Монгол Улсын Их Сургуулийн доктор, профессор Я.Отгонсүрэнгийн нэрэмжит “Маркетинг, Худалдааны хөгжлийн асуудлууд” сэдэвт оюутан, суралцагчдын эрдэм шинжилгээний хурал 2025 оны 5 дугаар сарын 2-ны өдөр үндэсний хэмжээнд зохион байгуулагдах гэж байна.
Энэхүү хурлын зорилго нь маркетинг, худалдааны чиглэлээр сургалт явуулдаг их, дээд сургуулиудын магистрант болон бакалаврын түвшний оюутан судлаачдын судалгааны ажлын үр дүнг танилцуулах, хэлэлцүүлэг өрнүүлэх, судалгаа хийх ур чадвар, бүтээлч сэтгэлгээг хөгжүүлэх, судалгааны ажлын үр дүнг түгээн дэлгэрүүлэх, харилцан суралцах орчныг бүрдүүлэхэд оршино.
Хурал дараах хоёр үндсэн чиглэлийн хүрээнд зохион байгуулагдана. Үүнд:
- Маркетинг
- Худалдаа ба гааль
Хурлыг дараах байгууллагууд хамтран зохион байгуулж, ивээн тэтгэж байна. Үүнд:
- Монгол Улсын Их Сургууль, Бизнесийн сургууль, Маркетинг, худалдааны тэнхим
- “Нэг бүс – Нэг зам” Олон улсын хөгжлийн судалгааны академи
Эрдэм шинжилгээний хурал 2025 оны 5 дугаар сарын 2-ны Баасан гарагт 10:00 цагаас МУИС-ийн Номын сангийн байрны 502 тоот хурлын танхимд болно. Эрдэмтэн багш, судлаач оюутан залуус та бүхнийг тус хуралд идэвхтэй оролцохыг урьж байна.
