Мөнхбат, Н.Энхжаргал зэрэг дуучид ая дуугаа өргөж, МУИС-ийн үе үеийн төгсөгчид болон хамтран ажилладаг, дэмжигч байгууллагын төлөөлөгчид хүрэлцэн ирсэн юм.
Мөн энэ үеэр нэгэн сонирхолтой үйл ажиллагаа зочдын анхаарлыг ихэд татсан нь дуудлага худалдаа байв. МУИС-ийн 70 жилийн ойд зориулан цорын ганц хувь хийлгэсэн 2,3 граммын 585 сорьцтой МУИС-ийн лого, бэлэг тэмдгийг илэрхийлсэн монетон энгэрийн тэмдгийг НШУС-ийн төгсөгч “Цагаан шонхор” компаний захирал, түүхч Ч.Энхтайван худалдаж авлаа. Харин 999 сорьцой, дээрээ 12 жил, удаан жаргалын бэлгэдэл түмэн насан хээтэй, МУИС-ийн дурсгалын үг бүхий 7 лангийн их гарын мөнгөн хулыг ЭЗС-ийн төгсөгч ” Nature food ” ХХК-ийн захирал, эдийн засагч Д.Эрдэнэбат худалдан авсан юм. Эдгээр зүйлсийн үнэ цэнэ нь орц, материалдаа бус “Монгол Улсын Их Сургууль”-ийн гэдэг бэлэгдэлт утгандаа байсныг энд хэлэх илүүц бизээ.
Хүндэтгэлийн хүлээн авалтанд хүрэлцэн ирж сэтгэлийн хандив өргөсөн төгсөгч, байгууллага, хамт олон та бүхэндээ дахин ойн баярын мэнд хүргэж, талархал илэрхийлье.
