Өнөөдөр /2024.12.27/ Монгол Улсын Ерөнхийлөгчийн зарлигаар төрийн дээд одонгоор шагнагдсан багш, ажилтнуудад МУИС-ийн ректор, профессор Б.Очирхуяг одон, медалийг гардуулан өгч хүндэтгэл үзүүллээ.
Хөдөлмөрийн гавьяаны улаан тугийн одонгоор МУИС-ийн Нягтлан бодох бүртгэлийн тэнхимийн дэд профессор Д.Нямаа, Алтангадас одонгоор МУИС-ийн ахмад ажилтан Б.Сүх, МУИС-ийн Маркетинг худалдааны тэнхимийн зөвлөх дэд профессор С.Бурмаа, МУИС-ийн Менежментийн тэнхимийн ахлах багш Ж.Сарантуяа, Хөдөлмөрийн хүндэт медалиар МУИС-ийн Гадаад хэлний төвийн ахлах багш С.Туул, МУИС-ийн Худалдаа, маркетинг, менежментийн салбарт багшаар ажиллаж байсан С.Ардак нарыг тус тус шагнасныг гардууллаа.
Монгол Улсын Засгийн газрын шагнал “Боловсролын тэргүүний ажилтан” хүндэт тэмдгээр МУИС-ийн Бизнесийн сургуулийн захирлын туслах Б.Баасансүрэнг, “Үйлдвэр, худалдаа, үйлчилгээний тэргүүний ажилтан” тэмдгээр МУИС-ийн Маркетинг худалдааны тэнхимийн ахлах багш П.Баасанжаргал нарыг тус тус шагнасныг гардуулав.
Төрийн дээд одон, медалиар шагнагдсан багш, ажилтнууддаа эрүүл энх, сайн сайхныг хүсэн ерөөе.
